खानिःत् 13:26 - लिम्‍बु

²⁶ खे़ङ्‌हाॽ मे़नुःक्‍खे़आङ् पारानबा मुरे़क् खारे़क् थेआङ् के़होःप्‍पादे़न् कादेसओ मोसा, हारुन नु इस्राइलबा के़रे़क् सङ्‌जुम्‍भोओ मे़द्‌ये़, हे़क्‍क्‍याङ् काक् सङ्‌जुम्‍भोःन् के़रे़क् पाःन्‍हाॽ मे़जे़क्‍तुसि, खे़ब्‍याङ् खे़न् लाजेॽओबा सिङ्‌सेॽहाॽ खे़ङ्‌हाॽ ओःन्‍मे़धाक्‍तुसि॥

खानिःत् 13:26 Referans Kwoze

खानिःत् 32:8

कादेस-बर्नेलाम् आङ्‌गाॽ खिनिॽ सुधे़बा थाःक्‍थे़बाहाॽ कन् लाजेन् थोःम्‍से़ पाङ्‌घुङ्‌सिङ्‌ङिल्‍ले़ खिनिॽ सुधे़बा थाःक्‍थे़बाहाॽ हाबा अक्‍खेए मे़जोगुआङ् मे़वये़॥

खानिःत् 20:1

इस्राइलिहाॽरे़ खुन्‍छिॽ के़रे़क् सङ्‌जुम्‍भोःन् थिक्‍सिगेक्‍पा लाओ जिनबा मुरे़क् खारे़क् थेआङ् के़होप्‍पादे़न्‍नो मे़गे़रे़, हे़क्‍क्‍याङ् कादेसओ याङ्‌मे़धोःक्‍ते़॥ खम्‍भ्‍याङ् मिरियम्‍मिन् आम्‍भा खे़प्‍मो मासिङ्, हे़क्‍क्‍याङ् खे़ङ्‌हाॽरे़ खुने़ॽ आम्‍भा खे़प्‍मो मे़लुप्‍तु॥

साम्‌योथिम् इङ् 1:19

खे़न् एगाङ् यहवे दाङ्‌बा निङ्‌वाॽफुमाङ्‌ङिल्‍ले़ कुइङ्‌जाङ् कुइसिक् होरेबलाम् लाङ्‌घेगिगे़ हे़क्‍क्‍याङ् खे़ने़ॽ के़निसुबा खे़न् पयम् यम्‍बा नु किप्‍मा पघुगे़घुबा मुरे़क् खारे़क् थेआङ् के़होःप्‍पादे़न्‍लाम् पोःक्‍खिगे़आङ् एमोरिहाॽ मे़युङ्‌बा कोःक्‍मा फाङ्‌जङ् ले़प्‍माङ् पेगिगे़॥ खे़न् एगाङ् कादेस-बर्ने लाजेॽओ के़रिगे़॥

खानिःत् 33:36

खे़ङ्‌हाॽ एस्‍योन-गेबेरलाम् लाङ्‌मे़घेगे़आङ् जिनबा मुरे़क् खारे़क् थेआङ् के़होप्‍पादे़न्‍नो के़ने़बा कादेसओ याङ्‌मे़धोःक्‍ते़॥

खानिःत् 20:16

कर यहवे दाङ्‌बान् आनिगे पेलि फाक्‍तुम्‍बे़, खे़ब्‍याङ् खुने़ॽ आनिगे पेलिन् खे़प्‍सु, खम्‍भ्‍याङ् खुने़ॽ माङ्‌लाइङ्‌बा थिक् पाङ्‌घुआङ् मिस्रलाम् आनिगे लःत्ति फे़त्तिगे़॥ “आनिगे आल्‍लो खे़ने़ॽ के़लाजेॽ इःन्‍दोओ के़ने़बा कादेस ये़क्‌यक्‍को वयिगे़॥

यहोसु 14:6

खे़ब्‍याङ् यहुदाबा मनाहाॽ गिलगालओ यहोसुओ मे़द्‌ये़, हे़क्‍क्‍याङ् कनज्‍जि यपुन्‍नेरे़ कुस्‍सा कालेबरे़ खुने़ॽ मे़त्तु, “कादेस-बर्नेओ खे़ने़ॽ नु आङ्‌गाॽ आयाःम्‍बेओ निङ्‌वाॽफुमाङ्‌ङिल्‍ले़ कुमना मोसान् यहवे दाङ्‌बे़ल्‍ले़ मे़त्तुबा पाःन्‍निन् खे़ने़ॽ निङ्‌वाॽ के़घोसुआङ्‌ङे वाॽ॥

तोलिङ्‌सोमु 14:7

खे़ब्‍याङ् खे़ङ्‌हाॽ मे़नुःक्‍खे़आङ् एनमिस्‍पातो (कादेस) मे़बेआङ् अमाले़किहाॽरे़ खुनिॽ के़रे़क् लाजेॽहाॽ नु हासेसोन् तामारओ के़युङ्‌बा एमोरिहाॽआङ् मे़नाःन्‍दुसि॥

खानिःत् 13:25

लिबोङ् ये़न् के़रे़बा कुनुप्‍मो खे़न् लाजेन् मे़धोःप्‍सु मे़सुरुआङ् खे़ङ्‌हाॽ मे़नुःक्‍खे़॥

खानिःत् 20:14

मोसाःल्‍ले़ कादेसलाम् इङ्‌साबाहाॽ अक्‍खे मे़त्तुसिआङ् एदोमबा हाङ्‌ङिन् इङ्‌घङ् हाक्‍तुरो, “खे़ने़ॽ के़गाॽइ इस्राइलबा मनाहाॽरे़ अक्‍खे मे़बाःत्तुॽ, आनिगे तुमुम्‍बे़बा तुक्‍खे़ःन् खे़ने़ॽ के़निसुआङ् वाॽ॥

साम्‌योथिम् इङ् 1:2

(सेइर कोःक्‍मा फाङ्‌जङ् पोङ्‌माआङ् होरेबलाम् कादेस-बर्ने थारिक् पेःक्‍मा थिबोङ्‌ङाङ् थिक्‌यान् थरुॽ)॥

निङ्‌वाॽफु साम्‍लोसुम् 29:8

यहवे दाङ्‌बे़ल्‍ले़ कुइक्‍लाःल्‍ले़ मुरे़क् खारे़क्‍पा ये़ःङ्‌घादे़न्‍निन् यक्‍खुरो, यहवे दाङ्‌बे़ल्‍ले़ कादेस लाजेॽबा मुरे़क् खारे़क् थेआङ् के़होप्‍पा ये़ःङ्‌घादे़न्‍निन् यक्‍खुरो॥

खानिःत् 13:3

कल्‍ले़चोगुल्‍ले़ यहवे दाङ्‌बे़ल्‍ले़ कुइङ्‌जाङ् कुइसिक् पारानबा मुरे़क् खारे़क् थेआङ् के़होःप्‍पादे़न्‍नोलाम् मोसाःल्‍ले़ खे़ङ्‌हाॽ पाङ्‌घुदेसुसि॥ खे़ङ्‌हाॽ के़रे़क् इस्राइलिहाॽरे़ खुन्‍छिॽ लाम्‍लोबा मे़वये़॥

खानिःत् 32:9

आल्‍ल खे़ङ्‌हाॽ एस्‍कोलबा ने़ने़बादे़न्‍नो मे़बेआङ् कन् लाजेन् मे़निसु, खे़ब्‍याङ् यहवे दाङ्‌बे़ल्‍ले़ इस्राइलिहाॽ पिरुसिबा लाजेॽओ खे़ङ्‌हाॽ मे़म्‍बेःक्‍ने़न्‍ल फाॽआङ् खुन्‍छिॽ निङ्‌वाॽ पङे़र मे़याःन्‍दु मे़बिरुसिआङ् वये़॥

यहोसु 14:7

यहवे दाङ्‌बे़ल्‍ले़ कुसे़वारोबा मोसाःल्‍ले़ कादेस-बर्नेलाम् कन् लाजेन् थोःम्‍मारे़ लागि पाङ्‌घाङ्‌ङिल्‍ले़ आङ्‌गाॽ तङ्‌बे लिबोङ् के़राङ्‌ङाङ् वयाङ्, हे़क्‍क्‍याङ् आङ्‌गाॽ कुसिङ् निःत्तुङ्‌बा कुइसिक् इङ्‌घङ् फे़त्तुङ्‌ङाङ् खुने़ॽ मे़त्तुङ्॥