खुने़ॽ मे़त्तु, “आङ्गाॽ आदाङ्बारे़ के़निमो के़निङ्वाॽ के़दाबा पोःक्खाङ्ङाङ् वाॽआने़भग्र, यहवे दाङ्बाए, आङ्गाॽ पेलि फाक्ने़, यहवे दाङ्बान्ने आनिगे़नु सोरिक् लाङ्घेगे़ॽ॥ कन्हाॽ आधिङ्गानि मना मे़बोःक्खे़साङ् आनिगे फे़न्याःम्बक् नु लायोलाम् ले़प्मि आबिरे़ॽआङ् लक्खोबा कुइसिक् आबाङे के़माना हे़क्के आदाःक्ते़ॽओ॥”
खानिःत् 14:19 - लिम्बु19 आङ्गाॽ खे़ने़ॽ पेलि फाक्ने़, खे़ने़ॽ साॽरिक् लुङ्माॽ आदुक्तुक्पा के़जोःक्पा कुइसिक्, हे़क्क्याङ् मिस्र लाजेॽलाम् आल्लो थारिक् ले़प्मि के़बिरुसिर के़वाॽबा हे़क्के कन् मनाहाॽरे़ खुन्छिॽ लायोन् ले़प्मि पिरे़से़ॽओ॥” Gade chapit la |
खानिःत् 14:19
23 Referans Kwoze
हे़क्क्याङ् खुने़ॽ अक्खेलॽरिक् पेलिगे़न् तुवा चोगु, “यहवे दाङ्बाए, थे आसेःन्छा आङ्गाॽ हिम्मोनु लःम्मा तगिए खे़ने़ॽ अक्खेए के़जोगु फाॽआङ् आङ्गाॽ मे़म्बाःप्पान्बि? खे़ल्ले़चोगुल्ले़ आङ्गाॽ तर्सिस ले़प्माङ् खे़त्छिङ्मा पेःक्मा आसुक्सुक् निङ्वाॽ चोगुङ्॥ खे़ने़ॽ मिःम्जिदाङ्बा, लुङ्गुम्साबा, सदादिङ् नासि के़धःप्पा, सदादिङ् लुङ्माॽ आदुक्तुक्पा निङ्वाॽफुमाङ्ने़रो, खे़ने़ॽ आबाङे के़निङ्वान् के़नुःक्तुॽ खे़ब्याङ् खुम्दिङ् के़म्बिरुसिन्ॽ फाॽआङ् आङ्गाॽ निसुङ्॥
कुॽइगे़भे़म्बे़ल्ले़ आबाङे कुलाम्मिन् नाःप्मा नाॽरुररो हे़क्क्याङ् लायो के़जोःक्पाल्ले़ कुनिङ्वाॽओ इःत्तुबा पाःन्निन् ले़रुदेसुररो॥ खे़ब्याङ् यहवे दाङ्बा ले़प्साङ् नुःङ्लरो, हे़क्क्याङ् खुने़ॽ खे़न् लुङ्माॽ तुक्तुरो॥ आनिॽ निङ्वाॽफुमाङ् पिसाङ् खे़न् हिसिङ्लरो, हे़क्क्याङ् खुने़ॽ खे़न् साम्बान् मे़न्हुङ्ङे ले़प्मि पिरुरो॥
यहवे दाङ्बाए, खे़ने़ॽ के़मिङ्सो के़धाङ्सोन् आङ्गाॽ खे़प्सुङ्ङाङ् वाॽआरो, यहवे दाङ्बाए, खे़ने़ॽ के़याःम्बक्हाॽ खे़प्सुङ्लो हे़क्क्याङ् आङ्गाॽ साॽरिक् आनिङ्वाॽ मारो॥ आनिगे ये़न्नो खे़ङ्हाॽ खे़ने़ॽ कुसङ् चोगे़ॽओ हे़क्क्याङ् खे़ङ्हाॽ आनिगे ओसेन् आधाक्ते़ॽओ आनिगे ये़म्मो खे़ङ्हाॽ कुसिङ् निःप्मा आबाङ्घे़ॽओ, साॽरिक् के़साक्के़न् पोःक्पा ये़म्मो लुङ्माॽ आदुक्ते़ॽओ॥
Piblisite