खानिःत् 20:14 - लिम्‍बु

¹⁴ मोसाःल्‍ले़ कादेसलाम् इङ्‌साबाहाॽ अक्‍खे मे़त्तुसिआङ् एदोमबा हाङ्‌ङिन् इङ्‌घङ् हाक्‍तुरो, “खे़ने़ॽ के़गाॽइ इस्राइलबा मनाहाॽरे़ अक्‍खे मे़बाःत्तुॽ, आनिगे तुमुम्‍बे़बा तुक्‍खे़ःन् खे़ने़ॽ के़निसुआङ् वाॽ॥

खानिःत् 20:14 Referans Kwoze

साम्‌योथिम् इङ् 23:7

आत्तिन् एदोमिहाॽआङ् खिनिॽ मे़नाॽरे़म्‍सिम्‍मिन्‍ने़ॽ, थेआङ्‌भे़ल्‍ले़ खे़ङ्‌हाॽग खिनिॽ फुॽनुसासिरो॥ आत्तिन् मिस्रिहाॽआङ् खिनिॽ मे़नाॽरे़म्‍सिम्‍मिन्‍ने़ॽ, थेआङ्‌भे़ल्‍ले़ खे़ङ्‌हाॽरे़ खुनिॽ लाजेॽओ खिनिॽ वे़प्‍मिबा के़वयिरो॥

मलाकि 1:2

यहवे दाङ्‌बे़ल्‍ले़ पाःत्तुॽ, “आङ्‌गाॽ खे़निॽ लुङ्‌माॽ तुक्‍निङ्‌ङाङ् वाॽआ॥” कर खे़निॽ के़लॽरि, “आक्‍खेलॽरिक् आदाङ्‌बारे़ आनिगे याप्‍मि लुङ्‌माॽ के़दुक्‍ते़आङ् वाॽबे?” यहवे दाङ्‌बे़ल्‍ले़ पाःत्तुॽ, “थे एसाबे़न् याकुबरे़ कुम्‍भुॽ मे़वये़ने़म्‍बि? हे़क्‍केसाङ् आङ्‌गाॽ याकुबे़न् लुङ्‌माॽ तुक्‍तुङ्॥

यहोसु 9:9

खे़ङ्‌हाॽरे़ खुने़ॽ मे़मे़त्तु, “खे़ने़ॽ के़योःग्‍बाहाॽ यरिक् माःङ्‌घाबा लाजेॽलाम् यहवे दाङ्‌बा खे़ने़ॽ के़निङ्‌वाॽफुमाङ्‌ङिल्‍ले़ कुमिङ्‌ङिन् खे़प्‍सुम्‍बे़आङ् आनिगे त्‍ये़ॽइगे़बारो, थेआङ्‌भे़ल्‍ले़ खुने़ॽ के़इङ्‌बा कुमिङ्‌ङिन् नु मिस्र लाजेॽओ चोगुबा याःम्‍बक्‍हाॽ आनिगे खे़प्‍सुम्‍बे़आङ् वयिगे़,

लाम्‍दिक् 18:8

यहवे दाङ्‌बे़ल्‍ले़ इस्राइलिहाॽरे़ खुन्‍छिॽ लागि फारोन् नु मिस्रिहाॽ आक्‍खे मे़त्तुसि, हे़क्‍क्‍याङ् लाम्‍मो खे़ङ्‌हाॽरे़ आक्‍तङ्‌बा तुक्‍खे लाक्‍खे मे़दुमु, हे़क्‍क्‍याङ् यहवे दाङ्‌बाल्‍ले़ इस्राइलिहाॽ आक्‍खेलॽरिक् से़ःप्‍तुसि के़लॽबा पाःन्‍निन् मोसाःल्‍ले़ कुन्‍नुःप्‍पान् चे़क्‍तु॥

तोलिङ्‌सोमु 25:23

यहवे दाङ्‌बे़ल्‍ले़ खुने़ॽ अक्‍खे मे़त्तुरो, “खे़ने़ॽ के़साप्‍पोःक्‍को ने़त्‍छि सुवाङ्‌बा मे़न्‍छाम् याप्‍मि याक्‍सिरो, के़साप्‍पोःक्‍कोलाम् खे़ङ्‌हाॽ के़गत्तुसिल्‍ले़सा खे़ङ्‌हाॽ एॽए ने़त्‍छि सुवाङ् लःन्‍छिरो॥ लत्‍छान् वेॽसमान्‍नुःल्‍ले़ मुक्‍के़गुबा पोङ्‌लो, हे़क्‍क्‍याङ् तुम्‍बाल्‍ले़ फोःक्‌वाबे़ल्‍ले़न् कुसे़वा चोगुरो॥”

खानिःत् 13:26

खे़ङ्‌हाॽ मे़नुःक्‍खे़आङ् पारानबा मुरे़क् खारे़क् थेआङ् के़होःप्‍पादे़न् कादेसओ मोसा, हारुन नु इस्राइलबा के़रे़क् सङ्‌जुम्‍भोओ मे़द्‌ये़, हे़क्‍क्‍याङ् काक् सङ्‌जुम्‍भोःन् के़रे़क् पाःन्‍हाॽ मे़जे़क्‍तुसि, खे़ब्‍याङ् खे़न् लाजेॽओबा सिङ्‌सेॽहाॽ खे़ङ्‌हाॽ ओःन्‍मे़धाक्‍तुसि॥

खानिःत् 20:15

आनिगे थाःक्‍थे़बाहाॽ मिस्र लाजेॽओ मे़बेआङ् मे़वये़, हे़क्‍क्‍याङ् आनिगे यरिक् तङ्‌बे थारिक् मिस्र लाजेॽओ वयिगे़, खम्‍भ्‍याङ् मिस्रबा मनाहाॽरे़ आनिगे नु आनिगे थाःक्‍थे़बाहाॽ साॽरिक् ताप्‍फे़ःल्‍लिक् मे़मे़त्तिगे़॥

खानिःत् 20:22

के़रे़क् सङ्‌जुम्‍भोःन् कादेसलाम् लाम्‍दिक् मे़जोगे़आङ् होर कोःक्‍माओ मे़गे़रे़ मे़भे़रे़॥

यहोसु 2:9

हे़क्‍क्‍याङ् खुने़ॽ खे़न् मनाहाॽ मे़त्तुसि, “कन् लाजेन् यहवे दाङ्‌बे़ल्‍ले़ खिनिॽ के़बिरिआङ् ने़रो फाॽआङ् आङ्‌गाॽ निसुङ्‌ॽ, खे़ब्‍याङ् आनिगे लुम्‍मो खे़निॽ के़जोगुम्‍बाल्‍ले़ चोगुल्‍ले़ साॽरिक् किमा यङ्‌मा पोःक्‍खे़आङ् वाॽ, हे़क्‍क्‍याङ् कॽयो के़युङ्‌बा मनाहाॽ खिनिॽ के़म्‍गिरिआङ् यङ्‌मा मे़हेःक्‍ते़आङ् मे़वाॽ॥

यहोसु 2:10

मिस्र लाजेॽलाम् खिनिॽ के़लःन्‍दि के़भे़रिल्‍ले़ खिनिॽ तगि निङ्‌वाॽफुमाङ्‌ङिल्‍ले़ हे़ःत्ताङ्‌बा वरःङ्‌ङोबा च्‍वाःत्तिन् चप्‍प्रे़क् चबे़र याःन्‍दुबा नु यर्दन नाङ्‌गे़न् पिसाङ्‌बा एमोरिहाॽरे़ खुन्‍छिॽ ने़प्‍माङ् हाङ्‌हाॽ, सिहोननु ओगे़न् खिनिॽ वरे़ङ्‌ले़ङ् के़मे़क्‍खुम्‍सिम्‍बान्‍नाङ् आनिगे खे़प्‍सुम्‍बे़आङ् वाॽ॥

यहोसु 9:10

यर्दन नाधाःम्‍बि एमोरिहाॽरे़ खुन्‍छिॽ ने़प्‍माङ् हाङ्‌हाॽ, हेस्‍बोनबा हाङ् सिहोने़न् नु अस्‍तारोत के़युङ्‌बा बासानबा हाङ् ओगे़न् थे़मा थे़मा मे़त्तुसिआङ् वये़, खे़न् आनिगे खे़प्‍सुम्‍बे़आङ् वयिगे़॥

आमोस 1:11

यहवे दाङ्‌बे़ल्‍ले़ अक्‍खे पाःत्तुरो, “एदोमरे़ सुम्‍सि कुलायोहाॽ इग्र लिसिए कुलायोहाॽरे़ चोगुल्‍ले़ आङ्‌गाॽ साॽरिक् आसिक् पोःक्‍मान् मे़घे़त्तुङ्‌ङिन्‍लो॥ खे़ल्‍ले़ के़रे़क् लुङ्‌माॽ तुक्‍मासि पाःन्‍निन् ले़रुदेसु हे़क्‍क्‍याङ् ताभेन् याङ्‌सिङ्‌ङाङ् कुन्‍साॽसि नाःत्तुसिबाल्‍ले़ चोगुल्‍ले़, हे़क्‍क्‍याङ् खे़ल्‍ले़ चक्‍मे़ल्‍लॽए कुसिक् पोगे़बा नु सदादिङ्‌ले़ लागि कुसाक्‍के़न्‍निन् पोगे़बाल्‍ले़ चोगुल्‍ले़,

तोलिङ्‌सोमु 25:25

तुम्‍बे़न् हे़ःत्‍यङ्‌यङ्‌बा चोगे़, चाङ् चाक्‍सुबा हे़क्‍के कुधक्‍किन् सिदे़प् ते़प्‍तुर कुम्‍ब्रिॽ स्‍योःङ्‌स्‍योःङ् युङे़॥ खे़ल्‍ले़चोगुल्‍ले़ खे़न् एसाब मिङ् मे़वाःत्तु॥

तोलिङ्‌सोमु 25:26

खे़न् एगाङ् एसाबे़ल्‍ले़ कुलाङ्‌काक्‍थिःम्‍बे़न् ते़म्‍सुर कुन्‍साॽइन् लःन्‍दे़॥ खे़ल्‍ले़चोगुल्‍ले़ खे़न् याकुब मिङ् मे़वाःत्तु॥ रिबेकाःल्‍ले़ खे़ङ्‌हाॽ कत्तुसिल्‍ले़ इसहाक्‍के़न् तुक्‍पोङ् तङ्‌बे के़रे़आङ् वये़॥

तोलिङ्‌सोमु 32:29

खे़ब्‍याङ् याकुबे़ल्‍ले़ खे़न् सेःन्‍लाप्‍तु, “आङ्‌गाॽ पेलि फाक्‍ने़, के़मिङ् थेग? मे़त्ताङ्‌ङे़ॽ॥” कर खे़ल्‍ले़ मे़त्तु, “थेआङ् आमिङ् से़ःन्‍गे़दोआबे?” खे़ब्‍याङ् याकुबे़न् मुॽइसाम् पिरु॥