खानिःत् 13:22 - लिम्‍बु

²² खे़ङ्‌हाॽ नेगेबलाम् मे़धोःक्‍सिङ्‌ङाङ् हे़ब्रानओ मे़गे़रे़, खे़प्‍मो अनाकरे़ कुमुॽइदाङ्‌सा अहिमन, सेसै नु तल्‍मैन् मे़युङे़॥ हे़ब्रोने़ङ्‌ग मिस्रबा सोअन ये़क्‌यक्‍के़न्‍नुःल्‍ले़ तङ्‌बे नुसि तगि चुक्‍ते़चुरे़आङ् ने़स्‍से़॥

खानिःत् 13:22 Referans Kwoze

निङ्‌वाॽफु साम्‍लोसुम् 78:43

मिस्र लाजेॽओ खुने़ॽ किप्‍मा के़घुबा मिक्‍सेःन्‍हाॽ ओःन्‍धाक्‍तुसिबान् निङ्‌वाॽ मे़भेःत्‍छुरो, हे़क्‍क्‍याङ् सोअन ते़म्‍बेॽओ खुने़ॽ निङ्‌वाॽरे़ मे़न्‍धाप्‍मनाबा याःम्‍बक्‍हाॽ चोगुरो॥

निङ्‌वाॽफु साम्‍लोसुम् 78:12

खे़ङ्‌हाॽरे़ खुनिॽ पाधे़बाहाॽरे़ ओमे़मे़त्तुआङ् मे़बत्‍छे़र खुने़ॽ मिस्र लाजेॽओ नु सोअन ते़म्‍बेॽओ ने़हिनिङ्‌वाॽरे़ मे़न्‍धाप्‍मनाबा याःम्‍बक्‍हाॽ चोगुरो॥

यसैया 19:11

सोअनबा युक्‍साबाहाॽ चाॽरिक् अदङ् मे़जोक्‍लो! मिस्र लाजेॽबा फारो हाङ्‌ङिल्‍ले़ सिक्‍कुम्‍साबा कुसुजादाङ्‌बाहाॽरे़ कुसुम् मे़न्‍दम्‍मनाबा पान् मे़बाःत्तुरो॥ खिनिॽ आक्‍खेलॽरिक् फारो हाङ्‌ङिन् अक्‍खे के़मे़त्तुम्‍बे, “थे सिक्‍कुम्‍साबाहाॽओ आङ्‌गाॽआङ् लत्‍छाआ मेःम्‍बि? हे़क्‍क्‍याङ् उन्‍छोन् उनाहुरिबा हाङ्‌हाॽरे़ खुन्‍छिॽ हुॽसाम्‍बाआ मेःम्‍बि?”

यसैया 30:4

हे़क्‍केसाङ् खे़ङ्‌हाॽरे़ खुन्‍छिॽ सुहाङ्‌युक्‍पाहाॽ मिस्रबा ये़क्‌यक् सोअनओ मे़वाॽरो, हे़क्‍क्‍याङ् खे़ङ्‌हाॽरे़ खुन्‍छिॽ हाङ्‌लाइङ्‌लाबाहाॽ हानेसओ मे़द्‌ये़आङ् मे़वाॽरो,

खासे़न्‍लोःम्‍बा 1:10

खे़ङ्‌हाॽरे़ हेब्रोन के़युङ्‌बा कनानिहाॽ मे़भत्तुसि, हे़क्‍क्‍याङ् सेसै, अहिमन नु तल्‍मैन् मे़नाःन्‍दु॥ (हेब्रोनरे़ तगिबा कुमिङ् किर्यत-अर्बा ने़स्‍से़रो॥)

यसैया 19:13

सोअन ये़क्‌यक्‍कोबा युक्‍साबाहाॽ अदङ् मे़बोःक्‍खे़आङ् मे़वाॽरो॥ हे़क्‍क्‍याङ् मेम्‍फिसबा ये़क्‌यक्‍कोबा सुहाङ्‌युक्‍पाहाॽ इङ्‌ले़क्‍को मे़ध्‍ये़आङ् मे़वाॽरो॥ खे़न् के़रे़क् मनाहाॽ हाङ्‌जुम्‍मोबा लाम्‍लोबासिरो, कर खे़ङ्‌हाॽरे़ मिस्र लाजेॽओबा खुन्‍छिॽ मनाहाॽ ताप्‍फे़ःम्‍बा सुजा मे़बिरुसिआङ् वाॽरो॥

२ सामुए़ल 2:11

हे़क्‍क्‍याङ् हे़ब्रोन्‍नो यहुदा सुवाङ् सम्‍धाङ् दाउदरे़ तङ्‌बेॽ नुसिआङ् कुभ्रे़ःङ् थारिक् हाङ्‌युक् चोगुरो॥

२ सामुए़ल 2:1

कन् एगाङ् दाउदरे़ यहवे दाङ्‌बे़न् अक्‍खे मे़त्तु, “आङ्‌गाॽ यहुदाबा लत्‍छा ये़क्‌यक्‍को पेःक्‍काबि?” हे़क्‍क्‍याङ् यहवे दाङ्‌बे़ल्‍ले़ मे़त्तु, “थो पेगे़ॽ॥” दाउदरे़ याम्‍मो सेःन्‍दोसु, “आत्तिन् ये़क्‌यक्‍को पेःक्‍काबे?” यहवे दाङ्‌बे़ल्‍ले़ याम्‍मो नोगप् पिरु, “थो हे़ब्रोन्‍नो पेगे़ॽ॥”

यहोसु 21:13

निङ्‌वाॽफुसाम्‍बा हारुनरे़ कुमुॽइदाङ्‌साहाॽ, मना के़से़प्‍पे़ल्‍ले़ कुलागि से़ःप्‍सिमाङ्‌दे़न् निःन्‍धो के़बोङ्‌बा हेब्रोन ये़क्‌यक्‍किन्, खे़प्‍मोबा थक्‍सा चाराम्‍मादे़न्‍हाॽनु सोसोरिक्, हे़क्‍क्‍याङ् लिब्‍ना,

खानिःत् 13:33

खे़प्‍मो आनिगे नेफिलिम होरुहाॽ निसुम्‍सिम्‍बे़, खे़ङ्‌हाॽग अनाकरे़ कुधिन्‍दाङ् सायोबोरासिरे़त्‍छ॥ खे़ङ्‌हाॽरे़ खुन्‍छिॽ पेसाङ् आनिगे आप्‍फेक्‍क प्‍याःत् हे़क्‍तङ्‌बा निआसिगे़॥ खे़ङ्‌हाॽरे़ आनिगे मे़निसिगे़ल्‍ले़ हे़क्‍तङ्‌बाए निधाबिगे़रो॥”

खानिःत् 13:17

मोसाःल्‍ले़ खे़ङ्‌हाॽ कनान लाजेन् थोःम्‍मारे़ लागि पाङ्‌घुसिआङ् खुने़ॽ खे़ङ्‌हाॽ अक्‍खे मे़त्तुसि, “खिनिॽ कप्‍मोलाम् थाआसिम्‍मे़ॽआङ् नेगेव मे़प्‍मनाबा लाङ्‌गे़त् ले़प्‍माङ्‌बा ते़ङ्‌गप्‍पोलाम् कोःक्‍मा पिसाङ् पेगे़म्‍मे़ॽ,

तोलिङ्‌सोमु 23:2

सारान् कनान लाजेॽबा किर्यत-अर्बाओ स्‍ये़ (खे़न् ते़न्‍निन् हे़ब्रोःन्‍नाङ् मे़मे़त्तुॽ)॥ हे़क्‍क्‍याङ् अब्राहाम्‍मे़ल्‍ले़ सारान् मे़रिङ् थक्‍तु हे़क्‍क्‍याङ् हाःप्‍तु॥

तोलिङ्‌सोमु 13:18

खे़ब्‍याङ् अब्राम्‍मिल्‍ले़ कुसाःङ्‌गा हिम्‍मिन् चत्तु, हे़क्‍क्‍याङ् मम्रेबा यहिबासिङ्‌हाॽरे़ कुबेसाङ्‌बा हे़ब्रोन्‍नो युङ्‌से़ पे॥ खे़प्‍मो खुने़ॽ यहवे दाङ्‌बाल्‍ले़ कुलागि लत्‍छा ले़त्ति तोःन्‍मादे़न् थिक् चोगु॥

खानिःत् 13:28

कर खे़प्‍मो के़युङ्‌बा मनाहाॽ साॽरिक् के़धुम्‍बा मे़जोःक्‍लत्‍छ खम्‍भ्‍याङ् ये़क्‌यक्‍हाॽ लुङ्‌धाक्‍किल्‍ले़ कब्रिङ् मे़भाक्‍तुबा नु चाॽरिक् यम्बयम्‍बा नेरत्‍छ॥ खे़न्‍नुःल्‍ले़ वेॽ आनिगे खे़प्‍मो अनाकरे़ कुस्‍साहाॽआङ् निसुम्‍सिम्‍बे़॥

साम्‌योथिम् इङ् 9:2

खे़प्‍मोबा मनाहाॽग अनाकिसिरो, खे़ङ्‌हाॽरे़ खुनिॽ याःम्‍बेओ खिनिॽ के़घे़प्‍सुम्‍माङ् के़वयिॽ॥ खे़ङ्‌हाॽ के़धुम्‍बा नु केःम्‍ब केःम्‍बा मे़जोक्॥ खिनिॽ अक्‍तङ्‌बा पान् के़घे़प्‍सुम्‍माङ् वाॽ, “अनाकिहाॽरे़ खुन्‍छिॽ पेसाङ् हात् ये़प्‍मा सुक्‍पे?”

यहोसु 10:36

खे़ब्‍याङ् यहोसुन् के़रे़क् इस्राइलिहाॽनु सोरिक् एग्‍लोनलाम् थो थोःक्‍सिङ्‌ङाङ् हेब्रोनओ पे, हे़क्‍क्‍याङ् खे़ङ्‌हाॽरे़ खे़न् ये़क्‌यक्‍किन् थङ्‌ङो मे़भत्तु॥

१ सामुए़ल 30:31

हे़ब्रोन्‍नो, हे़क्‍क्‍याङ् दाउदे़न् नु कुमनाहाॽ आत्ता आत्ता लाम्‍दिक् मे़जोगे़आङ् मे़वये़ खे़न् के़रे़क् ते़न्‍हाॽओबा मनाहाॽ खे़न् सुङ्‌हाॽ हाक्‍तुसिरो॥

२ सामुए़ल 21:16

हे़क्‍क्‍याङ् रफारे़ कुमुॽइदाङ्‌साहाॽओ लत्‍छा इस्‍वि बनोब मे़प्‍मनाबाधिक् वये़, खे़ल्‍ले़ किप् सुम्‍सि सेकेल यारिक् के़लिःप्‍पा लाःक् कत्तु, खे़ल्‍ले़ ताभेन् हेसुआङ् पत्‍छे़, खे़ल्‍ले़ दाउदे़न् से़रुङ् पाःत्तुआङ् वये़॥