खानिःत् 18:8 - लिम्बु8 याम्मो यहवे दाङ्बे़ल्ले़ हारुने़न् मे़त्तु, “इस्राइलिहाॽरे़ आङ्गाॽओ मे़दोन्दुबा के़रे़क् सेसेबा सिदुङ्जभाहाॽ आङ्गाॽ खे़ने़ॽ ओमे़प्मा याःम्बक् पिने़आङ् वाॽ॥ आङ्गाॽ खे़ने़ॽ के़गत्तुबा निङ्वाॽफुसाम्बा ताक्फाःल्ले़ चोगुल्ले़ खे़न् लक्हाॽ खे़ने़ॽ नु खे़ने़ॽ के़स्सा ये़म्बित्छाहाॽ आभे़ल्ले़साङ् के़घोसुम्बा लक् कुसिङ् से़न्दुङ् पिनिङ्ङाङ् वाॽ॥ Gade chapit la |
खानिःत् 18:8
32 Referans Kwoze
खे़ने़ॽ खे़ङ्हाॽरे़ खुन्छिॽ पानुदिङ् पान् माङ्थोःक्ना के़बिरुबा हे़क्केए खे़ङ्हाॽआङ् माङ्थोःक्ना पिरे़से़ॽ, खम्भ्याङ् खे़ङ्हाॽरे़ निङ्वाॽफुसाम्बा ताक्फाओ आङ्गाॽ आलागि माङ्से़वा याःम्बक् मे़जोगुर॥ खे़ङ्हाॽरे़ खुन्छिॽ लागि माङ्थोःक्नाःङ्ग लत्छा सदादिङ् के़वाॽबा निङ्वाॽफुसाम्बा ताक्फा कुइसिक् खे़ङ्हाॽरे़ खुन्छिॽ के़रे़क् थाःक्हाॽरे़ लागि पोङ्ॽ॥”
कर खिनिॽओग ख्रिस्तरे़ के़बिरिबा सेसेमाङ्ङिल्ले़न् माङ्धुक्नाःन् वाॽ याःक्लो॥ हे़क्क्याङ् खिनिॽ के़हुॽबा हाःत्ताङ् चाहाबा के़न्जोगिन्, कर सेसेमाङ्ङिल्ले़ के़रे़क् पाःन्निल्ले़ कुयाःम्बेओ के़हुॽरिॽ॥ खे़न् के़हुॽरिबा पाःन्निङ्ग इङ्ले़क् मेःन्लो, कर से़क्खाएरो॥ हे़क्केःल्ले़ सेसेमाङ्ङिल्ले़ के़हुॽरिबा निसाम्मिन् इःत्ते़म् नाःत्ते़म्मे़ॽआङ् ख्रिस्ते़न् मे़ल्ले़त्ते वये़म्मे़ॽओ॥
खे़न् एगाङ् यहवे दाङ्बा खिनिॽ निङ्वाॽफुमाङ्ङिन् अक्खे मे़त्ते़म्मे़ॽ, “आङ्गाॽ आहिम्मोलाम् सेसे कुलक् लःत्तुङ्ङाङ् खे़ने़ॽ के़इङ्जाङ् कुइसिक् ले़बिःल्ले़ कुमुॽइदाङ्साहाॽ, वेॽ लाजेॽबा, ये़त्छा होॽदोःक् नु मेमेदुमाहाॽ पिरुङ्सिङ्ङाङ् वाॽआ॥ आङ्गाॽ खे़ने़ॽ आत्तिन् के़इङ्जाङ्हाॽआङ् मे़न्भेःन्ने वाॽआ, हे़क्क्याङ् खे़ङ्हाॽओ आत्तिन्नाङ् निङ्वाॽमे़म्मुःन्ने वाॽआ॥
खे़ब्याङ् यहवे दाङ्बा खिनिॽ निङ्वाॽफुमाङ्ङिल्ले़ आप्फेक् कुमिङ् युङ्मारे़ लागि खुने़ॽ सेगुबा ते़न्नो आङ्गाॽ खिनिॽ पिनिङ्बा इङ्जाङ् खिनिॽ मिधिङ्मनादेमनाबा सिदुङ्जभा, वयागे़न् सिदुङ्जभाहाॽ, खिनिॽ थिबोङ्लक्, तोःम्माए के़बोङ्बा हुक्वाहाॽ नु खिनिॽ यहवे दाङ्बे़ल्ले़ कुलागि माङ्हुप् के़जोगुम्बा नुःब्नुबा पाःन्हाॽ तारे़म्मे़ॽ॥
मिलाम्बा से़म्मनाबा ने़मनाबा साॽरिक् सुत्थो सिदुङ्जभाहाॽओबा लक्किन् खे़ने़ॽ के़लक् पोङ्ल॥ मनाहाॽरे़ आङ्गाॽओ मे़दोन्दुबा खे़न् साॽरिक् सेसेबा पोगुगे़न् कुजा सिदुङ्जभा, लायोलाम् ले़प्मि खोमा सिदुङ्जभा नु आप्तिक्लाम् ले़प्मि खोमा सिदुङ्जभाहाॽओबा लक्हाॽ खे़ने़ॽ नु खे़ने़ॽ के़स्साहाॽरे़ लागि खोमा लक् पोङ्ॽ॥
“‘आत्तिन् खुने़ॽ कुम्भुॽकुन्साॽहाॽओ तुम् निङ्वाॽफुसाम्बा पोःक्खे़आङ् वाॽ, हे़क्क्याङ् आत्तिल्ले़ कुधे़गेःक्पो पिमा माङ्थोःक्ना निःङ्गेन् मे़ले़ःक्तुआङ् पत्, खे़ब्याङ् निङ्वाॽफुसाम्बा ताक्फा चाङ् चाङ्मारे़ लागि आत्तिन् लाःत्लाःत् मे़से़न्दुआङ् वाॽ, खुने़ॽ मिक्वाःल्ले़ ते़त्तुबा फाॽआङ् ओसेःन्धाङ् चोःक्मारे़ लागि कुधे़गेक् इःन् मे़भाःक्खुन्ल, हे़क्क्याङ् खुने़ॽ कुदेःत्तिन् मे़धेःक्खुन्ल॥
खे़ब्याङ् मोसोःल्ले़ माङ्थोःक्ना पिमासि कुभा निःङ्गेॽजि नु ले़त्ति तोःम्मादे़न्निल्ले़ कुसम्धाङ् के़युङ्बा माक्खिॽलाम्बा कुभा याङ्सिङ्ङाङ् हारुने़न् नु खे़ल्ले़ कुजाङ्हाॽओ हे़क्क्याङ् खे़ल्ले़ कुस्साहाॽ नु खे़ङ्हाॽरे़ खुन्छिॽ चाङ्हाॽओआङ् साक्खु॥ अक्खेलॽरिक् खे़ल्ले़ हारुने़न् खुने़ॽ कुजाङ्हाॽनु सोरिक् हे़क्क्याङ् खे़ल्ले़ कुस्साहाॽ खुन्छिॽ चाङ्हाॽआङ् तोःन्दु॥
“हारुने़न् नु खुने़ॽ कुस्साहाॽ निःङ्गेल्ले़ मे़ले़ःक्तुसिआङ् मे़सेःन्दुसिबा ये़न्नो निङ्वाॽफुमाङ्ङो तोःम्मा के़बोङ्बा सिदुङ्जभान् आम्भा कन्लो, इग्र किलो थिक् चुन्जुम्बा फेॽरुम्, तानाम् कुभ्रे़ःक्, युःन्छिक् कुभ्रे़ःक् तोःन्दे़ॽ॥ आल्लआङ्धो आभे़ल्ले़साङ् पोगुगे़न् कुजा सिदुङ्जभा तोःन्दे़ॽ॥
हे़क्क्याङ् ले़त्ति तोःम्मादे़न्नो के़युङ्बा सामाक्खिन् नु माङ्थोःक्ना पिमा निःङ्गेॽओलाम् आजे़ःत्छिक् याङ्सिङ्ङे़ॽआङ् हारुने़न् नु खुने़ॽ कुजाङ्हाॽओ हे़क्क्याङ् खुने़ॽ कुस्साहाॽरे़ खुन्छिॽ सम्धाङ् नु खुन्छिॽ चाङ्हाॽरे़ कुसम्धाङ् साक्खे़ॽ॥ कम्भलॽरिक् खुने़ॽ, खुने़ॽ कुस्साहाॽ नु खे़ङ्हाॽ के़रे़क्ले़ खुन्छिॽ चाङ्हाॽआङ् सेसेसाङ्साङ् पोङ्ॽ॥
तुम्मादे़न् साःङ्गाहिम्मो हारुने़न् नु खुने़ॽ कुस्साहाॽ मे़लाःत्तिल्ले़ इग्र सेसेदे़न्नो माङ्से़वा चोःक्मारे़ लागि ले़त्ति तोःम्मादे़न्निल्ले़ कुबेसाङ् मे़दाःल्ले़ खे़न् चाङ्हाॽ मे़जाक्खुर, हे़क्केलॽरिक् खे़ङ्हाॽ आप्तिक्साबा मे़म्बोङ्ने़न्नाङ् मे़न्छिने़न्ल॥ “हारुने़न् नु खुने़ॽ कुमुॽइदाङ्साहाॽरे़न् फाॽआङ् कन् आप्फाल्ले़साङ् सदादिङ्ले़ लागि लत्छा साम्योसाक्थिम् पोङ्लरो॥”
निङ्वाॽफुसाम्बाहाॽग ले़बिःल्ले़ कुधाःक्कोबासिरो, से़क्खाओ के़रे़क् ले़बि थाःक्हाॽरे़ इस्राइलिहाॽलाम् खुन्छिॽ लाजेॽसिङ्बुङ् लक्खोमा इग्र लक्खोमा थेआङ् होप्॥ यहवे दाङ्बाओ तोःम्मनाबा कुजा सिदुङ्जभाहाॽ मे़जआङ् खे़ङ्हाॽ मे़हिङ्सिङ्ल, थेआङ्भे़ल्ले़ खे़ङ्हाॽरे़ खुन्छिॽ खोमा लक्किन् हाबा खे़न्लो॥
Piblisite