खानिःत् 16:38 - लिम्बु38 खे़ङ्हाॽग खुन्छिॽ आबाङे याम्साम्मिन् हान्ति चोगुर थारिक् लायो के़जोःक्पाहाॽरे़ खुनिॽ साङ्ते़रे़ःङ्सिरो॥ खे़न् साङ्ते़रे़ःङ्हाॽलाम् ले़त्ति तोःम्मादे़न्निन् पम्मारे़ लागि ले़प्पे़प्पा फे़ःत्छे़म्मे़ॽआङ् चोगे़म्मे़ॽ, थेआङ्भे़ल्ले़ खे़ङ्हाॽ यहवे दाङ्बे़ल्ले़ कुदगि मे़दोन्दुबाल्ले़ चोगुल्ले़ सेसेबा चोक्॥ इस्राइलिहाॽरे़ खुन्छिॽ लागि खे़न् मिक्सेन् पोङ्ल॥” Gade chapit la |
खानिःत् 16:38
14 Referans Kwoze
खे़ब्याङ् खाम्बाङ्ङिन् हम्बाःङ् पाःक्खे़आङ् खे़ङ्हाॽ कोरहःन् नु ङाबोङ् मनाहाॽ सोसोरिक् मे़लासे़ मे़घे़रे़, खे़न् ये़म्मो मिधुङ्दिङ् मिराःक्के़ल्ले़ कोरहःन् के़दिम्बा २५० मनाहाॽ खाप्पुथ्यःङ् मे़बोःक्खे़आङ् वये़॥ खे़ङ्हाॽ इस्राइलि सुवाङ्हाॽरे़ खुन्छिॽ लागि साम्दिङ्ले़ कुबि मे़बोःक्खे़॥
यहवे दाङ्बे़ल्ले़ मोसान् मे़त्तु, “पिफ्युङ् के़जोःक्पा थाःक्हाॽरे़ खुन्छिॽ तक्ले़ङ्वाओ मिक्सेःन्ले़ लागि हारुनरे़ कुदक्काःत्तिन् माङ्हुप् साप्लुङ् के़याक्पा निङ्वाॽफुमाङ् सन्दोक्को कुदगि तेॽरे़आङ् ये़प्से़ॽ, खे़ब्याङ् आङ्गाॽ आदक्ले़ङ्वाओ खे़ङ्हाॽ मने़धिक्मा मे़नाॽर चोगे़ पिरे़से़ॽ, मेःन्ने़भग्र खे़ङ्हाॽ मे़सिरो॥”
यहवे दाङ्बे़ल्ले़ मोसाःन्लाम् एलाजारे़न् मे़त्तुआङ् वये़बा हे़क्केए खे़ल्ले़ चोगु॥ हारुनरे़ कुमुॽइदाङ्साहाॽनुःल्ले़ वेॽ आत्तिन् मनाःन्नाङ् सुक्पा हाःन्छे़ निःत्ताङ् मे़दाने़न्ल फाॽआङ् सिङ्सिङ् ये़क्ये़क् लॽमारे़ लागि इस्राइलिहाॽरे़ खुन्छिॽ लागि कन् के़रे़क् पाःन्हाॽ पोःक्खे़आङ् वये़, मेःन्ने़भग्र खे़न्नाङ् कोरहःन् नु खुने़ॽ के़दिम्बा मनाहाॽ हे़क्के खाप्पुथ्यःङ् मे़बोङ्ॽ॥
“हे़क्क्याङ् मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ खिनिॽ के़मे़त्तिॽ—खिनिॽ आप्फेक् थेआङ् के़मे़ङ्ङासिबाबे? थेआङ्भे़ल्ले़ ये़म्बित्छाहाॽ, मे़न्छुमाहाॽ, इग्र यहुदालाम् के़युबा हिन्जाॽबित्छाॽ, किग्र खिनिॽ लाप्फिःप्माहाॽओबा अङे़ःक्वाहाॽ आत्तिन्हाॽआङ् के़न्हिङिन्ॽ॥
Piblisite