“मुक्साम्दाङ्बा यहवे दाङ्बे़ल्ले़ अक्खे पाःत्तुॽ—हे़क्क्याङ् खे़ने़ॽ आङ्गाॽ निङ्वाॽ के़भेःत्छाङ्ङाङ् के़वाॽबा नु खे़ने़ॽ के़एःक्के़न् के़हिसाङ् के़बिराङ्ङाङ् वाॽबाल्ले़ चोगुल्ले़, खे़ने़ॽ के़जोगुबा के़रे़क् चाराम्मा याःम्बक् के़जोगुबा नु के़त्निमा याःम्बक् के़जोगुबाल्ले़ कुले़क्वान् खे़ने़ॽ के़धरुर पोङ्लो॥”
खानिःत् 14:33 - लिम्बु33 खिनिॽ थिन्दाङ् सायोबोराहाॽ कन् मुरे़क् खारे़क् थेआङ् के़होप्पादे़न्नो लिबोङ् तङ्बे थारिक् ताक्मे़गन्नाङ् मे़वाॽ हे़क्क्याङ् खिनिॽ नसान् के़न्जोगुम्मिन्बाल्ले़ चोगुल्ले़ मुरे़क् खारे़क् थेआङ् के़होप्पादे़न्नो खिनिॽ के़रे़क् मे़न्छिए थारिक् खे़ङ्हाॽरे़ तुक्खे लाक्खे मे़दुमुॽ॥ Gade chapit la |
खानिःत् 14:33
20 Referans Kwoze
इस्राइलए, वेॽ मे़न्छाम् सुवाङ्हाॽ हे़क्के मे़सःत्ते़म्मिन्ने़ॽओ, थेआङ्भे़ल्ले़ खिनिॽ आप्फेक् निङ्वाॽफुमाङ्ङिन् के़ले़रुम्माङ् खिनिॽ याम्बोःप्मा याःम्बक् के़जोगुम्लो! के़रे़क् पोगुगे़न् कुजा थाम्मादे़न्नो याम्बोःप्मा याःम्बक्किल्ले़ नालिगे़न् कुजे़न् ताःक्मा खिनिॽ सिराॽथाङ्लो॥
“आल्ल ओमे़त्ते़ॽ, इस्राइलिहाॽ मुरे़क् खारे़क् थेआङ् के़होप्पादे़न्नो ताक्मे़गन्दे़आङ् मे़वये़ल्ले़ यहवे दाङ्बे़ल्ले़ कन् पाःन्निन् मोसान् मे़त्तुबा ये़म्माङ्धो आल्लो लिबोङ्ङाङ् तङ्बे ङासि के़रे़मारे़, हे़क्क्याङ् यहवे दाङ्बे़ल्ले़ कुबाःन्जाक् कुइसिक् आङ्गाॽ कुहिङ्वे़त्ते कत्ताआ॥ आल्ल ओमे़त्ते़ॽ, आङ्गाॽ ये़प्पोङ्ङाङ् तङ्बे ङासि के़राङ्ङाङ् वाॽआ॥
आत्तिन् नावाइत्लाःन्नाङ् खिनिॽ से़वा मे़मे़त्ते़म्मिन्ने़ॽ हे़क्क्याङ् खिनिॽ खे़न् माङ्से़वाआङ् मे़मे़त्ते़म्मिन्ने़ॽ थेआङ्भे़ल्ले़ आङ्गाॽ यहवे दाङ्बाआ॥ खिनिॽ वेॽ माङ्ङिन् माङ्से़वा के़मे़त्तुम्मिल्ले़ आङ्गाॽ नासि मे़धःत्तान्॥ आङ्गाॽ याप्मि के़जिःप्पाहाॽ खुन्छिॽ मुॽइदाङ्साहाॽरे़ खुन्छिॽ सुम्सिगेक्पा नु लिसिगेक्पा थाःक् थारिक् खुम्दिङ् पिरुङ्सिङ्ॽ॥
यहवे दाङ्बा खिनिॽ निङ्वाॽफुमाङ्ङिल्ले़ खिनिॽ के़रे़क् परिक्पा याःम्बक्को हाङ्वागे़न् मुॽइसाम् के़बिरिआङ् वाॽ॥ कन् यम्बा मुरे़क् खारे़क् थेआङ् के़होःप्पादे़न्नोबा लाम्दिक् खाराक् खुने़ॽ खिनिॽ ताप्थेक् याम्धेक् के़गत्तिआङ् वाॽ॥ कन् लिबोङ् तङ्बे थारिक् यहवे दाङ्बा खिनिॽ निङ्वाॽफुमाङ्ङिन् खिनिॽनु सोरिक् वाॽ, हे़क्क्याङ् खिनिॽ थे़मा पाःन्निन्ले़ कुहोःप्मा कुसाक्मोआङ् मे़न्धाए के़वयिॽ॥
खिनिॽ नःम्नःम्बा चोःक्मारे़ लागि, निङ्वाॽ साॽमारे़ लागि नु खुने़ॽ कुइङ्जाःङ्ङिन् खिनिॽ इःप्मा नाःप्मा निङ्वाॽ के़गत्तुम्बि मेःम्बि फाॽआङ् कुसिङ् निःप्मारे़ लागि कन् लिबोङ् तङ्बे थारिक्पा मुरे़क् खारे़क् थेआङ् के़होःप्पादे़न् लाम्दिःक्को यहवे दाङ्बा खिनिॽ निङ्वाॽफुमाङ्ङिल्ले़ खिनिॽ आक्खेलॽरिक् लाम्गे़लोसि, खे़न् खिनिॽ निङ्वाॽ इःत्ते़म्मे़ॽ॥
हे़क्केसाङ् यहवे दाङ्बे़ल्ले़ पाःत्तुॽ, “आङ्गाॽ लिबोङ् तङ्बे थारिक् मुरे़क् खारे़क् थेआङ् के़होप्पादे़न्नो खिनिॽ लाम्लोनिङ् फे़त्निङ्ङिल्ले़ खिनिॽ थक्को के़जाक्खुम्बा चाङ्हाॽ कुद्रे़क् मे़बोःक्खे़न्, हे़क्क्याङ् खिनिॽ लाङ्ङो के़जाक्खुम्बा लाङ्सुःप्पिन्नाङ् कुद्रे़क् मे़बोःक्खे़न्॥
इस्राइलिहाॽरे़ यहवे दाङ्बे़ल्ले़ कुइङ्जाङ्ङिन् मे़न्इःत्तुन् मे़न्नाःत्तुम्बाल्ले़ चोगुल्ले़ मिस्रलाम् के़लःम्बा के़भे़म्बा के़रे़क् मनाहाॽ, इग्र थक्सुबा पोङ्मा के़लाॽबाहाॽ मे़म्मे़क्के थारिक् खे़ङ्हाॽ मुरे़क् खारे़क् थेआङ् के़होप्पादे़न्नो लिबोङ् तङ्बे खाराक् लाङ्मे़घेगे़आङ् मे़वये़॥ थेआङ्भे़ल्ले़ खे़ङ्हाॽरे़ खुन्छिॽ पाधे़बाहाॽ पिनिङ् मे़त्तुसिआङ् माङ्हुप् चोगुबा पित्नु नु सक्वाघु के़गुङ्बा लाजेन् खे़ङ्हाॽरे़ निमा मे़ङ्घोसुन्ॽ फाॽआङ् खुन्छिॽनु यहवे दाङ्बे़ल्ले़ माङ्हे़क् चोगुआङ् वये़॥
Piblisite