तुम्मादे़न् साःङ्गाहिम्मो माङ्हुप् सन्दोक्किल्ले़ कुदगि के़बप्पा फोःन्दा लाःक्कात् हारुने़न् नु कुस्साहाॽरे़ खे़न् सेमिहाॽ युःन्छिक्काङ्धो तानाम् थारिक् यहवे दाङ्बे़ल्ले़ कुदगि मे़हाःन्दुआङ् मे़याक्ल॥ इस्राइलिहाॽरे़ खुन्छिॽ लागि थाःक्थाःक्को थारिक् कन् सदादिङ्बा थिम् पोङ्लरो॥”
खानिःत् 18:5 - लिम्बु5 “खे़ने़ॽए सेसेदे़न्निन् नु ले़त्ति तोःम्मादे़न्नोबा याःम्बक्हाॽ ओमे़त्ते़ चोगे़ॽ, खे़ल्ले़चोगुल्ले़ इस्राइलिहाॽरे़ खुन्छिॽ सम्धाङ् याम्मो निङ्वाॽफुमाङ्ङिल्ले़ कुसाक्के़न्निन् मे़धाने़न्ल॥ Gade chapit la |
खानिःत् 18:5
25 Referans Kwoze
हे़क्क्याङ् मोसाःल्ले़ हारुने़न् मे़त्तु, “खे़ने़ॽ के़साङ्ते़रे़ःङ्ङिन् याङ्सिङ्ङे़ॽ, खे़ब्याङ् खे़प्मो ले़त्ति तोःम्मादे़न्नोलाम् मिन् केःत्ते़आङ् सुक्पा याक्ते़ॽ, हे़क्क्याङ् खिमो खे़न् सङ्जुम्भोओ तेॽरे़आङ् खे़ङ्हाॽ खुन्छिॽ आप्तिक्लाम् सुत्थो चोःक्मासि हे़क्क्याङ् खे़ङ्हाॽ यहवे दाङ्बे़न्नु नादङ् चोःक्मासि याःम्बक् चोगे़ पिरे़से़ॽ, थेआङ्भे़ल्ले़ यहवे दाङ्बे़ल्ले़ मि हे़क्तङ्बा कुसाक्के़न्निन् पोगे़ चुरे़आङ् वाॽ—मिङ्देॽ पोगे़ चुरे़आङ् वाॽ॥”
आस्सा तिमोथिए, कन् इङ्जाङ्ङिन् तगिनुसा के़याःम्बेओ माङ्निङ्वाॽपान् पोःक्खे़बा कुइसिक् कन् लक्पे़न्निन् खे़ने़ॽ पिने़रो॥ खे़ङ्हाॽ खे़ने़ॽ के़इःत्तुर के़नाःत्तुल्ले़ नुरिक्काङ् थङ् चोःक्मा हे़क्क्याङ् नो-नसान् नु सेसे खासिङ्ङिन् कप्मा के़सुक्तुॽरो॥ कुभा मनाहाॽरे़ कन् मे़नाॽरुआङ् खुनिॽ नसाःन्निन् मे़नुप्सुआङ् मे़वाॽरो॥
“आङ्गाॽ आसाक्के़न्निन् मे़ल्लुक्कम्बाहाॽ सम्धाङ् थारो, आङ्गाॽ लाम्लोबाहाॽ खुम्दिङ् पिरुङ्सिङ्लो, थेआङ्भे़ल्ले़ मुक्साम्दाङ्बा यहवे दाङ्बे़ल्ले़ आप्फेक् कुमे़ल्लुक्लुप्, यहुदाबा हिम्सयङ्हाॽ कम्ब्राङ् मे़त्तुसिरो, हे़क्क्याङ् खे़ङ्हाॽ थङ्ङो के़हे़न्छिङ्बा अन् हे़क्तङ्बा चोगुसिरो॥
खे़ल्ले़चोगुल्ले़ मुक्साम्दाङ्बा यहवे दाङ्बे़ल्ले़ खे़न् यरुसले़ःम्मोबा माङ्निङ्वाॽपान् के़बाःप्पाहाॽरे़ खुन्छिॽ याःम्बेओ अक्खे पाःत्तुरो, “आङ्गाॽ खे़ङ्हाॽ चामारे़ लागि साक्खिःक् के़घिःक्पा सुङ्घिःङ्बान् हे़क्क्याङ् थुङ्मारे़लागि निङ्ङिन् पिरुङ्सिङ्लो थेआङ्भे़ल्ले़ खे़ङ्हाॽरे़ के़रे़क् लाजेन् लायोल्ले़ थिम्सुबा मे़जोगुआङ् ने़रो॥”
सल्लुम (खुने़ॽ कोरेरे़ कुस्सा वये़, कोरे़न् एब्यासापरे़ कुस्सा वये़, एब्यासापे़न् कोरहरे़ कुस्सा वये़), हे़क्क्याङ् खुने़ॽ कुगाॽइहाॽ (कोरहरे़ कुधाःक्हाॽ) साःङ्गाहिम्मो लाःप्मा लाम्धेत् कोमा कम्ब्राङ् याःम्बक्को लक्पे़न्साबा मे़वये़, हे़क्केलॽरिक्के खे़ङ्हाॽरे़ खुन्छिॽ सुधे़बा ताक्थे़बाहाॽरे़ यहवे दाङ्बे़ल्ले़ कुयाङ्धोःक्मादे़न्नो लाःप्मा लाम्धाःत्ते़न् कम्ब्राङ् मे़प्मा याःम्बक् मे़जोगुआङ् मे़वये़॥
हे़क्क्याङ् के़रे़क् इस्राइलिहाॽलाम्, आङ्गाॽ ले़बिहाॽ हारुने़न् नु कुस्साहाॽ पिरुङ्सिङ्ङाङ् वाॽ॥ इस्राइलिहाॽरे़ खुन्छिॽ ले़क्वाओ खे़ङ्हाॽरे़ तुम्मादे़न् साःङ्गाहिम्मो याःम्बक् मे़जोगु मे़बिरुसिर हे़क्क्याङ् मनाहाॽ लायोल्ले़ लागि ले़प्मि नाःक्मा फाॽआङ् सिदुङ्भजाहाॽ मे़जोगु मे़बिरुसिर हे़क्केलॽरिक् इस्राइलिहाॽ सेसेदे़न्नो मे़दाःल्ले़ तुक्मा लाःक्मारे़ मे़दरुसिन्ल॥”
खे़ब्याङ् मोसाःल्ले़ हारुने़न् नु खे़ल्ले़ कुस्सा एलाजार नु इतामारे़न् मे़त्तुसि, “खिनिॽ थे़गेःक्कोबा थे़गेःक्इःन् ताङ्जिङ्सा मे़ले़रे़म्मिन्ने़ॽ, खिनिॽ चाङ्हाॽ मे़धे़ःक्खे़म्मिन्ने़ॽ, मेःन्ने़भग्र खिनिॽ के़स्ये़ॽइ हे़क्क्याङ् के़रे़क् सङ्जुम्भोहाॽओ यहवे दाङ्बे़ल्ले़ कुसाक्के़न्निन् थाःॽ॥ कर यहवे दाङ्बे़ल्ले़ पाङ्घुबा मिधुङ्दिङ् मिराःक्किल्ले़ खाप्पुथ्यःङ् के़बोङ्बाआङ् के़सिबाहाॽरे़ लागि खिनिॽ काॽइहाॽरे़, इस्राइलबा के़रे़क् हिम्सयङ्हाॽ मे़रिङ् मे़धक्किल्ले़ पोङ्ॽ॥
कर ले़बिहाॽरे़ माङ्हुप् साप्लुङ् के़याक्पा सन्दोक् के़युङ्बा साःङ्गाहिम् कब्रिङ् पिसाङ् माङ्हुप् साप्लुङ् के़याक्पा सन्दोक् के़युङ्बा साःङ्गाहिम् खुन्छिॽ खिङ्मनाबा मे़जोगुर, हे़क्केलॽरिक् इस्राइलिहाॽरे़ खुन्छिॽ सङ्जुम्भो सम्धाङ् यहवे दाङ्बे़ल्ले़ कुसाक्के़न्निन् मे़धाने़न्ल॥ ले़बिहाॽरे़ए तोःन्दि पिमा साःङ्गाहिम्मिन् कोमा ओमे़प्मा याःम्बक् मे़जोगुर॥”
कर खे़ने़ॽ ले़बिहाॽ माङ्हुप् साप्लुङ् के़याक्पा सन्दोक् के़युङ्बा साःङ्गाहिम्मो नु खे़प्मोबा के़रे़क् सामा चिगक्वा ओमे़प्मा याःम्बक्को मुरामे़त्ते़से़ॽ॥ साःङ्गाहिम्मिन् खे़प्मोबा के़रे़क् सामा चिगक्वाहाॽआङ् खे़ङ्हाॽरे़ए मे़बक्खुर॥ खे़ङ्हाॽरे़ खे़न् सामा चिगक्वाहाॽ ओमे़मे़त्तुर॥ खे़ङ्हाॽरे़ खुन्छिॽ खिङ्मनाबा साःङ्गाहिम्हाॽ खे़न् साःङ्गाहिम्मिल्ले़ए कब्रिङ् पिसाङ् मे़जोगुर॥
खे़ङ्हाॽरे़ खुन्छिॽ थामिङ्ङो हिम्सयङ् हिम्सयङ् मे़से़न्दुसिबा कुइसिक् ले़बिरे़ कुमुॽइदाङ्साहाॽ, खुन्छिॽ आप्फेक् आप्फेक् हिम्सयङ्ङोबा लाम्लोबाहाॽओ तङ्बे निबोङ् के़गे़प्पा नु खे़न्नुःल्ले़ यरिक् के़गे़प्पाहाॽरे़ यहवे दाङ्बे़ल्ले़ कुहिम्मो माङ्से़वा याःम्बक् मे़जोगु, खे़ङ्हाॽ अक्तङ्बाए मे़वये़॥
“‘कर इस्राइलिहाॽ ताप्मे़बे़ॽरे़आङ् आङ्गाॽलाम् माःङ्घा मे़बोःक्खे़आङ् मे़वये़साङ् ले़बि थाःक्कोबा सादोकरे़ कुहिम्सयङ्बा निङ्वाॽफुसाम्बाहाॽरे़ग आङ्गाॽ आसेसेदे़न्नोबा याःम्बक्हाॽ कुदोःप्माआङ् मे़जोगुर मे़वये़, खे़ङ्हाॽ माङ्से़वा याःम्बक् चोःक्मारे़ लागि आङ्गाॽ आबेसाङ् मे़दार पोङ्ॽ, आङ्गाॽ आदगि सासोःत् नु सामाक्खिॽ सिदुङ्जभा तोःन्छे़ खे़ङ्हाॽ आङ्गाॽ आदगि मे़ये़प्ल पोङ्ॽ, आङ्गाॽ मुक्साम्दाङ्बा यहवे दाङ्बे़ल्ले़ पाःत्तुङ्ॽ॥
Piblisite