खानिःत् 21:29 - लिम्बु29 मोआबे, खे़ने़ॽग के़जिःत्ते़ के़स्ये़रो! कमोसरे़ कुमनाए, खे़ने़ॽ के़मे़गे़रो! खे़ल्ले़ कुस्सा ये़म्बित्छाहाॽ के़घे़त्छिङ्बा हे़क्के हे़क्क्याङ् कुस्सा मे़न्छिन्साहाॽ पुङ्लाधाबा हे़क्के एमोरिहाॽरे़ खुन्छिॽ हाङ् सिहोने़न् पिरुदेसुसिआङ् वाॽरो॥ Gade chapit la |
खानिःत् 21:29
12 Referans Kwoze
यरुसले़म नाङ्गे़न् ले़प्माङ् चिःन्जिःन् के़घुबा मे़जोगुबा कोःक्माल्ले़ लाङ्गे़त् पिसाङ् इस्राइलबा हाङ् सोलोमनरे़ सिदोनिहाॽरे़ खुन्छिॽ याम्गे़सिङ्बा माङ्मा अस्तोरेत, मोआबबा सिक्के़ले़ःङ्बा माङ् कमोसे़न् नु अम्मोनबा मनाहाॽरे़ खुन्छिॽ याम्गे़सिङ्बा माङ् मोलोखरे़ कुलागि माङ्धाःन्हाॽ चोगुआङ् ने़स्से़, खे़न् माङ्धाःन्हाॽआङ् योसियाहःल्ले़ आसुत्थो चोगु॥
आङ्गाॽ कन् चोगुङ्ॽ, थेआङ्भे़ल्ले़ आङ्गाॽ मे़नाॽराङ्ङाङ् वाॽ, हे़क्क्याङ् सिदोनिहाॽरे़ खुन्छिॽ अस्तोरेत माङ्ङिन्, मोआबबा माङ् कमोसे़न् नु अम्मोनिहाॽरे़ खुन्छिॽ माङ् मोलेखे़न् खे़ङ्हाॽरे़ से़वा मे़मे़त्तुआङ् वाॽ, हे़क्क्याङ् आङ्गाॽ आलाम्मो खे़ङ्हाॽ लाङ्मे़ङ्घेःक्ने़न् आङ्गाॽ आनिमो आत्तिन् पाःन्निन् कुदोःप्मा चोक् खे़न्नाङ् मे़न्जोगुन्ॽ, सोलोमनरे़ कुम्बा दाउदरे़ चोगुबा हे़क्के आङ्गाॽ आसाम्योबा थिम्हाॽआङ् मे़न्इःत्तुन् मे़न्नाःत्तुन्॥
मोआबरे़ कुलागि आङ्गाॽ आनिङ्वान् हाःप्लो, थेआङ्भे़ल्ले़ कन् मोआब के़युङ्बा अप्मिबाहाॽ सोअर थारिक् नु एग्लत-सलिसिया थारिक्के मे़घे़त्छिङ्ङाङ् मे़बेःक्लो॥ लुहितबा थाम्माङ्बा लाम्मो खे़ङ्हाॽ मे़हाःप्ल मे़धोःक्सिङ्लो हे़क्क्याङ् होरोनैमबा लाम्मो खे़ङ्हाॽरे़ आबाङे खुन्छिॽ मे़क्मा सिमे़न्ले़ कुयाःम्बेॽओ मे़रिङ् मे़धक्लो॥
Piblisite