खानिःत् 19:12 - लिम्‍बु

¹² खुने़ॽ खे़न् च्‍वाःत्तिल्‍ले़ सुम्‍सिगेक्‍पा नु नुसिगेक्‍पा ये़न्‍नो सुत्‍थो चोःक्‍सिङ्‌ल, हे़क्‍क्‍याङ् खुने़ॽ सुत्‍थो पोङ्‌ॽ॥ कर खे़ल्‍ले़ सुम्‍सिगेक्‍पा नु नुसिगेक्‍पा ये़न्‍नो खुने़ॽ सुत्‍थो मे़जोःक्‍सिङ्‌ने़न्‍ने़भग्र खे़न् सुत्‍थो मे़बोङ्‌ने़न्॥

खानिःत् 19:12 Referans Kwoze

खानिःत् 31:19

“खिनिॽओ आत्तिन्‍हाॽरे़ कुभा मना के़से़रुम्‍सिम्‍माङ् वाॽ इग्र चे के़सुसुम्‍माङ् वाॽ, खे़ङ्‌हाॽ के़रे़क् साःङ्‌गाहिम्‍लाम् लाःक्‍कात् नुसि ये़न् थारिक् युङ्‌मा पोङ्‌ॽ॥ सुम्‍सिगेक्‍पा नु नुसिगेक्‍पा ये़न्‍नो खिनिॽ आप्‍फेक् नु के़दे़म्‍सुम् के़दारुम्‍सिम्‍बाहाॽआङ् सुत्‍थो चोगे़म्‍सिम्‍मे़ॽ॥

सुफो 7:14

इङ्‌गाॽ खुने़ॽ नोगप् पिरुङ्, “आदाङ्‌बे, इङ्‌गाॽग मे़निसुङ्‌सिङ्‌ङिन्‍लो, खे़ने़ॽए के़निसुॽरो॥” हे़क्‍क्‍याङ् खुने़ॽ अक्‍खे मे़त्ताङ्, “कन्‍हाॽग पयम् यम्‍बा निङ्‌घुम्‍लाम् के़दाबासिरो॥ कङ्‌हाॽरे़ मे़ल्‍लुक्‍साःल्‍ले़ कुमाक्‍खिॽओ खुनिॽ तेत्‍चाङ्‌हाॽ वामे़हप्‍तुआङ् फदाङ्‌बा मे़जोगुआङ् मे़वाॽरो॥

सेःक्‌युक्‍मिबाहाॽ 15:9

आल्‍ल खुने़ॽ थिम्‍मे़न्‍दङ् सुवाङ् नु आनिॽ आन्‍छे़न्‍ने़न्‍लो, थेआङ्‌भे़ल्‍ले़ आनिॽ हे़क्‍के दाङ्‌बाओबा नसाःन्‍लाम् खुनिॽ सिक्‍लुङ्‌मान् सेसे चोगु पिरुसिरो॥

होसे 6:2

नियान् एगाङ् खुने़ॽ आनिॽ कुहिङ्‌वे़त् आजोःक्‍लो, सुम्‍सिगेक्‍पा ये़न्‍नो खुने़ॽ आनिॽ आभोङ्‌लो, हे़क्‍क्‍याङ् आनिॽ खुने़ॽ कुदगि आहिङ्‌लो॥

इजकिएल 36:25

‘खे़ब्‍याङ् सुत्‍थो च्‍वाःत्तिन् आङ्‌गाॽ खिनिॽ सम्‍धाङ् साक्‍खुङ्‌ॽ, हे़क्‍क्‍याङ् खिनिॽ सुत्‍थो के़बोःक्‍खिॽ॥ खिनिॽ आसुत्‍थोन् खे़ल्‍ले़ वाहप्‍तुॽ, हे़क्‍क्‍याङ् आल्‍लआङ्‌धो नावाइत्‍लाहाॽ खिनिॽ से़वा के़म्‍मे़त्तुम्‍सिम्‍मे़न्॥

निङ्‌वाॽफु साम्‍लोसुम् 51:7

हिसप्‍पिन् आङ्‌गाॽ आसम्‍दाङ् साक्‍खे़ॽओ हे़क्‍क्‍याङ् आङ्‌गाॽ सुत्‍थो पोङ्‌ङारो॥ वाहप्‍ताङ्‌ङे़ॽओ हे़क्‍क्‍याङ् नाःङ् कुइसिक् आङ्‌गाॽ फगे़लॽबा पोङ्‌ङारो॥

ले़बि 7:17

आन्‍छिन्‍दान् थारिक् के़नम्‍बाआङ् के़युङ्‌बा सिदुङ्‌जभा सान् चाहे मिओ मिधिङ्‌मादेमा पोङ्‌ॽ॥

लाम्‍दिक् 19:15

खे़न् एगाङ् मोसाःल्‍ले़ खे़ङ्‌हाॽ मे़त्तुसि, “आत्‍छिन्‍दाःन् थारिक् खे़निॽ यारिप् युङे़म्‍मे़ॽ हे़क्‍क्‍याङ् खे़न्‍नुःल्‍ले़ तगि मे़न्‍छुमाहाॽनु मे़इप्‍से़म्‍मिन्‍ने़ॽ॥”

लाम्‍दिक् 19:11

हे़क्‍क्‍याङ् सुम्‍सिगेक्‍पा ये़न्‍निल्‍ले़ लागि खे़ङ्‌हाॽ यारिप् मे़बोङ्‌ल, थेआङ्‌भे़ल्‍ले़ सुम्‍सिगेक्‍पा ये़न्‍नो कोःक्‍माओ के़रे़क् मनाहाॽरे़ मिक्‍किल्‍ले़ निसुरए यहवे दाङ्‌बान् युरो॥

ले़बि 14:7

आलिःक्‍लिःक्‍पा तुक्‍मालाम् सुत्‍थो पोङ्‌मा के़बोङ्‌बाल्‍ले़ कुसम्‍धाङ् नुसिले़ङ् थारिक् साक्‍खुआङ् खुने़ॽ खे़न् सुत्‍थो लेःत्तुआङ् उवा चोगुर॥ खे़ब्‍याङ् खुने़ॽ खे़न् कुहिङ्‌वे़त् पुःन् ताम्‍दाम्‍बादे़न्‍नो ले़रुदेसुर॥