खानिःत् 15:20 - लिम्बु20 खिनिॽ खरे़ःङ् के़ले़ःङ्सुम्मिल्ले़ तगि के़दुम्बा कुजालाम्बाबा खरे़ःङ्ङिन् सिदुङ्जभा कुइसिक् यहवे दाङ्बाओ तोःन्दे़म्मे़ॽ॥ खिनिॽ चा थाम्मादे़न्नो के़से़न्दुम्बा कुजालाम्बा सिदुङ्जभा के़दोःन्दुम्बा हे़क्केए खे़न् खरे़ःङ्ङिन् के़दोःन्दुम्ल पोङ्ॽ॥ Gade chapit la |
तगि के़दुम्बा के़रे़क् नुबा सिङ्सेॽहाॽ नु खिनिॽ के़दोःन्दुम्बा के़रे़क्नुःल्ले़ नुबा हुक्वाहाॽ निङ्वाॽफुसाम्बाहाॽरे़न् पोङ्ॽ॥ खिनिॽ के़युःत्तुम्बा फेॽदुम्लाम्बाबा के़रे़क्नुःल्ले़ तगिबा कुजान् खिनिॽ निङ्वाॽफुसाम्बाहाॽ के़बिरुम्सिम्ल पोङ्ॽ हे़क्केलॽरिक् खिनिॽ हिम्सयङ्हाॽओ हाङ्वागे़न् मुॽइसाम् थारो॥
“खे़न्नाङ्धो तङ्बे थप्मे आनिगे इक्ताप्पो के़रे़क्नुःल्ले़ तगि के़धोःक्पा पोगुगे़न् कुजान् यारिप् चोगुम्बे़आङ् कुजा सिदुङ्जभान् नु आनिगे तोःम्मा के़बोङ्बा पे़ःङ्वालिःत्छेॽ निःङ्गेन्, चे़ल्ले़क्सेॽ थिन् खे़ब्याङ् के़रे़क् परिक्पा सिङ्सेॽहाॽ निङ्वाॽफुसाम्बाल्ले़ कुलागि माङ्हिम्मोबा कुजा युङ्मादे़न्हाॽओ तोःन्दुम्बे़॥ “पाङ्भेॽओ थिबोङ्लक् के़भोङ्बा ले़बिहाॽ आनिगे आबाङे इक्ताप्पोबा पोगुगे़न् कुजा थिबोङ्लक् पिरुम्सिम्बे़रो॥
खे़ङ्हाॽग आप्फाल्ले़आङ् मे़न्छुमाॽनु मे़म्बोःत्ते मे़वये़ हे़क्क्याङ् आबाङे सेसे मे़गत्छिङ्ङाङ् मे़वये़रो॥ खे़ङ्हाॽग मे़ल्लुक्सान् आत्तान् पेःक्साङ् कुएगाङ् कुएगाङ् के़दिम्बासिरो॥ खे़ङ्हाॽग काक्नु तगि के़दुम्बा पोगुगे़न् कुजा कुइसिक् निङ्वाॽफुमाङ् नु मे़ल्लुक्साःओ तोःम्मासि फाॽआङ् इक्सादिङ् खाम्बेःक्मोबा मे़न्छाम् याप्मिलाम् कुमे़ल्लुङ् हुङ्मनाआङ् थे़ॽमनाबासिरो॥
आत्तिन् ते़न्नो यहवे दाङ्बा खिनिॽ निङ्वाॽफुमाङ्ङिल्ले़ खुने़ॽ कुमिङ्ङो कुयुङ्मादे़न्निल्ले़ लागि सेगु, आम्भा खे़प्मो खिनिॽ कुजा, चे़ल्ले़क्सेॽ थि नु निःङ्गेल्ले़ थिबोङ्लक् हे़क्क्याङ् खिनिॽ पित्थक्साहाॽ नु मे़ल्लुक् मे़ःन्दाहाॽरे़ तगि मे़धाप्तुसिबा साहाॽ खुने़ॽ कुदगि चे़म्मे़ॽ॥ कम्भलॽरिक्के आप्फाल्ले़साङ् यहवे दाङ्बा खिनिॽ निङ्वाॽफुमाङ्ङिन् मिङ्सो इङ्धाङ् पिमा के़हुॽआसिॽ॥