खानिःत् 21:24 - लिम्‍बु

²⁴ कर इस्राइलिहाॽरे़ खुने़ॽ ताभेःल्‍ले़ मे़ज्‍ये़प्‍तु मे़से़रु, हे़क्‍क्‍याङ् अर्नोन हःङ्‌गुआङ्‌धो यब्‍बोक वहःङ् थारिक् खुने़ॽ कुलाजेन् हुक्‍काप् मे़जोगु॥ कर अम्‍मोनिहाॽरे़ खुन्‍छिॽ इःन्‍दोओ थारिक्‍लक् खे़ङ्‌हाॽरे़ हुक्‍काप् मे़जोगु, थेआङ्‌भे़ल्‍ले़ अम्‍मोनिहाॽरे़ खुन्‍छिॽ इःन्‍दोन् नाःम्‍मा सुक्‍मे़न्‍दे़प्‍मनाबा चोगे़॥

खानिःत् 21:24 Referans Kwoze

आमोस 2:9

“खिनिॽ तगिलाम् एमोरिहाॽ मे़क्‍खुङ्‌सिङ्‌लो, खे़ङ्‌हाॽ साम्‍माङ्‌सिङ्‌हाॽ कुइसिक् केःम्‍बा नु यहिबासिङ् यारिक् के़धुम्‍बा मे़जोगे़रो॥ कर आङ्‌गाॽ कुसम्‍धाङ्‌बा कुजाॽहाॽ नु कुबुङ् सिगाङ् ले़प्‍माङ्‌बा साःप्‍हाॽ मे़क्‍खुङ्‌लो॥

निङ्‌वाॽफु साम्‍लोसुम् 136:19

खुने़ॽ एमोरिहाॽरे़ खुनिॽ हाङ् सिहोने़न् से़रुरो, खुने़ॽ चक्‍मे़ल्‍लॽए सदादिङ् लुङ्‌माॽ आदुक्‍लो॥

नहेम्‍याह 9:22

“खे़ने़ॽ खे़ङ्‌हाॽ एयाङ्‌बा मे़न्‍छाम् सुवाङ्‌हाॽरे़ खुनिॽ, हाङ्‌जुम्‍हाॽ नु खे़ङ्‌हाॽरे़ खुनिॽ इःन्‍दोहाॽरे़ कुबेसाङ्‌बा लाजेॽहाॽआङ्, खे़ङ्‌हाॽरे़ खुनिॽ युक्‍को के़बिरुसिरो॥ सिहोन हाङ्‌ङिल्‍ले़ कुलाजेॽ हेस्‍बोने़न् हे़क्‍क्‍याङ् ओग हाङ्‌ङिल्‍ले़ कुलाजेॽ बासाने़न् खे़ङ्‌हाॽरे़ मे़नाःन्‍दुरो॥

यहोसु 24:8

“‘आङ्‌गाॽ यर्दन नाधाःम्‍बि के़युङ्‌बा एमोरिहाॽरे़ खुन्‍छिॽ लाजेॽओ खिनिॽ फे़त्‍निङ्॥ खे़ङ्‌हाॽ खिनिॽनु थङ् मे़जोगे़, खे़ब्‍याङ् आङ्‌गाॽ खे़ङ्‌हाॽ खिनिॽ हुक्‍को थासुङ्‌सिङ्‌ङाङ् खिनिॽ खे़ङ्‌हाॽरे़ खुन्‍छिॽ लाजेन् के़युक्‍तुम्॥ आङ्‌गाॽ खिनिॽ तगि खे़ङ्‌हाॽ मे़क्‍खुङ्‌सिङ्॥

तोलिङ्‌सोमु 32:22

खे़न् से़न्‍दिक् याकुबे़न् पोगे़, हे़क्‍क्‍याङ् ने़त्‍छि मे़ल्‍लिङ्‌गे़न् कुमेःत्‍हाॽ, ने़त्‍छि कुसे़वारोमाहाॽ नु थिबोङ्‌ङाङ् थिक् कुस्‍सा ये़म्‍बित्‍छाहाॽ याङ्‌सिङ्‌ङाङ् यब्‍बोक यङ्‌घङ्‌ङिन् काःक्‍तु॥

खासे़न्‍लोःम्‍बा 21:8

खे़ब्‍याङ् खे़ङ्‌हाॽरे़ सेःन्‍मे़दोसुसि, “इस्राइलबा के़रे़क् थाःक्‍हाॽओलाम् यहवे दाङ्‌बाओ मिस्‍पा मे़म्‍बेःक्‍मनाबा कुभा मे़वाॽबि?” हे़क्‍क्‍याङ् याबेस-गिलादलाम् आत्तिन्‍हाॽआङ् चुम्‍लुङ्‌ले़ लागि साःङ्‌गाहिम्‍हाॽओ मे़म्‍भे़रे़न्‍लत्‍छ फाॽआङ् खे़ङ्‌हाॽरे़ निङ्‌वाॽ मे़घोसु॥

यहोसु 9:10

यर्दन नाधाःम्‍बि एमोरिहाॽरे़ खुन्‍छिॽ ने़प्‍माङ् हाङ्‌हाॽ, हेस्‍बोनबा हाङ् सिहोने़न् नु अस्‍तारोत के़युङ्‌बा बासानबा हाङ् ओगे़न् थे़मा थे़मा मे़त्तुसिआङ् वये़, खे़न् आनिगे खे़प्‍सुम्‍बे़आङ् वयिगे़॥

साम्‌योथिम् इङ् 29:7

खिनिॽ कन् ते़न्‍नो के़गे़रि के़भे़रिल्‍ले़ हेस्‍बोनबा हाङ् सिहोननु बासानबा हाङ् ओगे़न् आनिॽ तक्‍ले़ङ्‌वाओ थक्‍से़ लःन्‍दे़ त्‍ये़सि, हे़क्‍क्‍याङ् आनिॽ खे़ङ्‌हाॽ आनाःन्‍दुम्‍सिम्॥

साम्‌योथिम् इङ् 3:16

कर गिलादलाम् अर्नोन हःङ्‌गुःल्‍ले़ कुलुम्‍मो थारिक् नु अम्‍मोनिहाॽरे़ खुन्‍छिॽ इःन्‍दो, यब्‍बोक वहःङ् थारिक् चिभिॽफिॽबा ने़ने़बादे़न्‍निन् आङ्‌गाॽ रुबेनिहाॽ नु गादिहाॽ पिरुङ्‌सिङ्॥

खानिःत् 21:13

खे़प्‍मोलाम् खे़ङ्‌हाॽ लाम्‍दिक् मे़जोगे़आङ् एमोरिहाॽरे़ खुन्‍छिॽ इःन्‍दोओलाम् के़लःम्‍बा मुरे़क् खारे़क् थेआङ् के़होप्‍पादे़न्‍नो के़ने़बा अर्नोन वहःङ् नाधाःम्‍बि ले़प्‍माङ् साःङ्‌गाहिम् मे़घिङ्‌घु॥ अर्नोन वहःङ्‌ङिङ्‌ग मोआबरे़ कुइःन्‍दोरो, खे़न् मोआबि नु एमोरिहाॽरे़ खुन्‍छिॽ लुम्‍मो ने़ःॽ॥

यहोसु 13:12

इग्र खे़न् रपाइहाॽलाम् के़दाङ्‌बा के़याःक्‍पा अस्‍तारोत नु एद्रइओ हाङ्‌युक् के़जोःक्‍पा ओग हाङ्‌ङिल्‍ले़ के़रे़क् बासानबा कुहाङ्‌जुम्‍मो थारिक्, थेआङ्‌भे़ल्‍ले़ कन्‍हाॽ मोसाःल्‍ले़ नाःन्‍दुसिआङ् नाःत्तुदेसुसिआङ् मे़वये़॥

खासे़न्‍लोःम्‍बा 11:13

अम्‍मोनबा हाङ्‌ङिल्‍ले़ यिप्‍ताःल्‍ले़ कुमनाहाॽ अक्‍खे मे़त्तुसि, “आल्‍ल इस्राइलिहाॽ मिस्र लाजेॽलाम् मे़धोःक्‍सिङ् मे़धाङे़ल्‍ले़ खे़ङ्‌हाॽरे़ अर्नोन वहःङ्‌लाम् यब्‍बोक नु यर्दन वहःङ् थारिक्‍पा आनिगे लाजेन् मे़देॽरु॥ कन् लाजेन् मे़ङ्‌घेए मे़न्‍धक्‍के आनुःक्‍ते़ आबिरे़ॽ॥”

साम्‌योथिम् इङ् 1:4

हेस्‍बोनओ हाङ्‌युक् के़जोःक्‍पा एमोरिहाॽरे़ खुन्‍छिॽ हाङ् सिहोने़न् नु एद्रइ हे़क्‍क्‍याङ् अस्‍तारोतओ हाङ्‌युक् के़जोःक्‍पा बासानबा हाङ् ओगे़न् मोसाःल्‍ले़ नाःन्‍दुसिआङ् कन् अक्‍खे पोःक्‍खे़आङ् वये़॥

साम्‌योथिम् इङ् 4:46

कन् थिम्‍हाॽ मोसाःल्‍ले़ यर्दनलाम् नाङ्‌गे़न् पिसाङ् बेथ-पोर तगाङ्‌बा ने़ने़बादे़न् हेस्‍बोनओ हाङ्‌युक् के़जोःक्‍पा एमोरिहाॽरे़ खुनिॽ हाङ् सिहोनरे़ कुलाजेॽओ पिरुसिआङ् वये़॥ मोसान् नु इस्राइलिहाॽ मिस्रलाम् मे़लःन्‍दे़ मे़भे़रे़र मे़बत्‍छे़ल्‍ले़ सिहोने़न् मे़नाःन्‍दु॥

साम्‌योथिम् इङ् 31:4

“एमोरिहाॽरे़ खुन्‍छिॽ हाङ्‌हाॽ सिहोने़न् नु ओगे़न् मे़क्‍खुसिबा कुइसिक् यहवे दाङ्‌बे़ल्‍ले़ खे़ङ्‌हाॽरे़ खुन्‍छिॽ लाजेःन्‍नाङ् मे़क्‍खुॽ॥

खासे़न्‍लोःम्‍बा 10:11

यहवे दाङ्‌बे़ल्‍ले़ इस्राइलिहाॽ मे़त्तुसि, “मिस्रि, एमोरि, अम्‍मोनि, पलिस्‍ति,