खानिःत् 13:3 - लिम्‍बु

³ कल्‍ले़चोगुल्‍ले़ यहवे दाङ्‌बे़ल्‍ले़ कुइङ्‌जाङ् कुइसिक् पारानबा मुरे़क् खारे़क् थेआङ् के़होःप्‍पादे़न्‍नोलाम् मोसाःल्‍ले़ खे़ङ्‌हाॽ पाङ्‌घुदेसुसि॥ खे़ङ्‌हाॽ के़रे़क् इस्राइलिहाॽरे़ खुन्‍छिॽ लाम्‍लोबा मे़वये़॥

खानिःत् 13:3 Referans Kwoze

खानिःत् 32:8

कादेस-बर्नेलाम् आङ्‌गाॽ खिनिॽ सुधे़बा थाःक्‍थे़बाहाॽ कन् लाजेन् थोःम्‍से़ पाङ्‌घुङ्‌सिङ्‌ङिल्‍ले़ खिनिॽ सुधे़बा थाःक्‍थे़बाहाॽ हाबा अक्‍खेए मे़जोगुआङ् मे़वये़॥

खानिःत् 12:16

खे़न् एगाङ् हसेरोतलाम् तगि मे़बेआङ् पारानबा मुरे़क् खारे़क् थेआङ् के़होप्‍पादे़न्‍नो खे़ङ्‌हाॽरे़ साःङ्‌गाहिम्‍हाॽ मे़घिङ्‌घुरो॥

साम्‌योथिम् इङ् 9:23

हे़क्‍क्‍याङ् यहवे दाङ्‌बे़ल्‍ले़ कादेस-बर्नेलाम् खिनिॽ अक्‍खे के़मे़त्तिआङ् के़बाङ्‌घि, “खिनिॽ पेगे़म्‍मे़ॽआङ् आङ्‌गाॽ खिनिॽ पिनिङ्‌बा लाजेन् युक् चोगे़म्‍मे़ॽ॥” कर यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् के़अत्तुम्, खे़ब्‍याङ् खिनिॽ खुने़ॽ कुना के़न्‍छाॽरुम्‍मिन्, हे़क्‍क्‍याङ् खुने़ॽ कुबाःन्‍नाङ् के़ङ्‌घे़प्‍सुम्‍मिन्॥

साम्‌योथिम् इङ् 1:19

खे़न् एगाङ् यहवे दाङ्‌बा निङ्‌वाॽफुमाङ्‌ङिल्‍ले़ कुइङ्‌जाङ् कुइसिक् होरेबलाम् लाङ्‌घेगिगे़ हे़क्‍क्‍याङ् खे़ने़ॽ के़निसुबा खे़न् पयम् यम्‍बा नु किप्‍मा पघुगे़घुबा मुरे़क् खारे़क् थेआङ् के़होःप्‍पादे़न्‍लाम् पोःक्‍खिगे़आङ् एमोरिहाॽ मे़युङ्‌बा कोःक्‍मा फाङ्‌जङ् ले़प्‍माङ् पेगिगे़॥ खे़न् एगाङ् कादेस-बर्ने लाजेॽओ के़रिगे़॥

साम्‌योथिम् इङ् 1:23

कन् पाःन्‍निन् आङ्‌गाॽ आलागि नुबा चोगे़॥ हे़क्‍क्‍याङ् आङ्‌गाॽ के़रे़क् थाःक्‍कोलाम् थिक्‍थिक् के़रे़क्‍ले़ थिबोङ्‌ङाङ् ने़त्‍छि मनाहाॽ सेगुङ्‌सिङ्॥

खानिःत् 13:2

“खे़ने़ॽ कनान लाजेॽओ थोःम्‍जिबाहाॽ पाङ्‌घे़से़ॽ॥ आङ्‌गाॽ खे़न् लाजेन् इस्राइलिहाॽ पिरुङ्‌सिङ्‌ॽ॥ आप्‍फेक् आप्‍फेक् खुन्‍छिॽ थाःक्‍कोलाम् लाम्‍लोबा थिक्‍थिक् पाङ्‌घे़से़ॽ॥”

खानिःत् 13:4

खे़ङ्‌हाॽरे़ खुन्‍छिॽ मि ङ् हाबा कन्‍हाॽए वये़— रूबे़नरे़ कुधाःक्‍लाम् जक्‍कुररे़ कुस्‍सा सम्‍मुअ,

१ सामुए़ल 25:1

सामुए़ले़न् मासिङ्॥ हे़क्‍क्‍याङ् के़रे़क् इस्राइलिहाॽ मे़जुप्‍से़आङ् खुने़ॽ कुलागि मे़रिङ् मे़धक्‍ते़॥ हे़क्‍क्‍याङ् खे़ङ्‌हाॽरे़ आबाङे रामाबा कुहिम्‍मो मे़देॽरुआङ् मे़लुप्‍तु॥ हन्‍नाङ् दाउदे़न् पारानबा मुरे़क् खारे़क्‍पा ये़ःङ्‌घादे़न् यो थ्‍ये़॥

खानिःत् 10:12

सिनैबा मुरे़क् खारे़क् थेआङ् के़होःप्‍पादे़न्‍नोलाम् इस्राइलिहाॽ मे़धासिङ्‌ङाङ् वेॽ वेॽ ते़न्‍हाॽओ मे़बे, हे़क्‍क्‍याङ् पारानबा मुरे़क् खारे़क्‍पा थेआङ् के़होप्‍पादे़न्‍नो खाॽमिःत्ते़न् फन्‍छिङ्॥

खानिःत् 13:26

खे़ङ्‌हाॽ मे़नुःक्‍खे़आङ् पारानबा मुरे़क् खारे़क् थेआङ् के़होःप्‍पादे़न् कादेसओ मोसा, हारुन नु इस्राइलबा के़रे़क् सङ्‌जुम्‍भोओ मे़द्‌ये़, हे़क्‍क्‍याङ् काक् सङ्‌जुम्‍भोःन् के़रे़क् पाःन्‍हाॽ मे़जे़क्‍तुसि, खे़ब्‍याङ् खे़न् लाजेॽओबा सिङ्‌सेॽहाॽ खे़ङ्‌हाॽ ओःन्‍मे़धाक्‍तुसि॥

खानिःत् 34:17

“युक् चोःक्‍मारे़ लागि खिनिॽ लाजेॽ के़भःङ्‌बा के़बिबाहाॽरे़ खुन्‍छिॽ मिङ् हाबा कन्‍हाॽरो—निङ्‌वाॽफुसाम्‍बा एलाजार नु नुनरे़ कुस्‍सा यहोसु॥