खानिःत् 12:14 - लिम्बु14 खे़ब्याङ् यहवे दाङ्बे़ल्ले़ मोसान् मे़त्तु, “खे़न् खुने़ॽ कुम्बारे़ कुनाराओ थ्याःत् थोःक्तुबा हे़क्केःल्ले़, थे खे़न् ये़त्नाम् थारिक् कुना मे़ध्ये़ने़म्बाबि? खे़न् ये़त्नाम् थारिक् साःङ्गाहिम्हाॽलाम् लाःक्कात् साक्ते़ युक्खे़ॽ, खे़न् एगाङ्लक् खुने़ॽ सिगाङ् तारे़ॽ॥” Gade chapit la |
खानिःत् 12:14
13 Referans Kwoze
“खे़न् सुत्थो पोङ्मा के़बोङ्बे़ल्ले़ खुने़ॽ कुजाङ्ङिन् वाहप्तुर, हे़क्क्याङ् के़रे़क् कुधे़गेक् इःन् लिगोॽ नःक्खुआङ् वारुःम्सिङ्ल, हे़क्क्याङ् खुने़ॽ सुत्थो पोङ्ॽ॥ खे़न् एगाङ् खुने़ॽ साःङ्गाहिम्हाॽओ पेःक्ल, कर नुसि ये़न् थारिक् खुने़ॽ कुसाःङ्गाहिम्मोलाम् लाःक्कात्ते युङ्मा पोङ्ॽ॥
यहवे दाङ्बे़ल्ले़ हाङ्ङिन् सिमालिङ्दो के़रे़र यारिक् आलिःक्लिःक्पा होरिक्पा तुक्मे़ल्ले़ कुहिङ्हिङ् थारिक् तरुर याःन्दु, हे़क्क्याङ् खुने़ॽ हिम् लाःत्लाःत् एःक् युङे़गरे़॥ हाङ्ङिल्ले़ कुस्सा योतामे़ल्ले़ए हाङ्हिम्मिन् ओमे़प्मा याःम्बक् चोगुआङ् वये़ हे़क्क्याङ् लाजेॽओबा मनाहाॽ सम्धाङ् युक् चोगु॥
कर खे़न् कुयोःक्किन् होरिक्पो फदाङ्बा चोःक्ने़भग्र, हे़क्क्याङ् ओमे़प्मे़ल्ले़ खे़न् होरिक्पो मुमुक् सिगाङ् थारिक् निमे़दे़त्ते़न्ने़भग्र, खे़ब्याङ् खे़प्मो के़लिङ्बा मुरिक्किन्नाङ् फदाङ्बा मे़म्बोङ्ङे युङ्ने़भग्र, निङ्वाॽफुसाम्बे़ल्ले़ खे़न् के़दुक्पे़न् नुसि ये़न् थारिक् लाःत्लाःत् युक्खुर॥
Piblisite