हारुने़ल्ले़ कुद्वाबो खे़न् पत्ल, हे़क्क्याङ् इस्राइलिहाॽरे़ सेसे हुक्वायाङ् च्या मे़दोन्दुॽ, खे़न् सेसे चिगक्वाहाॽरे़ आप्तिक्किन् हारुने़ल्ले़ ताःक्तुर॥ खे़न् चक्मे़ल्लॽए खे़ल्ले़ कुद्वाबोए पत्कन्॥ कम्भलॽरिक् खे़न् हुक्वा याङ्हाॽ यहवे दाङ्बे़ल्ले़ ताःक्मा सुम्बोधाबा पोङ्ल॥
खानिःत् 18:1 - लिम्बु1 खे़ब्याङ् यहवे दाङ्बे़ल्ले़ हारुने़न् मे़त्तु, “खे़ने़ॽ, के़स्सा के़म्मे़त्छाॽहाॽ नु ले़बिरे़ कुधाःक्लाम्बाबा खे़ने़ॽ के़म्बारे़ कुहिम्सयङ्हाॽरे़ सेसेदे़न्निल्ले़ कुदक्ले़ङ्वाओ मे़जोगुबा फे़न्याःम्बक्किल्ले़ आप्तिक्किन् खिनिॽ के़गुयुम्ल पोङ्ॽ, कर खे़ने़ॽ नु के़स्सा ये़म्बित्छाहाॽरे़रक् निङ्वाॽफुसाम्बा ताक्फाःल्ले़ कुयाःम्बेओबा फे़न्याःम्बक्किल्ले़ कुले़क्वा मे़दुमुम्ॽ॥ Gade chapit la |
खानिःत् 18:1
22 Referans Kwoze
खिनिॽ लाम्लोबाहाॽरे़ के़म्मे़त्तिबा पाःन्निन् खे़प्से़म्मे़ॽ, हे़क्क्याङ् खुनिॽ युक्को वये़म्मे़ॽओ॥ खे़ङ्हाॽरे़ खिनिॽ कम्ब्राङ् के़म्मे़त्तिआङ् निङ्वाॽफुमाङ्ङो लक्पे़न्साबा मे़बोङ्लो॥ हे़क्केलॽरिक् खे़ङ्हाॽरे़ खे़न् याःम्बक्किन् मे़सःत्ल निङ्वाॽ मे़न्दुक्के मे़जोगुररो॥ खे़ङ्हाॽरे़ खुनिॽ निङ्वाॽ के़दुक्सुम् के़बिरुम्सिम्ने़ फाॽग्र खिनिॽ लागि थेआङ् इन्धाःक् मे़बोङ्ने़ल्लो॥
खिनिॽ खे़न् लाजेन् थोःम्मारे़ लागि लिबोङ् ये़न् के़देसुम्माङ् के़वयि, कल्ले़चोगुल्ले़ थिक्यान् कुदङ्बा तङ्बे थिक्, लिबोङ् तङ्बे थारिक् खिनिॽ फे़न्याःम्बक्किल्ले़ कुले़क्वा तुक्खे च्ये़म्मे़ॽ, हे़क्क्याङ् आङ्गाॽ खिनिॽ निङ्मि पोङ्ङाल्ले़ थे पोङ्ॽ खे़न् खिनिॽ निङ्वाॽ के़घोसुम्ॽ॥’
“खे़न्छिॽ थेआङ् लायोलाम् ले़प्मि खोमा सिदुङ्जभान् सेसेदे़न्नो के़न्ज्ये़सुन्? थेआङ्भे़ल्ले़ खे़ङ्ग चाॽरिक् सेसेबा पान् चोक्॥ सङ्जुम्भोहाॽरे़ लागि लायोलाम् ले़प्मि नाःक्माआङ् खे़ङ्हाॽरे़ खुन्छिॽ आप्तिक्किन् खे़प्मा फाॽआङ् यहवे दाङ्बे़ल्ले़ कुदगि खे़न् खे़न्छिॽ पिने़सिङ्ङाङ् के़वये़सि॥
“खे़न्नाङ् खे़ने़ॽइन्ने पोङ्ल—इस्राइलिहाॽरे़ खुन्छिॽ थाःङ् पङ्मनाबा सिदुङ्जभारे़ लागि से़म्मनाबा के़रे़क् हुक्वासुङ्हाॽ आङ्गाॽ खे़ने़ॽ नु खे़ने़ॽ के़स्साहाॽरे़ लागि आभे़ल्ले़साङ् खोमा के़बोङ्बा लक् कुसिङ् पिनिङ्ङाङ् वाॽ॥ खे़ने़ॽ के़हिम्मो सुत्थो के़बोङ्बा के़रे़क्ले़ खे़न् चामा मे़सुक्तुॽ॥
Piblisite