खानिःत् 16:14 - लिम्‍बु

¹⁴ खे़ने़ॽ आनिगे पित्‍नु नु सक्‌वाघु के़गुङ्‌बा लाजेॽओआङ् याप्‍मि के़म्‍भे़त्ते़न्, हे़क्‍क्‍याङ् इक्‍ताप् नु चे़ल्‍ले़क्‍सेॽ इक्‍ताप्‍पाहाॽ हुक्‍काप् चोःक्‍माआङ् याप्‍मि के़म्‍बे़रे़न्॥ खे़ने़ॽ थे कन् मनाहाॽरे़ खुन्‍छिॽ मिक्‍किन् ते़प्‍मा निङ्‌वाॽ के़जोगुबि? आनिगे फे़म्‍माए मे़भे़रिगे़न्॥”

खानिःत् 16:14 Referans Kwoze

ले़बि 20:24

कर आङ्‌गाॽ खिनिॽ मे़त्‍निङ्‌ङाङ् वाॽ, “खिनिॽ खे़ङ्‌हाॽरे़ खुन्‍छिॽ लाजेन् युक् के़जोगुम्‌ॽ, हे़क्‍क्‍याङ् पित्‍नु नु सक्‌वाघु के़गुङ्‌बा लाजेन् खिनिॽ पिनिङ्‌ॽ॥” खिनिॽ वेॽ मे़न्‍छाम् सुवाङ्‌हाॽलाम् के़से़म्‍बा आङ्‌गाॽ यहवे दाङ्‌बा खिनिॽ निङ्‌वाॽफुमाङ्‌आ॥

१ सामुए़ल 11:2

कर अम्‍मोनि नाहासरे़ खे़ङ्‌हाॽ मे़त्तुसि, “आङ्‌गाॽ लत्‍छा पाःन्‍नोरक् खे़निॽनु तङ्‌ङा॥ खे़न् तङ्‌मा पाःन्‍हाॽ अक्‍तङ्‌बा वाॽ, खे़निॽ के़रे़क्‍ले़ चुक्‌वा ले़प्‍साङ्‌बा मिक्‍किन् लःत्तुङ्‌देसुङ् पिनिङ्, हे़क्‍क्‍याङ् खे़ल्‍ले़ के़रे़क् इस्राइलिहाॽरे़ खुनिॽ चाःत्‍थि पेक्॥”

खासे़न्‍लोःम्‍बा 16:21

खे़ब्‍याङ् पलिस्‍तिहाॽरे़ खुने़ॽ मे़दे़म्‍सुआङ् कुमिक्‍हाॽ लिगक् मे़लःत्तु मे़देसु, हे़क्‍क्‍याङ् खुने़ॽ गाजा ये़क्‌यक्‍को मे़युरु॥ खे़ङ्‌हाॽरे़ खे़प्‍मो खुने़ॽ कासा सिक्रिहाॽरे़ इमे़घेःक्‍खु, खम्‍भ्‍याङ् पुङ्‌लाहिम्‍मो खुने़ॽ लुम्‍सुम् युःप्‍मा मे़बाङ्‌घु॥

खानिःत् 20:5

मिस्रलाम् थेआङ् कन् ताप्‍फे़ःम्‍बा ते़न्‍नो आनिगे याप्‍मि के़भे़त्ते़बाबे? कन् ते़न्‍नो कुजा, इग्र पःत्‍छेॽ किग्र चे़ल्‍ले़क्‍सेॽ फुॽले़सेॽहाॽ थे़माआङ् होप्॥ कॽयो थुङ्‌मा च्‍वाःत्ताङ् होप्!”

लाम्‍दिक् 23:11

कर नुसिगेक्‍पा तङ्‌बे के़त्तिल्‍ले़ खे़न् मे़न्‍धोःङ्‌ङे हाबा ले़रे़म् ने़से़म्‍मे़ॽ, हे़क्‍क्‍याङ् खे़न्‍लाम् खिनिॽओबा कुभा याङ्‌गे़साॽबाहाॽरे़ मे़मयु मे़जर॥ खे़ङ्‌हाॽरे़ मे़नन्‍छुबान् चाहि ताम्‍भुङ् थक्‍साहाॽरे़ मे़जर, खिनिॽ आबाङे चे़ल्‍ले़क्‍सेॽ नु चैतुन इक्‍ताहाॽओआङ् हे़क्‍केए चोगे़म्‍मे़ॽ॥

लाम्‍दिक् 22:5

“आत्तिन् मनाःल्‍ले़ कुधक्‍सान् प्‍याङ्‌सिओ इग्र चे़ल्‍ले़क्‍सेॽ इक्‍ताप्‍पो चाराम्‍से़ ले़रु हे़क्‍क्‍याङ् थक्‍सान् पेःक्‍काङ् याप्‍मिःल्‍ले़ कुब्‍याङ्‌सिओबा कुजान् चदेसु पिरुने़भग्र खे़न् मनाःल्‍ले़ याप्‍मिःल्‍ले़ हान्‍ति के़बोङ्‌बान् खुने़ॽ कुब्‍याङ्‌सि इग्र कुजे़ल्‍ले़क्‍सेॽ इक्‍ताप्‍पोबा के़रे़क्‍नुःल्‍ले़ नुबा कुजान् पिरुआङ् साम्‍बान् हुङुर पोङ्‌ॽ॥

लाम्‍दिक् 3:17

मिस्र लाजेॽबा तुक्‍खे लाक्‍खेलाम् खुने़ॽ खिनिॽ के़लःत्तिआङ् लत्‍छा पित्‍नु नु सक्‌वाघु के़गुङ्‌बा लाजेॽ के़ने़बा लाजेॽओ के़गे़त्ति फाॽआङ् खुने़ॽ कुत्‍चाॽ निःन्‍धो चोगुआङ् वाॽ॥ खे़न् लाजेःङ्‌ग कनानि, हित्ति, एमोरि, परिज्‍जि हिब्‍बि नु यबुसिहाॽरे़ खुन्‍छिॽ लाजेॽरो॥

लाम्‍दिक् 3:8

कल्‍ले़चोगुल्‍ले़ खे़ङ्‌हाॽ मिस्रिहाॽरे़ खुन्‍छिॽ हुक्‍कोलाम् ताङ्‌से़ःप्‍मासिरे़ लागि नु मिस्र लाजेॽलाम् लःप्‍मासिआङ् लत्‍छा ताम्‍दाम्‍बा लाजेॽओ के़प्‍मासिरे़ लागि आङ्‌गाॽ थ्‍याङ्‌ङाङ् वाॽआ॥ खे़न् लाजेन् पित्‍नु नु सक्‌वाघु के़गुङ्‌बा चोक्, खे़प्‍मो आल्‍लो कनानि, हित्ति, एमोरि, परिज्‍जि हिब्‍बि नु यबुसिहाॽ मे़युङ्‌ॽ॥

लाम्‍दिक् 23:10

“तङ्‌बे तुक्‍सि थारिक् खिनिॽ प्‍याङ्‌सि इक्‍ताप्‍पो याॽरिःम्‍बा हेॽरे़म्‍मे़ॽ हे़क्‍क्‍याङ् खे़प्‍मो के़बप्‍पा कुजान् सुप्‍से़म्‍मे़ॽ॥

खानिःत् 13:27

खे़ङ्‌हाॽरे़ मोसान् अक्‍खे मे़मे़त्तु, “खे़ने़ॽ याप्‍मि के़बाङ्‌घे़बादे़न्‍नो आनिगे के़रिगे़॥ से़क्‍खाए खे़न् लाजेॽओ पित्‍नु नु सक्‌वाघु कुङ्‌लत्‍छ, हे़क्‍क्‍याङ् खे़प्‍मो के़धोःक्‍पा सिङ्‌सेॽहाॽ हाबा कन्‍लो॥

खानिःत् 14:8

यहवे दाङ्‌बान् आनिॽनु कुनिङ्‌वाॽ ताने़भग्र, खुने़ॽ आनिॽ खे़न् लाजेॽओ आदेॽ, हे़क्‍क्‍याङ् खे़न् पित्‍नु नु सक्‌वाघु के़गुङ्‌बा लाजेन् खुने़ॽ आबिरो॥