खानिःत् 19:17 - लिम्बु17 “खे़न् आसुत्थो मनाःल्ले़ कुलागि थिम् कुइसिक् सुत्थो पोङ्मा सिदुङ्जभा मिधिङ्मनादेमनाबा पिप्मा खाप्पुःन् याङ्सिङाङ् खप्प्याओ केःत्तुर हे़क्क्याङ् सेसेबा च्वाःत्तिल्ले़ खे़न् ले़ःक्तुर पोङ्ॽ॥ Gade chapit la |
खानिःत् 19:17
11 Referans Kwoze
“कुभा लत्छा सुत्थो मनाःल्ले़ खे़न् कुम्मामा पित्सात् खाप्पुःन् फुक्खुर हे़क्क्याङ् साःङ्गाहिम्हाॽलाम् लाःक्कात् कुभा सुत्थोबा ते़न्नो खे़न् युक्खुर॥ खे़ङ्ग ओगप् चोःक्मारे़ लागि लायोलाम् सुत्थो पोङ्मा फाॽआङ् सुत्थो चोःक्सिङ्मा च्वाःत्तो इस्राइलि सङ्जुम्भोःल्ले़ मे़युक्खुर पोङ्ॽ॥ कङ्ग लायोलाम् सुत्थो पोङ्मारे़ लागिरो॥
खे़ब्याङ् कुभा सुत्थो मनाःल्ले़ हिसप याःन्ने़न् याङ्सिङ्ङाङ् खे़न् च्वाःत्तो हुम्सुर हे़क्क्याङ् साःङ्गाहिम्मो नु खे़प्मो के़युङ्बा खप्प्या सामाहाॽओ खम्भ्याङ् खे़प्मो के़वाॽबा मनाहाॽ सम्धाङ् साक्खुर॥ हे़क्क्याङ् आत्तिन्हाॽरे़ लुङ्सि ये़त्, मे़से़रुबा इग्र आबाङे के़सिबा चेहाॽ, इग्र इपुङ्हाॽ मे़सुसुॽ खे़ङ्हाॽरे़ खुन्छिॽ सम्धाङ्ङाङ् साक्खुर॥
हे़क्क्याङ् मिःल्ले़ खाप्पुथ्यःङ् मे़म्बोङ्मनाबा के़रे़क् सामाहाॽ मिओ केःत्ते़म्मे़ॽआङ् सुत्थो चोगे़म्सिम्मे़ॽ॥ खे़न्नुःल्ले़ वेॽ खे़ङ्हाॽ के़रे़क् सेसेसाङ्साङ् चोःक्मा च्वाःत्तो केःप्मासिआङ् सुत्थो चोःक्मासि पोङ्ॽ॥ खे़ब्याङ् मिःल्ले़ खाप्पुथ्यःङ् के़बोङ्बा चिगक्वाहाॽ चाए आम्भा खे़न् च्वाःत्तो केःप्मासिआङ् सुत्थो चोःक्मासि पोङ्ॽ॥
Piblisite