खानिःत् 22:34 - लिम्‍बु

³⁴ बालामे़ल्‍ले़ यहवे दाङ्‌बे़ल्‍ले़ कुमाङ्‌लाइङ्‌बे़न् मे़त्तु, “आङ्‌गाॽ लायो चोगुङ्‌ङाङ् वाॽ॥ आङ्‌गाॽ आलाम्‍मिन् के़धेःक्‍तुआङ् खे़ने़ॽ के़ये़बे़बा आङ्‌गाॽ मे़न्‍निबा॥ कल्‍ले़चोगुल्‍ले़ खे़ने़ॽ के़मिक्‍साओ कन् नुबा मे़जोक्‍ने़न्‍ने़भग्र आङ्‌गाॽ याम्‍मो नुःङ्‌ङा पेःक्‍का॥”

खानिःत् 22:34 Referans Kwoze

२ सामुए़ल 12:13

हे़क्‍केःल्‍ले़ दाउदे़ल्‍ले़ नाताने़न् मे़त्तु, “आङ्‌गाॽ यहवे दाङ्‌बाल्‍ले़ कुदक्‍ले़ङ्‌वाओ लायो चोगुङ्॥” नाताने़ल्‍ले़ दाउदे़न् मे़त्तु, “यहवे दाङ्‌बाल्‍ले़ खे़ने़ॽ के़लायोन् खे़त्तुआङ् वाॽ, खे़ने़ॽ के़न्‍छिने़न्॥

१ सामुए़ल 15:24

सावलरे़ सामुए़ले़न् मे़त्तु, “आङ्‌गाॽ लायो चोगुङ्॥ यहवे दाङ्‌बाल्‍ले़ कुइङ्‌जाङ्‌ङिन् नु खे़ने़ॽ के़बाःन्‍निन् खे़म्‍मा ते़न्‍दिङ् मे़न्‍जोःक्‍पान्॥ आङ्‌गाॽ आमनाहाॽनु किसाङ्, हे़क्‍क्‍याङ् खे़ङ्‌हाॽरे़ थे चोःक्‍मा मे़गोःत्तु हाबा खे़न्‍ने चोगुङ्॥

१ सामुए़ल 26:21

खे़ब्‍याङ् सावलरे़ मे़त्तु, “आङ्‌गाॽ लायो चोगुङ्॥ दाउद आस्‍साए नुःक्‍खे़आङ् त्‍ये़ॽ॥ आइन्‍बा ये़न्‍नो खे़ने़ॽ आङ्‌गाॽ साःङ्‌गुगे़न् आसक्‍मान् साॽरिक् इमे़ल्‍लुङ्‌बा निङ्‌वाॽ के़इःत्तु, आल्‍ल आङ्‌गाॽ आप्‍फाल्‍ले़आङ् खे़ने़ॽ से़प्‍मा निङ्‌वाॽ मे़जोक्‍कान्॥ आङ्‌गाॽग से़क्‍खासाङ् अदङ् पोःक्‍खाङ्, आङ्‌गाॽ चाॽरिक् यम्‍बा याःम्‍बक् फेःन्‍दुङ्॥”

१ सामुए़ल 15:30

सावलरे़ नोगप् पिरु, “आङ्‌गाॽ लायो चोगुङ्॥ कर इस्राइलि आमनाहाॽरे़ खुनिॽ लाम्‍लोबा नु इस्राइल लाजेॽ तगि थिक्‍ले़ङ्‌लक् मिङ्‌सो इङ्‌धाङ्‌साबा आजोगे़ॽ, आङ्‌गाॽनु फे़रे़ॽ, हे़क्‍केःल्‍ले़ आङ्‌गाॽ के़निङ्‌वाॽफुमाङ् यहवे दाङ्‌बान् माङ्‌से़वा मे़प्‍मा सुक्‍तुङ्‌ल॥”

खाहुन् 24:18

मेःन्‍ने़भग्र यहवे दाङ्‌बे़ल्‍ले़ निसुआङ् खुने़ॽ मे़दे़न्‍ने़ल्‍लो, हे़क्‍क्‍याङ् खे़न् लाम्‍बा खुने़ॽ कुसाक्‍के़न्‍निन् खे़त्तुदेसुरो॥

निङ्‌वाॽफु साम्‍लोसुम् 78:34

निङ्‌वाॽफुमाङ्‌ङिल्‍ले़ खे़ङ्‌हाॽ से़प्‍मा हेःक्‍तुसिल्‍ले़ कुभा खुने़ॽओ मे़नुःक्‍खे़ मे़द्‌ये़रो, हे़क्‍क्‍याङ् खुनिॽ निङ्‌वाॽ लोरे़र खे़ङ्‌हाॽरे़ खुने़ॽ पेलि मे़भाक्‍तुरो॥

१ साप्‍मुःन्‍धुम् 21:7

कन् इङ्‌जाङ्‌ङिन् निङ्‌वाॽफुमाङ्‌ङिल्‍ले़ कुनिङ्‌वाॽ मे़न्‍दाए वये़, हे़क्‍क्‍याङ् खुने़ॽ इस्राइलिहाॽ खुम्‍दिङ् पिरुसि॥

१ सामुए़ल 24:17

खुने़ॽ दाउदे़न् मे़त्तु, “आङ्‌गाॽनुःल्‍ले़ खे़ने़ॽ यरिक् साम्‌योबा के़जोक्, आङ्‌गाॽ ताप्‍फे़ःल्‍लिक् मे़त्‍ने़, कर खे़ने़ॽ आङ्‌गाॽ नुरिक् के़मे़त्ताङ्॥

खानिःत् 22:12

कर निङ्‌वाॽफुमाङ्‌ङिल्‍ले़ बालामे़न् अक्‍खे मे़त्तु, “खे़ने़ॽ कन्‍हाॽनु मे़बेगे़न्‍ने़ॽ॥ खे़ने़ॽ कन् सुवाङ्‌हाॽ माङ्‌दे साङ्‌ग्रा मे़प्‍मासि मे़नुॽने़न्, थेआङ्‌भे़ल्‍ले़ खे़ङ्‌हाॽ मुॽइसाबा मे़जोक्॥”

खानिःत् 14:40

खे़ङ्‌हाॽ आन्‍देन् तानाम्‍सा मे़बोगे़आङ् अक्‍खे मे़लॽरे़र कोःक्‍मा फाङ्‌जङ्‌बा ते़ङ्‌गप् ले़प्‍माङ् थोःक्‍सिङ्‌मा मे़हेःक्‍ते़, “ओमे़त्ते़म्‍मे़ॽ, आनिॽ कप्‍मोलाम् आल्‍ल यहवे दाङ्‌बे़ल्‍ले़ माङ्‌हुप् चोगुबादे़न्‍नो थोःक्‍कासिआङ् पेगि, थेआङ्‌भे़ल्‍ले़ आनिॽग लायो आजोगुम्‍माङ् आवाॽ॥”

खानिःत् 11:1

कन् ये़म्‍मो यहवे दाङ्‌बे़ल्‍ले़ खे़प्‍सुर थारिक् खे़न् मनाहाॽ खुन्‍छिॽ तुक्‍खेःल्‍ले़ कुयाःम्‍बेओ मने़धिक्‍मा मे़हेःक्‍ते़॥ आल्‍ल यहवे दाङ्‌बे़ल्‍ले़ कन् खे़प्‍सु, खे़ब्‍याङ् खुने़ॽ कुसाक्‍के़न्‍निल्‍ले़ मि पोःक्‍खे़, हे़क्‍क्‍याङ् यहवे दाङ्‌बालाम् के़लःम्‍बा मिन् हाॽरुआङ् साःङ्‌गाहिम्‍हाॽरे़ कुया कुदिङ्‌हाॽ खाप्‍पुथ्‍यःङ् पोःक्‍खे़॥

लाम्‍दिक् 9:27

फारोल्‍ले़ मोसान् नु हारुने़न् उःत्तुसिआङ् मे़त्तुसि, “कन्‍छुमो आङ्‌गाॽ लायो चोगुङ्॥ यहवे दाङ्‌बान् कुदोःप्‍मा चोक्, आङ्‌गाॽ नु आमनाहाॽरे़ याःम्‍बक् फेःन्‍दुम्‍बे़॥

खानिःत् 22:33

खे़न् अदङ्‌ङिल्‍ले़ आङ्‌गाॽ निसाङ्‌ङाङ् आल्‍लो थारिक्‍ले़ सुम्‍दुःक् आङ्‌गाॽ आदगिलाम् खे़त्‍छिङ्॥ आङ्‌गाॽलाम् खे़न् मे़घे़त्‍छिङ्‌ङे़न्‍बा हे़क्‍केःल्‍ले़ आल्‍लो थारिक्‍ले़ आङ्‌गाॽ खे़ने़ॽ आन्‍देन् से़त्‍ने़मे़न्, कर खे़ङ्‌ग कुहिङ्‌वे़त् ले़रुङ्‌मे़न्॥”