खानिःत् 14:10 - लिम्‍बु

¹⁰ कर के़रे़क् सङ्‌जुम्‍भोःल्‍ले़ खे़ङ्‌हाॽ लुङ्‌ङिल्‍ले़ ले़प्‍मासि फाॽआङ् पान् मे़हुप्‍तु॥ खे़न् ये़म्‍मो यहवे दाङ्‌बे़ल्‍ले़ कुमिमिदिङ्‌ङिन् तुम्‍मादे़न् साःङ्‌गाहिम्‍मो के़रे़क् इस्राइलिहाॽओ ओसेःन्‍धाङ् पोःक्‍खे़॥

खानिःत् 14:10 Referans Kwoze

लाम्‍दिक् 17:4

मोसाःल्‍ले़ कुसिक्‍लुङ्‌मोलाम् यहवे दाङ्‌बान् पेलि फाक्‍तुआङ् मे़त्तु, “आङ्‌गाॽ कन् मनाहाॽ थे मे़त्तुङ्‌सिङ्‌बाबे? कन्‍हाॽरे़ आङ्‌गाॽ लुङ्‌ङिल्‍ले़ खा ले़प्‍मा मे़इःत्तारो॥”

ले़बि 9:23

खे़ब्‍याङ् मोसान् नु हारुने़न् तुम्‍मादे़न् साःङ्‌गाहिम् सिगाङ् लासे़त्‍छि, हे़क्‍क्‍याङ् लःन्‍दे़सिआङ् मनाहाॽ हाङ्‌वागे़न् मुॽइसाम् पिरे़त्‍छुसि॥ खम्‍भ्‍याङ् यहवे दाङ्‌बे़ल्‍ले़ कुमिमिदिङ्‌ङिन् के़रे़क् मनाहाॽओ ओसेःन्‍धाङ् पोःक्‍खे़॥

लाम्‍दिक् 16:10

हारुने़न् के़रे़क् सङ्‌जुम्‍भोहाॽनु पारे़र पत्‍छे़ल्‍ले़ खे़ङ्‌हाॽरे़ खुन्‍छिॽ नारान् मुरे़क् खारे़क् थेआङ् के़होःप्‍पादे़न् ले़प्‍माङ् मे़हिसु हे़क्‍क्‍याङ् हक्‍चघत् यहवे दाङ्‌बे़ल्‍ले़ से़दिङ्‌दिङ् के़ओःप्‍पा कुमिमिदिङ्‌ङिन् खाॽमिःत्तो निधाबे़॥

मत्ति 23:37

“यरुसले़म्‍मोबा मनासे, यरुसले़म्‍मोबा मनासे, खिनिॽग माङ्‌निङ्‌वाॽपान् के़बाःप्‍पाहाॽ के़से़रुम्‍सिम्, निङ्‌वाॽफुमाङ्‌ङिल्‍ले़ खिनिॽओ पाङ्‌घुसिबा इङ्‌साबाहाॽ लुङ्‌ङिल्‍ले़ के़बःत्तुम्‍सिम्‍लो॥ आक्‍खे़न्‍ले़ङ् खिनिॽ मुॽइदाङ्‌साहाॽ वामाःप्‍माल्‍ले़ वाज्‍याःक्‍हाॽ कुप्‍तुसिबा कुइसिक् खिनिॽ साःहाॽ सुम्‍मासि निङ्‌वाॽ चोगुङ्, कर खिनिॽ के़न्‍दे़न्‍दिन्‍लो॥

१ सामुए़ल 30:6

दाउदे़न् के़साक्‍पो थ्‍ये़, थेआङ्‌भे़ल्‍ले़ के़रे़क् मनाहाॽरे़ खुन्‍छिॽ साहाॽ मे़दे़म्‍सु मे़देॽरुसिबाल्‍ले़ चोगुल्‍ले़ खे़ङ्‌हाॽरे़ खुन्‍छिॽ निङ्‌वाॽ तुगे़आङ् दाउदे़न् लुङ्‌ङिल्‍ले़ ले़प्‍पासिगे़ मे़प्‍मा मे़हेःक्‍तु॥ हे़क्‍केःल्‍ले़ दाउदरे़ यहवे दाङ्‌बा कुनिङ्‌वाॽफुमाङ्‌लाम् मुक्‍साम् खोसु॥

खानिःत् 20:6

खे़ब्‍याङ् मोसान् नु हारुने़न् सङ्‌जुम्‍भोःल्‍ले़ खुन्‍छिॽ तगिलाम् तुम्‍मादे़न् साःङ्‌गाहिम्‍मोबा लाम्‍धेःत्तो पेसिआङ् साम्‍बोन् हबत् फन्‍ने़सिआङ् ने़ने़सि, हे़क्‍क्‍याङ् यहवे दाङ्‌बाल्‍ले़ कुमिमिदिङ्‌ङिन् खे़ङ्‌हाॽरे़ खुन्‍छिॽ लुम्‍मो ओसेःन्‍धाङ् पोःक्‍खे़॥

खानिःत् 16:42

कर आल्‍ल सङ्‌जुम्‍भोःल्‍ले़ मोसान् नु हारुनरे़ खुन्‍छिॽ तक्‍ले़ङ्‌वाओ मे़जुप्‍से़आङ् तुम्‍मादे़न् साःङ्‌गाहिम्‍मिन् ओमे़मे़त्तु, खे़ब्‍याङ् चघप् खाॽमिःत्ते़ल्‍ले़ खे़न् चिबन् पन्‍छु, हे़क्‍क्‍याङ् यहवे दाङ्‌बे़ल्‍ले़ कुमिमिदिङ्‌ङिन् ओसेःन्‍धाङ् पोःक्‍खे़॥

खानिःत् 16:19

कोरहःल्‍ले़ खुने़ॽ के़दिम्‍बा मनाहाॽ खे़ङ्‌हाॽरे़ खुन्‍छिॽ तक्‍ले़ङ्‌वाओ तुम्‍मादे़न् साःङ्‌गाहिम्‍मो सुप्‍सुसिल्‍ले़ यहवे दाङ्‌बे़ल्‍ले़ कुमिमिदिङ्‌ङिन् खक्‍पे़त् सङ्‌जुम्‍भोओ ओसेःन्‍धाङ् पोःक्‍खे़॥

लाम्‍दिक् 16:7

यहवे दाङ्‌बे़न् आनिॽ लुम्‍मो ये़बा फाॽआङ् कुसिङ् निःप्‍मारे़ लागि ताःन्‍दिक् तानाम् यहवे दाङ्‌बे़ल्‍ले़ यम्‍बा कुमुक्‍साम्‍मिन् खिनिॽ के़निसुम्‌ॽ॥ खुने़ॽ कुदक्‍ले़ङ्‌वाओ मने़गे़धिक्‍तिबान् खुने़ॽ खे़प्‍सुआङ् वाॽ॥ आन्‍छिगे हाःत्‍छिगे़आङ् खिनिॽ आन्‍छिगे तक्‍ले़ङ्‌वाओ मने़गे़धिक्‍तिबाबे॥”

सेःक्‌युक्‍मिबाहाॽ 7:59

लुङ्‌ङिल्‍ले़ मे़बःत्तुर मे़बत्‍छे़ल्‍ले़ स्‍तिफनसरे़ अक्‍खेलॽरिक् तुवा चोगु, “दाङ्‌बा ये़सुए, इङ्‌गाॽ आयाम्‍साम्‍मिन् ताःक्‍ते़ॽओ॥”

सेःक्‌युक्‍मिबाहाॽ 7:52

खिनिॽ सुधे़बाहाॽरे़ काक् माङ्‌निङ्‌वाॽपान् के़बाःप्‍पाहाॽ तुक्‍खे मे़जाःत्तुसि॥ खे़ङ्‌हाॽरे़ निङ्‌वाॽफुमाङ्‌ङिल्‍ले़ माङ्‌हे़क् चोगुबा साम्‌योबा हाङ्‌ङिल्‍ले़ कुदामाल्‍ले़न् माङ्‌निङ्‌वाॽपान् के़बाःप्‍पाहाॽआङ् मे़से़रुसिरो॥ आल्‍ल खुने़ॽ इङ्‌ले़क् के़मे़त्तुम्‍माङ् के़से़रुम्‍लो॥

लाम्‍दिक् 40:34

खे़ब्‍याङ् तुम्‍मादे़न् साःङ्‌गाहिम्‍मिन् खाॽमिःत्तिल्‍ले़ पन्‍छु, हे़क्‍क्‍याङ् यहवे दाङ्‌बे़ल्‍ले़ कुमिमिदिङ्‌ङिल्‍ले़ सेसे साःङ्‌गाहिम्‍मिन् सधे़क् तिम्‍से़॥

खानिःत् 17:7

मोसाःल्‍ले़ खे़न् तक्‍काःत्‍हाॽ याङ्‌सिङ् हे़क्‍क्‍याङ् माङ्‌हुप् साप्‍लुङ्‌हाॽ के़याक्‍पा निङ्‌वाॽफुमाङ् सन्‍दोक् के़युङ्‌बा साःङ्‌गाहिम्‍मो यहवे दाङ्‌बे़ल्‍ले़ कुदगि ने़स्‍सु॥