खानिःत् 23:21 - लिम्बु21 “याकुबओ तॽयान् फे़म्मा निमे़न्दे़त्ते वाॽरो॥ इस्राइलओ तुक्खे लाक्खे निमे़न्धाःप्पे वाॽरो॥ यहवे दाङ्बा, खुन्छिॽ निङ्वाॽफुमाङ्ङिन् खुन्छिॽनुए वाॽरो, हे़क्क्याङ् खुने़ॽए खुन्छिॽ हाङ् फाॽआङ् खे़ङ्हाॽरे़ उवा मे़जोगुरो॥ Gade chapit la |
खानिःत् 23:21
49 Referans Kwoze
निङ्वाॽफुमाङ्ङिन् आनिगे लाम्लोबा पोःक्खे़आङ् आनिगे़नु वाॽ॥ खुने़ॽ कुनिङ्वाॽफुसाम्बाहाॽ खिनिॽ तक्ले़ङ्वाओ ते़न्धङ् इक्ला मिक्सेन् पिमारे़ लागि सादाङ्हाॽ मे़याङ्सिङ्ङाङ् मे़ये़म्सिङ्ॽ॥ इस्राइलिसे, यहवे दाङ्बा खिनिॽ सुधे़बा ताक्थे़बाहाॽरे़ खुन्छिॽ निङ्वाॽफुमाङ्ङिल्ले़ कुदक्ले़ङ्वाओ थङ् मे़न्जोःक्काम्मे़ॽ, थेआङ्भे़ल्ले़ खिनिॽ कुसाङ् के़ल्लसुम्मिन्ॽ!”
गिदोनरे़ खे़न् मे़त्तु, “आदाङ्बे, खे़प्से़ॽओ, यहवे दाङ्बे़न् से़क्खाए आनिगे़नु वाॽने़भग्र कन् के़रे़क् पाःन्हाॽ आनिगे थेआङ् तुमुम्बे़बे? खे़न् के़रे़क् निङ्वाॽ के़माबा खुने़ॽ कुयाःम्बक्हाॽ थे़मा पोःक्खे़बे, आनिगे पाधे़बाहाॽलाम् खे़न् खे़म्सुम्बे़आङ् वाॽ, खे़ङ्हाॽरे़ अक्खे मे़बाःत्तुआङ् वये़, ‘थे यहवे दाङ्बे़ल्ले़ मिस्र लाजेॽलाम् आनिॽ आलःत्ते़ आभे़त्ते़बा मेःम्बि?’ कर आल्लग यहवे दाङ्बे़ल्ले़ आनिॽ आनाॽरे़आङ् वाॽ, हे़क्क्याङ् मिद्यानिहाॽरे़ खुन्छिॽ हुक्को आनिॽ हुक्आसुप्ते़ आदेसे़आङ् वाॽ॥”
खुने़ॽ मे़त्तु, “आङ्गाॽ आदाङ्बारे़ के़निमो के़निङ्वाॽ के़दाबा पोःक्खाङ्ङाङ् वाॽआने़भग्र, यहवे दाङ्बाए, आङ्गाॽ पेलि फाक्ने़, यहवे दाङ्बान्ने आनिगे़नु सोरिक् लाङ्घेगे़ॽ॥ कन्हाॽ आधिङ्गानि मना मे़बोःक्खे़साङ् आनिगे फे़न्याःम्बक् नु लायोलाम् ले़प्मि आबिरे़ॽआङ् लक्खोबा कुइसिक् आबाङे के़माना हे़क्के आदाःक्ते़ॽओ॥”
निङ्वाॽफु माङ्हिम्मिन् नु नावाइत्लान् आक्खेलॽरिक् तङ्मा सुक्पे? थेआङ्भे़ल्ले़ आनिॽग आजुनि निङ्वाॽफुमाङ्ङिल्ले़ कुमाङ्हिम्सिरो॥ निङ्वाॽफुमाङ्ङिल्ले़ साम्योसाप्लाओ अक्खेलॽरिक् पाःत्तुआङ् पत्, “इङ्गाॽग खे़ङ्हाॽरे़ खुनिॽ लुम्मो वाॽआआङ् लाङ्घेःक्कारो॥ हे़क्क्याङ् इङ्गाॽ खुनिॽ निङ्वाॽफुमाङ् पोङ्ङा, हे़क्क्याङ् खे़ङ्हाॽ आमना मे़बोङ्लो॥”
हे़क्क्याङ् निङ्वाॽफुमाङ्ङिल्ले़ मोसान् मे़त्तु, “आङ्गाॽ खे़ने़ॽनु वाॽआ, खे़ब्याङ् आङ्गाॽ खे़ने़ॽ पाङ्ने़बा के़लॽबा पाःन्निल्ले़ मिक्सेःन्निन् खे़ने़ॽओ कन् पोङ्ॽ—खे़ने़ॽ खे़न् मनाहाॽ मिस्रलाम्बा के़लःत्तु के़भे़त्तुसिल्ले़ खे़निॽ कन् कोःक्माओ निङ्वाॽफुमाङ्ङिन् माङ्से़वा के़मे़त्तुम्॥”
‘यहवे दाङ्बान् हने़ कुसिक् मे़म्बोःक्मनाबा नु लुङ्माॽ आदुक्तुक्पा चोक्, फे़न्याःम्बक् नु लायो लासोत् ले़प्मि के़बिबा चोक्, कर आप्तिक्साबान् आत्तिन् परिक्ले़आङ् आप्तिक् मेःन्नेबा मे़न्जोःक्मनाबा, पाधे़बा थाःक्थे़बाहाॽरे़ खुन्छिॽ लायोल्ले़ कुले़क्वा खुन्छिॽ सुम्सि लिसि थाःक् थारिक्साङ् खुम्दिङ् के़बिबा चोक्॥’
खे़ङ्हाॽ मोसान् नु हारुने़ल्ले़ खुन्छिॽ तक्ले़ङ्वाओ के़रे़क् मे़भुङ्सिङ्ङाङ् खे़ङ्हाॽ मे़मे़त्तुसि, “खिनिॽ साॽरिक्के मे़न्वाॽमनाबा के़जोगुम्! सङ्जुम्भोबा के़रे़क् मनाहाॽ सेसेबा मे़जोक्, हे़क्क्याङ् यहवे दाङ्बे़न् खे़ङ्हाॽरे़ खुन्छिॽ लुम्मो वाॽ॥ खिनिॽ थेआङ् आप्फेक् यहवे दाङ्बे़ल्ले़ के़रे़क् कुमनाहाॽनुःल्ले़ यम्बा के़हे़न्नासिबाबे?”
“आन्दाङ्बे, खे़ने़ॽ के़से़वारोमाल्ले़ फेःन्दुबा पाःन्निन् ले़प्मि पिरे़ॽओ॥ आदाङ्बारे़ के़धाःक्हाॽ यहवे दाङ्बे़ल्ले़ सदादिङ् के़वाॽबा चोगुसिर, थेआङ्भे़ल्ले़ आदाङ्बारे़ग यहवे दाङ्बाल्ले़ कुधङ्हाॽओ थङ् के़जोःक्ल के़बत्लो॥ आदाङ्बा के़वाॽर थारिक् खे़ने़ॽओ ताप्फे़ःम्बा थेआङ् खोमे़दे़त्ने़न्लरो॥
Piblisite