खानिःत् 22:18 - लिम्‍बु

¹⁸ कर बालामे़ल्‍ले़ बालाकरे़ कुइङ्‌साबाहाॽ अक्‍खे मे़त्तुसिआङ् नोगप् पिरुसि, “बालाकरे़ कुहाङ् कुहिम्‍मो कत्तुबा के़रे़क् साम्‍म्‍याङ् नु युप्‍पाहाॽ पिआसाङ् यहवे दाङ्‌बा आङ्‌गाॽ आनिङ्‌वाॽफुमाङ्‌ङिल्‍ले़ कुबाःन्‍निन् चुक्‍पा इग्र यम्‍बा पाःन्‍नो फेःम्‍मा मे़सुक्‍कान्॥

खानिःत् 22:18 Referans Kwoze

खानिःत् 24:13

‘बालाके़ल्‍ले़ कुहाङ्‌हिम्‍मो कत्तुबा के़रे़क् साम्‍म्‍याङ् नु युप्‍पाहाॽ आङ्‌गाॽ पिआसाङ् यहवे दाङ्‌बे़ल्‍ले़ कुबाःन्‍जाक्‍किन् काःक्‍माआङ् आनिङ्‌वाॽ पाःत्‍पाःत् नुबा इग्र ताप्‍फे़ःम्‍बा चोःक्‍मा मे़सुक्‍कान्॥ यहवे दाङ्‌बे़ल्‍ले़ च्‍या मे़त्ता, आङ्‌गाॽ खे़न्‍ने पाःत्तुङ्‌ॽ॥’

२ साप्‍मुःन्‍धुम् 18:13

कर मिकायाःल्‍ले़ पाःत्तु, “से़क्‍खाए यहवे दाङ्‌बे़न् कुहिङ्‌वे़त् वाॽबा कुइसिक् नु खे़ने़ॽ कुहिङ्‌वे़त् के़वाॽबा कुइसिक् आङ्‌गाॽ माङ्‌हे़क्‍सिङ्‌ङाआङ् पाःत्तुङ्‌ॽ, आनिङ्‌वाॽफुमाङ्‌ङिल्‍ले़ आङ्‌गाॽ च्‍या मे़त्ता, खे़न्‍लक् आङ्‌गाॽ पाःत्तुङ्‌ॽ!”

१ हाङ् 22:14

कर मिकायाःल्‍ले़ मे़त्तु, “से़क्‍खाए यहवे दाङ्‌बे़न् कुहिङ्‌वे़त् वाॽबा कुइसिक् आङ्‌गाॽ माङ्‌हे़क्‍सिङ्‌ङाआङ् पाःत्तुङ्‌ॽ, यहवे दाङ्‌बे़ल्‍ले़ आङ्‌गाॽ च्‍या मे़त्ता, हाबा खे़न्‍लक् आङ्‌गाॽ पाःत्तुङ्‌ॽ॥”

खानिःत् 23:26

कर बालामे़ल्‍ले़ बालाके़न् मे़त्तु, “यहवे दाङ्‌बाल्‍ले़ च्‍या पाःत्तुॽ खे़न् आङ्‌गाॽ से़क्‍खा चोःक्‍माए पोङ् फाॽआङ् खे़ने़ॽ तगिए मे़मे़त्‍ने़न्‍नाङ् मे़वये़न्‍बि?”

खानिःत् 22:38

खे़ब्‍याङ् बालामरे़ बालाके़न् मे़त्तु, “ओमे़त्ते़ॽ, आल्‍ल आङ्‌गाॽ खे़ने़ॽओ फे़राङ्‌ङाङ् वाॽआ॥ थे़मा पान् पाःप्‍पाआङ् आङ्‌गाॽ मुक्‍साम् मे़गत्तान्॥ निङ्‌वाॽफुमाङ्‌ङिल्‍ले़ आङ्‌गाॽ थे़मा इङ्‌जाङ् पिआ आम्‍भा खे़न्‍लक् आङ्‌गाॽ पाःप्‍मा पोङ्‌ॽ॥”

तितस 1:16

खे़ङ्‌हाॽरे़ निङ्‌वाॽफुमाङ्‌ङिन् कुसिङ् निःत्तुम्‍बे़ लॽरिक् मे़बाःत्तुॽ, कर आबाङे याःम्‍बक्‍कोलाम् मे़नाॽरुरो॥ खे़ङ्‌हाॽग याम्‍गे़सिङ्‌बा नु इङ्‌जाङ् इःप्‍मा नाःप्‍मा मे़न्‍दे़म्‍मना मे़जोःक्‍काङ् नुबा याःम्‍बक् चोःक्‍मा मे़न्‍छुक्‍तुन्‍लो॥

सेःक्‌युक्‍मिबाहाॽ 8:20

कर पत्रुसरे़ नोगप् पिरु, “के़याङ्‌ङिन् खे़ने़ॽनुए मे़क्‍लरो, थेआङ्‌भे़ल्‍ले़ खे़ने़ॽग निङ्‌वाॽफुमाङ्‌ङिल्‍ले़ कुबर्धाःम्‍मिन् याङ्‌ङिल्‍ले़ इङ्‌मा के़इःत्तुॽरो॥

दानिए़ल 5:17

खे़ब्‍याङ् दानिए़लरे़ हाङ्‌ङिन् नुगप् पिरु, “आदाङ्‌बारे़ के़मिक्‍तोक्‍हाॽ आदाङ्‌बारे़ आप्‍फेक् कत्ते़ॽ हे़क्‍क्‍याङ् आदाङ्‌बारे़ के़हाङ्‌से़म्‍हाॽ वेॽ मनाहाॽ पिरे़से़ॽ॥ हे़क्‍केसाङ् पयम् हाङ्‌ङिल्‍ले़ के़लागि कन् साप्‍ते़आङ् के़बप्‍पे़न् निरुङ् पिने़ हे़क्‍क्‍याङ् कल्‍ले़ कुबेन् हन्‍दुङ् पिने़रो॥

खानिःत् 22:19

आल्‍ल वेॽहाॽरे़ मे़जोगुबा हे़क्‍केए खिनिॽआङ् आइन् से़न्‍दिक् हाबा कॽयो याःक्‍ते़म्‍मे़ॽ, हे़क्‍क्‍याङ् यहवे दाङ्‌बे़ल्‍ले़ आल्‍लसाङ् वेॽ थे़मा पाःत्तुॽ, आङ्‌गाॽ निङ्‌वाॽ खोसुङ्‌ॽ॥”

खानिःत् 24:12

बालामे़ल्‍ले़ बालाके़न् मे़त्तु, “खे़ने़ॽ आङ्‌गाॽओ के़बाङ्‌घुसिबा इङ्‌साबाहाॽ अक्‍खे मे़त्तुङ्‌सिङ्‌ङाङ् मे़वये़ने़म्‍बि?

१ हाङ् 13:8

कर निङ्‌वाॽफुमाङ्‌ङिल्‍ले़ कुमनाःल्‍ले़ हाङ्‌ङिन् नुगप् पिरु, “खे़ने़ॽ के़याङ्‌सा कुन्‍धेःन् आङ्‌गाॽ कुभ्रे़ःङ् के़बिआसाङ् आङ्‌गाॽ खे़ने़ॽनु मे़बेःक्‍कान्, आङ्‌गाॽ कप्‍मो खरे़ःङ्‌ङाङ् मे़जाआन् हे़क्‍क्‍याङ् च्‍वाःत्ताङ् मे़धुङ्‌ङान्॥

खानिःत् 22:8

बालामे़ल्‍ले़ खे़ङ्‌हाॽ मे़त्तुसि, “आइन् से़न्‍दिक् आम्‍भा कम्‍मोए याःक्‍ते़म्‍मे़ॽ, हे़क्‍क्‍याङ् यहवे दाङ्‌बे़ल्‍ले़ आङ्‌गाॽ थे़मा मे़त्ताआ, आङ्‌गाॽ हाबा खे़न् पाःन्‍निन् चे़क्‍निङ्‌ॽ॥” कल्‍ले़चोगुल्‍ले़ मोआबबा लाम्‍लोबाहाॽ बालामरो याङ्‌मे़धोःक्‍ते़॥

यहोसु 24:10

कर बालामरे़ कुबेलिन् आङ्‌गाॽ मे़ङ्‌घे़म् मे़म्‍बिबा॥ खे़ल्‍ले़चोगुल्‍ले़ खुने़ॽग खिनिॽ चक्‍मे़ल्‍लॽए हाङ्‌वागे़न् मुॽइसाम्‍नि के़बिरि॥ कम्‍भलॽरिक्‍के आङ्‌गाॽ खिनिॽ बालाके़ल्‍ले़ कुहुक्‍कोलाम् से़ःप्‍निङ्॥

अयुब 3:15

हाङ्‌साहाॽरे़ यरिक् साम्‍म्‍याङ् मे़गत्तुआङ् वये़रो, खे़ङ्‌हाॽरे़ खुन्‍छिॽ हाङ्‌हिम्‍हाॽ युप्‍पाःल्‍ले़ मे़धिम्‍सुआङ् ने़स्‍से़रो, खे़ङ्‌हाॽ हे़क्‍के आङ्‌गाॽआङ् इप्‍साङ्‌ङाङ् ने़स्‍साङ्‌मे़ल्‍लो॥