खानिःत् 16:3 - लिम्‍बु

³ खे़ङ्‌हाॽ मोसान् नु हारुने़ल्‍ले़ खुन्‍छिॽ तक्‍ले़ङ्‌वाओ के़रे़क् मे़भुङ्‌सिङ्‌ङाङ् खे़ङ्‌हाॽ मे़मे़त्तुसि, “खिनिॽ साॽरिक्‍के मे़न्‌वाॽमनाबा के़जोगुम्! सङ्‌जुम्‍भोबा के़रे़क् मनाहाॽ सेसेबा मे़जोक्, हे़क्‍क्‍याङ् यहवे दाङ्‌बे़न् खे़ङ्‌हाॽरे़ खुन्‍छिॽ लुम्‍मो वाॽ॥ खिनिॽ थेआङ् आप्‍फेक् यहवे दाङ्‌बे़ल्‍ले़ के़रे़क् कुमनाहाॽनुःल्‍ले़ यम्‍बा के़हे़न्‍नासिबाबे?”

खानिःत् 16:3 Referans Kwoze

निङ्‌वाॽफु साम्‍लोसुम् 106:16

खे़ङ्‌हाॽरे़ मुरे़क् खारे़क् थेआङ् के़होप्‍पा ये़ःङ्‌घादे़न्‍नो मोसान् नामे़हे़त्तुरो, हे़क्‍क्‍याङ् यहवे दाङ्‌बे़ल्‍ले़ कुसेसे से़वारोबा हारुने़न्‍नाङ् नामे़हे़त्तुरो॥

खानिःत् 14:14

कन् लाजेॽओ के़युङ्‌बाहाॽ मिस्रिहाॽरे़ कन् पाःन्‍निन् मे़जे़क्‍तुसिॽ॥ खे़ने़ॽ यहवे दाङ्‌बे़न् कन्‍हाॽरे़ खुन्‍छिॽ लुम्‍मो के़वाॽ के़लॽबा पाःन्‍निन् खे़ङ्‌हाॽरे़ मे़घे़प्‍सु मे़सुरुआङ् वाॽ, खे़ने़ॽ नादुम्‍दुम्‍बाए निगे़धाबे़आङ् के़वाॽ, हे़क्‍क्‍याङ् खे़ने़ॽ के़घाॽमिःत्तिन् कन्‍हाॽरे़ खुन्‍छिॽ सम्‍धाङ् ये़म्‍सिङ् खे़ब्‍याङ् ले़न्‍दिक् खाॽमित् सित्‍लाङ् नु से़न्‍दिक् मि सित्‍लाङ् के़बोङ्‌ङाङ् खे़ने़ॽ कन्‍हाॽरे़ खुन्‍छिॽ तगि तगि के़बेःक्॥

लाम्‍दिक् 19:6

खिनिॽ आङ्‌गाॽ आलागि निङ्‌वाॽफुसाम्‍बा हाङ्‌जुम् नु सेसे सुवाङ् के़बोःक्‍खिॽ॥’ इस्राइलिहाॽ खे़ने़ॽ मे़प्‍मासि के़बोङ्‌बा पाःन्‍निन् हाबा कन्‍लो॥”

खानिःत् 16:7

ताःन्‍दिक् यहवे दाङ्‌बे़ल्‍ले़ कुदगि खे़न् साङ्‌ते़रे़ःङ्‌हाॽओ मि नु सुक्‍पा याक्‍ते़म्‍मे़ॽ॥ हात् यहवे दाङ्‌बे़ल्‍ले़ सेगुॽ, हाबा खे़न् सेसेबा पोङ्‌ॽ॥ ले़बिःल्‍ले़ कुमुॽइदाङ्‌सासे, खिनिॽ साॽरिक्‍के कुॽइगे़भे़रि!”

सेःक्‌युक्‍मिबाहाॽ 7:51

“खिनिॽग साॽरिक् कुनिङ्‌वाॽ के़धुङ्‌बा थिङ्‌गानि के़जोगिरो! निङ्‌वाॽफुमाङ्‌ङिल्‍ले़ कुइङ्‌घङ्‌ङिन् खे़म्‍मा खिनिॽ ने़क्‍खोॽ थुङ्‌लो॥ खिनिॽ सुधे़बाहाॽ हे़क्‍केए के़लॽरिआङ् सदादिङ् सेसेमाङ्‌ङिन् के़अत्तुम्‍लो॥

सेःक्‌युक्‍मिबाहाॽ 7:39

“कर आनिॽ सुधे़बाहाॽरे़ खुने़ॽ कुबाःन्‍निन् ते़न्‍दिङ् चोःक्‍मा मे़नाॽरुआङ् मोसाःन्‍नाङ् मे़नाॽरु, हे़क्‍क्‍याङ् मिस्रओ नुःङ्‌मा निङ्‌वाॽ मे़जोगुरो॥

निङ्‌वाॽफु साम्‍लोसुम् 68:17

निङ्‌वाॽफुमाङ्‌ङिल्‍ले़ आत्तातान्‍ने यरिक् निःत्‍मे़न्‍दे़त् हे़न्‍छिङ् हे़न्‍छिङ् अन्‍लाहाॽ कत्तुसिरो, दाङ्‌बान् सिनै कोःक्‍माओलाम्‍बा कुसेसेदे़न्‍नो तारो॥

ए़ज्रा 9:2

यहुदि ये़म्‍बित्‍छाहाॽरे़ वेॽ सुवाङ्‌समा मे़न्‍छुमाहाॽ मेःक्‍खिम् मे़मे़त्तुसिर मे़वये़॥ अक्‍खेलॽरिक् निङ्‌वाॽफुमाङ्‌ङिल्‍ले़ कुसेसे मनाहाॽ फे़त्‍मे़लाॽरे़र मे़वये़॥ कन् पाःन्‍नो लाम्‍लोबाहाॽ नु सुहाङ्‌युक्‍पाहाॽए कुभाङ् के़भेःम्‍बा मे़वये़॥”

खानिःत् 35:34

खिनिॽ आप्‍फेक् के़युङिबा लाजेन् आसुत्‍थो मे़जोगे़म्‍मिन्‍ने़ॽ, खे़प्‍मो आङ्‌गाॽआङ् वाॽआ, थेआङ्‌भे़ल्‍ले़ आङ्‌गाॽ यहवे दाङ्‌बे़न् इस्राइलिहाॽरे़ खुन्‍छिॽ लुम्‍मो वाॽआरो॥’”

खानिःत् 16:11

खे़ने़ॽ के़दिम्‍बा के़रे़क् मनाहाॽनु यहवे दाङ्‌बे़ल्‍ले़ कुदक्‍ले़ङ्‌वाओ के़जुप्‍सिआङ् के़वयिबि? हारुने़न् हाःत्ताङ् खिनिॽ खुने़ॽ कुदक्‍ले़ङ्‌वाओ मने़गे़धिक्‍तिबे?”

खानिःत् 5:3

ये़म्‍बित्‍छा नु मे़न्‍छुमा ने़प्‍माङ् लाःक्‍कात् युक्‍खे़से़ॽ॥ खे़ङ्‌हाॽरे़ खुन्‍छिॽ लुम्‍मो आङ्‌गाॽ याङ्‌धोःक्‍काबा साःङ्‌गाहिम्‍हाॽ खे़ङ्‌हाॽरे़ आसुत्‍थो मे़न्‍जोगुन्‍ल॥”

खानिःत् 16:41

कुदाःन्‍दिक्‍मा इस्राइलबा के़रे़क् सङ्‌जुम्‍भोःन् मोसान् नु हारुने़न् खुन्‍छिॽ तक्‍ले़ङ्‌वाओ अक्‍खे मे़लॽरे़आङ् मने़मे़धिक्‍ते़, “खे़न्‍छिॽए यहवे दाङ्‌बे़ल्‍ले़ कुमनाहाॽ के़से़रुसिआङ् वाॽ॥”

खानिःत् 23:21

“याकुबओ तॽयान् फे़म्‍मा निमे़न्‍दे़त्ते वाॽरो॥ इस्राइलओ तुक्‍खे लाक्‍खे निमे़न्‍धाःप्‍पे वाॽरो॥ यहवे दाङ्‌बा, खुन्‍छिॽ निङ्‌वाॽफुमाङ्‌ङिन् खुन्‍छिॽनुए वाॽरो, हे़क्‍क्‍याङ् खुने़ॽए खुन्‍छिॽ हाङ् फाॽआङ् खे़ङ्‌हाॽरे़ उवा मे़जोगुरो॥