खानिःत् 16:1 - लिम्‍बु

¹ थिक्‌यान् यिसहाररे़ कुस्‍सा कोरह, ले़बिःल्‍ले़ कुस्‍सा कोरहःल्‍ले़ कुमुॽइदाङ्‌सा, हे़क्‍क्‍याङ् रुबेनरे़ कुधाःक्‍कोबा एलिबरे़ कुस्‍सा दातान नु अबिरामे़न् हे़क्‍क्‍याङ् पेलेथरे़ कुस्‍सा ओने़न् पान् मे़ङ्‌घे़म्‍मनाबा मे़बोःक्‍खे़॥

खानिःत् 16:1 Referans Kwoze

यहुदा 1:11

चिःत्ते़आङ्‌लक् स्‍ये़रो! थेआङ्‌भे़ल्‍ले़ खे़ङ्‌हाॽरे़ग कयिनरे़ कुलायोबा लाम्‍मिन् मे़नाःत्तुआङ् वाॽ, याङ्‌साकुन्‍धेरे़ लागि बालामरे़ चोगुबा ताप्‍फे़ःम्‍बा याःम्‍बक् कुइसिक् मे़जोगुआङ् वाॽ, हे़क्‍क्‍याङ् खे़ङ्‌हाॽग कोरहरे़ बिफ्‍युङ् चोगुआङ् मे़गे़बा कुइसिक् मे़मे़क्‍लो॥

साम्‌योथिम् इङ् 11:6

हे़क्‍क्‍याङ् खाम्‍बाङ्‌ङिन् मुरान् हा मे़प्‍मनाबा कुसिङ् पःक्‍खे़आङ् आक्‍खेलॽरिक् रुबेन थाःक्‍कोबा एलिआबरे़ कुस्‍सा दातान नु अबिरामे़न्, खे़ङ्‌हाॽरे़ खुन्‍छिॽ हिम्‍सयङ्‌हाॽ, साःङ्‌गाहिम्‍हाॽ नु खे़ङ्‌हाॽरे़ खुन्‍छिॽ के़रे़क् कुहिङ्‌वे़त् थक्‍साहाॽ सोसोरिक् के़रे़क् इस्राइलिहाॽरे़ खुनिॽ तगि खे़ङ्‌हाॽ लरुदेसुसिबान्‍नाङ् खिनिॽए के़निसुम्‍माङ् वाॽ॥

लाम्‍दिक् 6:21

यिसहाररे़ कुस्‍सा ये़म्‍बित्‍छा सुम्‍सि मे़वये़— कोरह, नेपेग नु जिक्रि॥

खानिःत् 27:3

“आनिगे पानुदिङ् पान् मुरे़क् खारे़क् थेआङ् के़होप्‍पादे़न्‍नो मासिङ्, कर यहवे दाङ्‌बे़ल्‍ले़ कुदक्‍ले़ङ्‌वाओ के़बोःक्‍पा कोरहरे़ कुमना सुम्‍मो खुने़ॽ होःप्‍ते़, कर खुने़ॽ आप्‍फेक् कुलायोल्‍ले़ मासिङ्॥ खुने़ॽ कुस्‍सा ये़म्‍बित्‍छाआङ् मे़होःप्‍ते़॥

लाम्‍दिक् 6:18

कहातरे़ कुस्‍सा ये़म्‍बित्‍छा लिसि मे़वये़— अम्राम, यिसहार, हेब्रोन नु उज्‍जिएल वये़॥ कहाते़न् १३३ तङ्‌बे थारिक् हिङे़॥

खानिःत् 15:41

खिनिॽ निङ्‌वाॽफुमाङ् पोङ्‌मारे़ लागि मिस्रलाम् खिनिॽ के़लःप्‍पा के़धाक्‍पा यहवे दाङ्‌बा खिनिॽ निङ्‌वाॽफुमाङ्‌आ॥ यहवे दाङ्‌बा खिनिॽ निङ्‌वाॽफुमाङ्‌ङिन् आङ्‌गाॽएरो॥’”

निङ्‌वाॽफु साम्‍लोसुम् 106:16

खे़ङ्‌हाॽरे़ मुरे़क् खारे़क् थेआङ् के़होप्‍पा ये़ःङ्‌घादे़न्‍नो मोसान् नामे़हे़त्तुरो, हे़क्‍क्‍याङ् यहवे दाङ्‌बे़ल्‍ले़ कुसेसे से़वारोबा हारुने़न्‍नाङ् नामे़हे़त्तुरो॥

लाम्‍दिक् 6:16

ले़बिरे़ कुस्‍सा ये़म्‍बित्‍छा सुम्‍सि मे़वये़— गेर्सोन, कहात नु मरारि॥ खे़ङ्‌हाॽ आबाङे आबाङे खुन्‍छिॽ मिङ् कुइसिःक्‍पा हिम्‍सयङ्‌हाॽरे़ खुनिॽ थाःक्‍थे़बा मे़बोःक्‍खे़॥ ले़बिन् १३७ तङ्‌बे थारिक् हिङे़॥