खानिःत् 15:24 - लिम्बु24 हे़क्क्याङ् सङ्जुम्भोःल्ले़ निङ्वाॽ मे़ङ्घोए खे़न् याःम्बक्किन् आन्जानिओ मे़जोगुबाने़भग्र, के़रे़क् सङ्जुम्भोःल्ले़ यहवे दाङ्बे़ल्ले़ कुसिराॽ के़धाङ्बा कुनाम्गे़नुॽबा मिधिङ्मनादेमनाबा सिदुङ्जभा हे़क्तङ्बारे़ लागि कुम्बाबा पित्सात् थिक्, खे़ल्ले़न् पोगुगे़न् कुजा सिदुङ्जभा नु वदुम्बक्वा सिदुङ्जभाःन्नु सोरिक् थिम् कुइसिक् तोःन्दे़म्मे़ॽ, हे़क्क्याङ् लायोलाम् ले़प्मि खोमा सिदुङ्जभारे़ लागि कुम्बाबा मे़ःन्दा थिक्काङ् तोःन्दे़म्मे़ॽ॥ Gade chapit la |
खानिःत् 15:24
14 Referans Kwoze
“कुभा मनाःल्ले़ यहवे दाङ्बे़ल्ले़ कुसेसे पाःन्हाॽ पिमा निङ्वाॽ फेःत्छुआङ् मे़न्नि मे़न्धा लायो चोगुल्ले़ खे़ल्ले़ यहवे दाङ्बाओ सेसेदे़न्नोबा सेकेल खानिःत् कुइसिक् थुःम्बाःल्ले़ कुमे़ल्लुङ् कुइसिक् यारुबा थक्सा लुप्पोलाम् मे़ङ्गाःम्मनाबा थुःम्बाःन् खुने़ॽ खोमा के़बोङ्बा खुम्दिङ्ङिल्ले़ कुले़क्वाओ ताःप्मा पोङ्ॽ॥ कङ्ग साम्बान् हुङ्मा वयागे़न् सिदुङ्जभारो॥
खे़न् एगाङ् मे़दे़म्सु मे़देॽरुसिबालाम् के़नुःङ्बा के़भे़म्बा के़रे़क्ले़ इस्राइलबा निङ्वाॽफुमाङ्ङो मिधिङ्मनादेमनाबा सिदुङ्जभा तोःम्मारे़ लागि खुन्छिॽ सिदुङ्भजाहाॽ मे़दारु॥ खे़ङ्हाॽरे़ के़रे़क् इस्राइलरे़ लागि थिबोङ्ङाङ् ने़त्छि से़गम्बा पित्, फाङ्बोङ्ङाङ् तुक्सि यम्बा मे़ल्लुक् नु नुबोङ्ङाङ् नुसि थुःम्बा सिदुङ्जभा मे़जोगु॥ खे़ङ्हाॽरे़ थिबोङ्ङाङ् ने़त्छि मे़ःन्दबकाआङ् आबाङे लायोलाम् सुत्थो मे़जोक्सिङ्ल मिधिङ्मनादेमनाबा सिदुङ्जभा मे़दोन्दु॥ कन् के़रे़क् थक्साहाॽ यहवे दाङ्बाओ मिधिङ्मनादेमनाबा सिदुङ्जभा मे़दोन्दुसि॥
माङ्हिम्मिन् मे़दोन्दुल्ले़ खे़ङ्हाॽरे़ किप् थिक् से़गम्बा, किप् ने़त्छि थुःम्बाहाॽ नु किप् लिसि कुम्बाबा मे़ल्लुक्साःत्हाॽ मिधिङ्मनादेमनाबा सिदुङ्जभा मे़जोगुसि हे़क्क्याङ् इस्राइलबा के़रे़क् सुवाङ्हाॽरे़ लागि थिक्ले़ थिक् थिबोङ्ङाङ् ने़त्छि मे़ःन्दबका लायोलाम् ले़प्मि खोमा सिदुङ्जभा मे़दोन्दुसि॥
यारुबा कुमे़ल्लुङ् कुइसिक् खुने़ॽ कुधक्सा लुप्पोलाम् कुलाङ् मे़न्छक्मनाबा मे़ङ्गाःम्मनाबा थुःम्बा थिक् खुने़ॽ आप्तिक्लाम् ले़प्मि खोमा सिदुङ्जभारे़ लागि निङ्वाॽफुसाम्बाओ तारुर॥ खे़ल्ले़ निङ्वाॽ मे़ङ्घोए मे़न्नि मे़न्धा चोगुबा फे़न्याःम्बक्किल्ले़ कुले़क्वा कम्भलॽरिक् निङ्वाॽफुसाम्बाल्ले़ ले़प्मि नाःक्तु पिरुॽ, हे़क्क्याङ् खे़ल्ले़ कुलायोन् ले़प्मि पोङ्ॽ॥
Piblisite