कल्ले़चोगुल्ले़ खे़ङ्हाॽ मिस्रिहाॽरे़ खुन्छिॽ हुक्कोलाम् ताङ्से़ःप्मासिरे़ लागि नु मिस्र लाजेॽलाम् लःप्मासिआङ् लत्छा ताम्दाम्बा लाजेॽओ के़प्मासिरे़ लागि आङ्गाॽ थ्याङ्ङाङ् वाॽआ॥ खे़न् लाजेन् पित्नु नु सक्वाघु के़गुङ्बा चोक्, खे़प्मो आल्लो कनानि, हित्ति, एमोरि, परिज्जि हिब्बि नु यबुसिहाॽ मे़युङ्ॽ॥
खानिःत् 13:27 - लिम्बु27 खे़ङ्हाॽरे़ मोसान् अक्खे मे़मे़त्तु, “खे़ने़ॽ याप्मि के़बाङ्घे़बादे़न्नो आनिगे के़रिगे़॥ से़क्खाए खे़न् लाजेॽओ पित्नु नु सक्वाघु कुङ्लत्छ, हे़क्क्याङ् खे़प्मो के़धोःक्पा सिङ्सेॽहाॽ हाबा कन्लो॥ Gade chapit la |
खानिःत् 13:27
22 Referans Kwoze
कन्हाॽरे़ खुन्छिॽ पाधे़बाहाॽ आङ्गाॽ माङ्हे़क् चोगुङ्सिङ्ङाङ् पिमासि माङ्हुप् चोगुङ्बा पित्नु नु सक्वाघु के़गुङ्बा लाजेॽओ आङ्गाॽ खे़ङ्हाॽ के़त्तुङ्सिङ्ङाङ् एगाङ्, खे़ङ्हाॽरे़ मे़ज मे़धुङुॽ हे़क्क्याङ् वेॽ माङ्हाॽ ले़प्माङ् मे़लाःत्ताङ् कन्हाॽ से़वा मे़मे़त्तुसिॽ, हे़क्क्याङ् आङ्गाॽ मे़नाॽआयाङ् आङ्गाॽ चोगुङ्बा माङ्हुप्पिन् मे़भेःन्दुॽ॥
इस्राइलिसे खे़प्से़म्मे़ॽ, कन्हाॽ के़रे़क् इःप्मा नाःप्मारे़ लागि सिङ्सिङ् ये़क्ये़क् लॽरे़म्मे़ॽ, खे़ब्याङ् खिनिॽ के़नुरि के़दासिर, हे़क्क्याङ् यहवे दाङ्बा खिनिॽ पाधे़बाहाॽरे़ खुनिॽ निङ्वाॽफुमाङ्ङिल्ले़ खिनिॽनु माङ्हुप् चोगुबा कुइसिक् पित्नु नु सक्वाघु के़गुङ्बा लाजेॽओ खिनिॽ यरिक् के़बोःन्दि के़धे़ॽरिॽआङ्लो॥
कर मुरे़क् खारे़क् थेआङ् के़होप्पा एःक्सादे़न्नो आङ्गाॽ खे़ङ्हाॽरे़ खुन्छिॽ तक्ले़ङ्वाओ के़प्माए के़बोङ्बा माङ्हे़क् थिक् चोगुङ्॥ आङ्गाॽ खे़ङ्हाॽ पिरुङ्सिङ्ङाङ् ने़स्से़बा इक्सादिङ् खाम्बेःक्मोबा के़रे़क्नुःल्ले़ चाॽरिक् नुबा ते़न्, पित्नु नु सक्वाघु के़गुङ्बा लाजेॽओ खे़ङ्हाॽ मे़भे़त्तुङ्सिङ्ङिन् फाॽआङ् आङ्गाॽ माङ्हे़क् चोगुङ्॥
आङ्गाॽ खे़ङ्हाॽरे़ लागि खोसुङ्बा नु कोःम्भो चोगुङ्ङाङ् ने़स्से़बा, के़रे़क् आत्तिन् लाजेॽहाॽनुःल्ले़आङ् साॽरिक् नुबा, पित्नु नु सक्वाघु के़गुङ्बा, लत्छा नुबा लाजेॽओ आङ्गाॽ मिस्रलाम् खिनिॽ लःत्निङ् फे़त्निङ्ॽ मे़त्तुङ्सिङ्ङाङ् खे़ल्ले़ याःन्दिक् आङ्गाॽ लत्छा माङ्हे़क् थिक् चोगुङ्ङाङ् वये़॥
इस्राइलिहाॽरे़ यहवे दाङ्बे़ल्ले़ कुइङ्जाङ्ङिन् मे़न्इःत्तुन् मे़न्नाःत्तुम्बाल्ले़ चोगुल्ले़ मिस्रलाम् के़लःम्बा के़भे़म्बा के़रे़क् मनाहाॽ, इग्र थक्सुबा पोङ्मा के़लाॽबाहाॽ मे़म्मे़क्के थारिक् खे़ङ्हाॽ मुरे़क् खारे़क् थेआङ् के़होप्पादे़न्नो लिबोङ् तङ्बे खाराक् लाङ्मे़घेगे़आङ् मे़वये़॥ थेआङ्भे़ल्ले़ खे़ङ्हाॽरे़ खुन्छिॽ पाधे़बाहाॽ पिनिङ् मे़त्तुसिआङ् माङ्हुप् चोगुबा पित्नु नु सक्वाघु के़गुङ्बा लाजेन् खे़ङ्हाॽरे़ निमा मे़ङ्घोसुन्ॽ फाॽआङ् खुन्छिॽनु यहवे दाङ्बे़ल्ले़ माङ्हे़क् चोगुआङ् वये़॥
के़मनाहाॽरे़ लुङ्धाक्किल्ले़ कब्रिङ् कबुबा ये़क्यक्हाॽ, चा के़नुॽबा खाम्बेःक्मान् नु याङ्साकुन्धेरे़ सधे़क् के़दिम्बा हिम्हाॽ, मे़दयुआङ् के़ने़बा वबाक्, पे़ःङ्वालिःत्छेॽ नु वेॽ सिङ्सेॽ पुङ्हाॽरे़ कुले़ःम् के़दिम्बा सिङ्सेॽ इक्ताप्हाॽ, हे़क्क्याङ् चे़ल्ले़क्सेॽ इक्ताप्हाॽ खुनिॽ हुक्को मे़धासुरो॥ खाघा मे़जआङ् खे़ङ्हाॽ मे़मे़ॽरे़रो, खे़ने़ॽ के़रे़क् पाःन्नो के़नुॽबा के़जोःक्पाल्ले़ चोगुल्ले़ खे़ङ्हाॽ ये़ये़ मे़लॽरे़रो॥
Piblisite