खानिःत् 21:5 - लिम्‍बु

⁵ खे़ब्‍याङ् खे़ङ्‌हाॽ निङ्‌वाॽफुमाङ्‌ङिन् नु मोसान् खुन्‍छिॽ तक्‍ले़ङ्‌वाओ अक्‍खे लॽमा मे़हेःक्‍ते़, “कन् मुरे़क् खारे़क् थेआङ् के़होप्‍पादे़न्‍नो सिसे़ खे़ने़ॽ थेआङ् मिस्र लाजेॽलाम् आनिगे आग्‍भे़त्ते़बाबे? कॽयो खरे़ःङ् होप्, कॽयो च्‍वाःत्ताङ् होप्॥ कन् कुजागे़भे़म्‍बा कुजाःल्‍ले़ आनिगे निङ्‌सत्‍ले़ॽ ले़ॽरु!”

खानिःत् 21:5 Referans Kwoze

निङ्‌वाॽफु साम्‍लोसुम् 78:19

खे़ङ्‌हाॽरे़ निङ्‌वाॽफुमाङ्‌ङिन् अक्‍खेलॽरिक् चे़ॽया मे़मे़त्तुरो, “निङ्‌वाॽफुमाङ्‌ङिल्‍ले़ कन् मुरे़क् खारे़क् थेआङ् के़होप्‍पा ये़ःङ्‌घादे़न्‍नो आनिॽ चामा थुङ्‌मा पिमा आसुक्‍पि?

खानिःत् 16:41

कुदाःन्‍दिक्‍मा इस्राइलबा के़रे़क् सङ्‌जुम्‍भोःन् मोसान् नु हारुने़न् खुन्‍छिॽ तक्‍ले़ङ्‌वाओ अक्‍खे मे़लॽरे़आङ् मने़मे़धिक्‍ते़, “खे़न्‍छिॽए यहवे दाङ्‌बे़ल्‍ले़ कुमनाहाॽ के़से़रुसिआङ् वाॽ॥”

खानिःत् 17:12

इस्राइलिहाॽरे़ मोसान् मे़मे़त्तु, “ओमे़त्ते़साॽरे़, आनिगे मे़गिगे़, फे़त्‍लाॽरिगे़, आनिगे के़रे़क् थेनाधेबा पोःक्‍खिगे़!

लाम्‍दिक् 14:11

खे़ङ्‌हाॽरे़ मोसान् मे़मे़त्तु, “थे मिस्र लाजेॽओ इपुङ् मे़ने़स्‍से़न्‍बि? थे खे़ने़ॽ आनिगे कन् मुरे़क् खारे़क् थेआङ् के़होप्‍पादे़न्‍नो सिसे़ याप्‍मि के़भे़त्ते़बाबि? मिस्रलाम्‍बा आनिगे याप्‍मि के़लःत्ते़ के़भे़त्ते़आङ् आल्‍ल आनिगे याप्‍मि थे के़मे़त्ते़बाबे?

खाहुन् 27:7

पघा के़घाबा मनान् सक्‌वाघुःल्‍ले़ कुनिङ्‌ले़ॽरुरो, कर कुसिक्‍के़लाःक्‍पे़ल्‍ले़ के़घिःक्‍पान्‍नाङ् कुजानुॽरो॥

निङ्‌वाॽफु साम्‍लोसुम् 68:6

ए़क्‍लेःक् के़बोङ्‌बा मनान् निङ्‌वाॽफुमाङ्‌ङिल्‍ले़ हिम्‍सयङ्‌ङो तारुरो॥ खुने़ॽ पुङ्‌लाहिम्‍मो मे़साक्‍तुसिआङ् के़युङ्‌बाहाॽ लःत्तुसिआङ् मे़सःत्‍ल याःन्‍दुसिरो, कर पिफ्‍युङ् के़जोःक्‍पाहाॽग नाम्‍लाःङ्‌माल्‍ले़ ये़म्‍दुबा लाजेॽओ युक्‍खुसिरो॥

लाम्‍दिक् 16:31

इस्राइलिहाॽरे़ खे़न् कुजाःल्‍ले़ कुमिङ् “मन्‍न” मे़मे़त्तु॥ खे़न् सःप्‍फाःल्‍ले़ कुसेॽ हे़क्‍तङ्‌बा फदाङ्‌बा चोगे़ हे़क्‍क्‍याङ् सक्‌वाघुःन्‍नु सॽमनाबा हे़क्‍के पाॽबाःम्‍बा चुक्‍सा खरे़ःङ् कुसिङ् कुजागे़नुॽबा चोगे़॥

लाम्‍दिक् 16:15

इस्राइलिहाॽरे़ खे़न् मे़निसुआङ् कुसिङ् मे़न्‍निःत्तुन् हे़क्‍क्‍याङ् खुन्‍छिॽ लुम्‍मो अक्‍खेलॽरिक् सेःन्‍मे़दोसिङ्, “कन् थे़मानिबे?” मोसाःल्‍ले़ खे़ङ्‌हाॽ मे़त्तुसि, “यहवे दाङ्‌बे़ल्‍ले़ खिनिॽ चामा के़बिरिबा कुजान् हाबा कन्‍छबा॥

लाम्‍दिक् 15:24

खे़ब्‍याङ् मनाहाॽ मोसान् ले़प्‍माङ् मे़हिसिङ्‌ङाङ् मने़धिक्‍मा मे़हेःक्‍ते़, हे़क्‍क्‍याङ् खे़ङ्‌हाॽरे़ अक्‍खे मे़बाःत्तु, “आल्‍ल आनिगे थेःन् थुङुम्‍बे़बाबे?”

१ कोरन्‍थि 10:9

खे़ङ्‌हाॽओ कुभारे़ मे़जोगुबा कुइसिक् आनिॽग दाङ्‌बाल्‍ले़ कुनिङ्‌वाॽ साॽमा मे़नुॽने़न्‍लो॥ खे़ङ्‌हाॽरे़ हे़क्‍के मे़जोगुबाल्‍ले़ चोगुल्‍ले़ असेःक्‍पाहाॽरे़ मे़अगुसिआङ् यरिक् मे़स्‍ये़रो॥

इजकिएल 20:21

“कर खे़ङ्‌हाॽरे़ खुन्‍छिॽ साहाॽरे़आङ् आङ्‌गाॽ आदक्‍ले़ङ्‌वाओ पिफ्‍युङ् मे़जोगु॥ इङ्‌जाङ् के़घे़म्‍बा पोङ्‌मालाम् खे़ङ्‌हाॽरे़ हिङ्‌मन् मे़घोसुबा वये़साङ्, आङ्‌गाॽ आइङ्‌जाङ्‌हाॽ इःप्‍मा नाःप्‍मा नु आङ्‌गाॽ आधिम्‍हाॽ तिम्‍मा नाःप्‍मा खे़ङ्‌हाॽ मे़न्‍दे़न्‍दे़न्॥ खम्‍भ्‍याङ् आङ्‌गाॽ आसाबाथ ये़न्‍हाॽआङ् खे़ङ्‌हाॽरे़ मे़भेःन्‍दु॥ खे़ल्‍ले़चोगुल्‍ले़ मुरे़क् खारे़क् थेआङ् के़होप्‍पा एःक्‍सादे़न्‍नो आङ्‌गाॽ साॽरिक् आसिक् पोःक्‍मान् खे़ङ्‌हाॽरे़ खुन्‍छिॽ सम्‍धाङ् थासुङ् फाॽआङ् आङ्‌गाॽ याम्‍मो खे़ङ्‌हाॽ यङ्‌मा से़रुङ्‌सिङ्॥

खानिःत् 11:20

कर ने़बोओलाम्‍बा लःन्‍नाङ् निङ्‌सत्‍ले़ॽ ले़ॽरुर थारिक् लाधिक् खाराक् खिनिॽ खे़न् के़जाम्‌ॽ॥ थेआङ्‌भे़ल्‍ले़ खिनिॽ आप्‍फेक् लुम्‍मो के़वाॽबा यहवे दाङ्‌बान् के़नाॽरुम्‍माङ् खुने़ॽए कुदगि अक्‍खेलॽरिक् के़हाबिआङ् के़वयिॽ, “आनिगे थेआङ् मिस्र लाजेन् ले़रुम्‍बे़आङ् फे़रिगे़बाबे?”’”