खानिःत् 2:34 - लिम्‍बु

³⁴ यहवे दाङ्‌बे़ल्‍ले़ इङ्‌जाङ् पिरुसिबा हे़क्‍के इस्राइलिहाॽरे़ खुन्‍छिॽ आप्‍फेक् आप्‍फेक् निसाःल्‍ले़ कुनिःत्ताङ् साःङ्‌गाहिम् मे़घिङ्‌घु॥ हे़क्‍केलॽरिक्‍के आबाङे आबाङे थाःक् नु हिम्‍सयङ् कुइसिक् खे़ङ्‌हाॽ लाङ्‌मे़घेगे़रो॥

खानिःत् 2:34 Referans Kwoze

निङ्‌वाॽफु साम्‍लोसुम् 119:6

खे़ने़ॽ के़रे़क् के़इङ्‌जाङ्‌हाॽ आङ्‌गाॽ आनिङ्‌वाॽ इगेःक्‍काङ् इःत्तुङ् नाःत्तुङ्‌लो, हे़क्‍केःल्‍ले़ आभे़ल्‍ले़आङ् आङ्‌गाॽ सिरिङ्‌ममो मे़धाआन्‍लो॥

लुका 1:6

खे़ङ्‌हाॽ ने़प्‍माङ् निङ्‌वाॽफुमाङ्‌ङिल्‍ले़ कुनिमाओ साम्‌योबा वये़त्‍छिआङ् नुरिक्‍काङ् साम्‌योथिम् के़इःप्‍पा के़नाःप्‍पा नु यहवे दाङ्‌बाल्‍ले़ के़रे़क् कुइङ्‌जाङ् के़घे़म्‍बा वये़त्‍छिरो॥

खानिःत् 24:2

आल्‍ल बालामे़ल्‍ले़ कुमिक्‍के़न् कारिक् मे़त्तुआङ् ओमुये़, हे़क्‍केःल्‍ले़ इस्राइलिहाॽ खुन्‍छिॽ आप्‍फेक् आप्‍फेक् थाःक्‍हाॽनु मे़युङे़बा निसुसि, खे़ब्‍याङ् निङ्‌वाॽफुमाङ्‌ङिल्‍ले़ कुयाम्‍साम्‍मिन् खुने़ॽओ ये़॥

खानिःत् 23:21

“याकुबओ तॽयान् फे़म्‍मा निमे़न्‍दे़त्ते वाॽरो॥ इस्राइलओ तुक्‍खे लाक्‍खे निमे़न्‍धाःप्‍पे वाॽरो॥ यहवे दाङ्‌बा, खुन्‍छिॽ निङ्‌वाॽफुमाङ्‌ङिन् खुन्‍छिॽनुए वाॽरो, हे़क्‍क्‍याङ् खुने़ॽए खुन्‍छिॽ हाङ् फाॽआङ् खे़ङ्‌हाॽरे़ उवा मे़जोगुरो॥

खानिःत् 10:28

खुन्‍छिॽ आप्‍फेक् आप्‍फेक् मनासुम्‍हाॽ कुइसिक् इस्राइलिहाॽ मे़धासिङ्‌ङिल्‍ले़ कम्‍भलॽरिक् लाङ्‌घेःक्‍मा के़बोङ्‌बा वये़॥

खानिःत् 2:2

“इस्राइलिहाॽ के़रे़क्‍ले़ खुन्‍छिॽ आप्‍फेक् हिम्‍सयङ् कुइसिक् खुनिॽ आप्‍फेक् आप्‍फेक् निसाःल्‍ले़ कुसिगाङ् साःङ्‌गाहिम्‍हाॽ मे़घिङ्‌घुर॥ खे़ङ्‌हाॽरे़ तुम्‍मादे़न् साःङ्‌गाहिम् के़रे़क् पिसाङ् आजे़त् लाःत्‍लाःत् खुन्‍छिॽ आबाङे आबाङे साःङ्‌गाहिम्‍हाॽ मे़घिङ्‌घुर॥”

खानिःत् 1:54

खे़ल्‍ले़चोगुल्‍ले़ यहवे दाङ्‌बे़ल्‍ले़ मोसान् पिरुबा के़रे़क् इङ्‌जाङ्‌हाॽ कुइसिःक्‍के इस्राइलिहाॽरे़ मे़जोगुरो॥

लाम्‍दिक् 39:42

यहवे दाङ्‌बे़ल्‍ले़ मोसान् पिरुबा इङ्‌जाङ् कुइसिक् के़रे़क् याःम्‍बक्‍हाॽ इस्राइलिहाॽरे़ मे़जोगु॥

खानिःत् 1:52

इस्राइलिहाॽरे़ आप्‍फेक् आप्‍फेक् खुन्‍छिॽ मनासुम्‍मोबा नु खुन्‍छिॽ आबाङे निसाःल्‍ले़ कुया कुया खुन्‍छिॽ खिङ्‌मनाबा साःङ्‌गाहिम् मे़जोगुर॥

खानिःत् 2:33

यहवे दाङ्‌बे़ल्‍ले़ मोसान् पिरुबा इङ्‌जाङ् इसिःक् इस्राइलिहाॽनु सोरिक् ले़बिरे़ कुधाःक्‍हाॽ मे़निरुसिबा होःप्‍ते़॥

खानिःत् 3:1

सिनै कोःक्‍माओ यहवे दाङ्‌बान् मोसाःन्‍नु पारे़बा ये़म्‍मो हारुने़न् नु मोसाःल्‍ले़ खुन्‍छिॽ थिन्‍दाङ् सायोबोराहाॽरे़न् साप्‍मुःन्‍धुम्‍मिन् हाबा कन्‍हाॽएरो॥

खानिःत् 1:19

हे़क्‍क्‍याङ् यहवे दाङ्‌बे़ल्‍ले़ इङ्‌जाङ् पिरुसिबा कुइसिक् मोसाःल्‍ले़ सिनैबा मुरे़क् खारे़क् थेआङ् के़होप्‍पादे़न्‍नो खे़ङ्‌हाॽ निरुसि॥

खानिःत् 10:12

सिनैबा मुरे़क् खारे़क् थेआङ् के़होःप्‍पादे़न्‍नोलाम् इस्राइलिहाॽ मे़धासिङ्‌ङाङ् वेॽ वेॽ ते़न्‍हाॽओ मे़बे, हे़क्‍क्‍याङ् पारानबा मुरे़क् खारे़क्‍पा थेआङ् के़होप्‍पादे़न्‍नो खाॽमिःत्ते़न् फन्‍छिङ्॥