खानिःत् 20:13 - लिम्बु13 मेरिबाओबा च्वाःत् हाबा कन् मे़मे़त्तुॽ॥ हाबा कॽयो इस्राइलिहाॽ यहवे दाङ्बान्नु खे़माॽ मे़जोगे़, हे़क्क्याङ् खे़ङ्हाॽरे़ खुन्छिॽ लुम्मो खुने़ॽ सेसे लॽरिक् ओःन्धाक्सिङ्लो॥ Gade chapit la |
खानिःत् 20:13
11 Referans Kwoze
थेआङ्भे़ल्ले़ खे़न्छिॽ ने़प्माङ्ले़ जिनबा मुरे़क् खारे़क् थेआङ् के़होःप्पादे़न्नोबा मेरिबा-कादेसबा च्वाःत्तो इस्राइलिहाॽरे़ खुन्छिॽ लुम्मो आङ्गाॽनु नसान् के़ले़क्खुसि, थेआङ्भे़ल्ले़ इस्राइलिहाॽरे़ खुन्छिॽ लुम्मो खे़न्छिॽ आङ्गाॽ सेसेबा चोःक्काबा पाःन्निन् ओसेःन्धाङ् चोःक्मा के़न्छुक्तुसिन्॥
हे़क्क्याङ् खाॽमिःत्ते़ल्ले़ लाजेन् पन्छुबा कुइसिक् खे़ने़ॽ आङ्गाॽ आमना इस्राइलिहाॽ थङ्ङो के़भत्तुसिॽ॥ ताःन्दि के़दाबा ये़म्मो, गोगए, आङ्गाॽ आलाजेःल्ले़ कुदक्ले़ङ्वाओ खे़ने़ॽ ताःत्ने़रो, हे़क्केलॽरिक् मनाहाॽरे़ खुन्छिॽ तगि खे़ने़ॽलाम्बा आसेसेन् ओसेःन्धाङ् चोगुङ्ङिल्ले़ आङ्गाॽए यहवे दाङ्बाआ फाॽआङ् के़रे़क् मे़न्छाम् सुवाङ्हाॽरे़ निङ्वाॽ मे़घोसुरो॥
मे़न्छाम् सुवाङ्हाॽरे़ खुन्छिॽ लुम्मो खिनिॽ के़दारुम्बा सिरिङ्ममा आङ्गाॽ आमिङ्ङिन्, आक्ख्यारिक् यम्बा नु सेसेबा चोक् फाॽआङ् आङ्गाॽ ओसेःन्धाङ् चोगुङ्ॽ॥ हे़क्क्याङ् खिनिॽ लाम्बाए खे़ङ्हाॽरे़ खुन्छिॽ मिक् तगि आङ्गाॽ आसेसेन् ओसेःन्धाङ् चोगुङ्ॽ, आङ्गाॽ मुक्साम्दाङ्बा यहवे दाङ्बे़ल्ले़ पाःत्तुङ्ॽ, खे़ब्याङ् आङ्गाॽए यहवे दाङ्बाआ फाॽआङ् मे़न्छाम् सुवाङ्हाॽरे़ निङ्वाॽ मे़घोसुॽ॥
खिनिॽ के़म्दे़म्सि के़म्देॽरिबा मे़न्छाम् सुवाङ्हाॽलाम् हे़क्क्याङ् फुत्छिङ्ज्याङ् के़से़रि के़बेगिबालाम् सुम्निङ् ताःत्निङ्ङिल्ले़ आङ्गाॽ आनिङ्वाॽ के़दाबा सिदुङ्जभा कुइसिक् आङ्गाॽ ताःक्निङ्ॽ॥ हे़क्क्याङ् खिनिॽ लुम्मो आङ्गाॽ सेसेबा चोःक्काबा पाःन्निन् ओसेःन्धाङ् चोगुङ्ङिल्ले़ के़रे़क् मे़न्छाम् सुवाङ्हाॽरे़ मे़निसुॽ॥
Piblisite