खानिःत् 18:32 - लिम्‍बु

³² खिनिॽ साॽरिक् नुबा लक्‍किन् के़दोःन्‍दुम्‍बाल्‍ले़ चोगुल्‍ले़ खिनिॽ आप्‍तिक्‍को के़न्‍ध्‍ये़ॽइन्, खे़ब्‍याङ् इस्राइलिहाॽरे़ खुन्‍छिॽ सेसेबा सिदुङ्‌जभाहाॽ खिनिॽ आसुत्‍थो के़न्‍जोगुम्‍मिन्‌ॽ, खम्‍भ्‍याङ् खिनिॽ के़न्‍छे़ॽइन्‍नाङ्‌लो॥’”

खानिःत् 18:32 Referans Kwoze

ले़बि 19:8

खे़न् आत्तिन्‍हाॽरे़ मे़जःॽ खे़न् के़जाबाहाॽ खुन्‍छिॽ फे़न्‌याःम्‍बक्‍किल्‍ले़ लागि खुम्‍दिङ् पिमासिए पोङ्‌ॽ, थेआङ्‌भे़ल्‍ले़ खे़ङ्‌हाॽरे़ यहवे दाङ्‌बे़ल्‍ले़ कुसेसे पाःन्‍निन् आसुत्‍थो मे़जोगु॥ हे़क्‍क्‍याङ् खे़ङ्‌हाॽ खुन्‍छिॽ मनाहाॽलाम् मे़लःत्तु मे़देसुसिर॥

ले़बि 22:2

“हारुने़न् नु खुने़ॽ कुस्‍साहाॽ अक्‍खे मे़त्ते़से़ॽ—‘इस्राइलिहाॽरे़ आङ्‌गाॽ आलागि मे़दोन्‍दुआङ् सिदुङ्‌जभा मे़जोगुबा सुत्‍थोबा सिदुङ्‌जभाहाॽ खिनिॽ इङ्‌धाङ् पिरे़म्‍मे़ॽ, हे़क्‍क्‍याङ् आङ्‌गाॽ आसेसे मिङ्‌ङिन् फे़त्‍मे़लाःन्‍दे़म्‍मिन्‍ने़ॽ॥ आङ्‌गाॽ यहवे दाङ्‌बाआ॥’

१ कोरन्‍थि 11:29

थेआङ्‌भे़ल्‍ले़ आत्तिल्‍ले़ दाङ्‌बाल्‍ले़ कुधक्‍किन् इङ्‌धाङ् मे़म्‍बिए खरे़ःङ्‌ङिन् चःॽ हे़क्‍क्‍याङ् खोर्‍यालाम् थुङुॽ खे़ल्‍ले़ आबाङे कुसम्‍दाङ् खासे़न्‍निन् तारुरो॥

१ कोरन्‍थि 11:27

खे़ल्‍ले़चोगुल्‍ले़ आत्तिल्‍ले़ कुनामे़न्‍छाॽ मे़त्तुर दाङ्‌बाल्‍ले़ कुघरे़ःङ्‌ङिन् चःॽ हे़क्‍क्‍याङ् कुघोर्‍यालाम् थुङुॽ खे़ल्‍ले़ दाङ्‌बाल्‍ले़ कुधक्‍किन् नु कुमाक्‍खिॽइल्‍ले़ कुदक्‍ले़ङ्‌वाओ लायो चोगुरो॥

मलाकि 1:7

“मनाहाॽरे़ आङ्‌गाॽ आलागि ले़त्ति मे़दोन्‍दुबा ते़न्‍नो खे़निॽ आजिःन्‍जिःम्‍बा चामा थुङ्‌माहाॽ के़दोन्‍दुम्‌ॽ॥ “कर खे़निॽ अक्‍खेलॽरिक् आङ्‌गाॽ याप्‍मि से़ःन्‍गे़दोसि, ‘आनिगे आक्‍खेलॽरिक् चिःन्‍नासिगे़बे?’” कर आङ्‌गाॽ पाःत्तुङ्‌ॽ, “आङ्‌गाॽ कुनामे़न्‍छाॽ याप्‍मि के़मे़त्तिआङ् याप्‍मि के़जिःन्‍दि॥

खानिःत् 18:22

आल्‍लआङ्‌धो तुम्‍मादे़न् साःङ्‌गाहिम् निःत्ताङ् इस्राइलिहाॽ मे़न्‍दाने़न्‍ल, मेःन्‍ने़भग्र खुन्‍छिॽ लायोल्‍ले़ चोगुल्‍ले़ खे़ङ्‌हाॽ मे़सिरो॥

खानिःत् 18:31

हे़क्‍क्‍याङ् खिनिॽ नु खिनिॽ हिम्‍सयङ्‌हाॽरे़ खे़न् आत्तिन् ते़न्‍नोसाङ् चामा के़सुक्‍तुम्‌ॽ, थेआङ्‌भे़ल्‍ले़ तुम्‍मादे़न् साःङ्‌गाहिम्‍मो खिनिॽ के़जोगुम्‍बा याःम्‍बक्‍किल्‍ले़ कुले़क्‌वा खिनिॽ खोमा नाम्‌याःक्‍लो॥

खानिःत् 19:1

यहवे दाङ्‌बे़ल्‍ले़ मोसान् नु हारुने़न् मे़त्तुसि,

लाम्‍दिक् 28:43

तुम्‍मादे़न् साःङ्‌गाहिम्‍मो हारुने़न् नु खुने़ॽ कुस्‍साहाॽ मे़लाःत्तिल्‍ले़ इग्र सेसेदे़न्‍नो माङ्‌से़वा चोःक्‍मारे़ लागि ले़त्ति तोःम्‍मादे़न्‍निल्‍ले़ कुबेसाङ् मे़दाःल्‍ले़ खे़न् चाङ्‌हाॽ मे़जाक्‍खुर, हे़क्‍केलॽरिक् खे़ङ्‌हाॽ आप्‍तिक्‍साबा मे़म्‍बोङ्‌ने़न्‍नाङ् मे़न्‍छिने़न्‍ल॥ “हारुने़न् नु खुने़ॽ कुमुॽइदाङ्‌साहाॽरे़न् फाॽआङ् कन् आप्‍फाल्‍ले़साङ् सदादिङ्‌ले़ लागि लत्‍छा साम्‌योसाक्‍थिम् पोङ्‌लरो॥”