खानिःत् 12:13 - लिम्बु13 खे़ब्याङ् मोसाःल्ले़ अक्खे पाःत्तुआङ् यहवे दाङ्बान् पेलि फाक्तु, “यहवे दाङ्बाए, आङ्गाॽ चुङ्जिगे़न् नःम्नःम्माङ् पेलि फाक्ने़! खे़न् वेःन्देॽओ॥” Gade chapit la |
खानिःत् 12:13
23 Referans Kwoze
खे़न्नुःल्ले़ वेॽ यहवे दाङ्बे़ल्ले़ आबाङे कुमनाहाॽरे़ खुन्छिॽ याङ्घेःक्हाॽ इभुत्तु पिरुसि, हे़क्क्याङ् खुने़ॽ खाःन्दुसिबा खे़ङ्हाॽरे़ खुन्छिॽ याङ्घेःक्हाॽ वेःत्ल याःन्दु खे़न् ये़न्नो लाबे़न् नाम् कुसिङ् ओःत् हे़क्क्याङ् नाम्मिन् वेॽ ये़न्नुःल्ले़ नुसिले़ङ् यारिक् साॽरिक् ओःत्लो॥
“आङ्गाॽ सावले़न् हाङ् चोगुङ्बाओ साॽरिक् आनिङ्वाॽ तुगे़आङ् वाॽ, थेआङ्भे़ल्ले़ खुने़ॽ आङ्गाॽलाम् नुःक्खे़बेआङ् वाॽ, हे़क्क्याङ् खे़ल्ले़ आङ्गाॽ आइङ्जाङ्ङिन्नाङ् इःप्मा नाःप्मा ते़न्दिङ् मे़जोगुन्लो॥” कन् पाःन्निल्ले़ चोगुल्ले़ सामुए़लरे़ कुनिङ्वाॽ पङे़, हे़क्क्याङ् से़न्दिक् नाम्दाःत्तात् यहवे दाङ्बान् पेलि फाक्तु॥
हे़क्क्याङ् खुने़ॽ पाःत्तु, “यहवे दाङ्बा खिनिॽ आबाङे निङ्वाॽफुमाङ्ङिल्ले़ कुबाःन्निन् ये़क्ये़क्काङ् के़घे़प्सुम्, खुने़ॽ कुनिमो आत्तिन् पाःन्निन् कुदोःप्मा चोक् खे़न् के़जोगुम्, हे़क्क्याङ् खुने़ॽ कुइङ्जाङ्हाॽ निङ्वाॽ के़बिरुम्, खे़ब्याङ् खुने़ॽ कुधिम्हाॽ इःप्मा नाःप्मा के़दे़न्दिने़भग्र, आङ्गाॽ मिस्रिहाॽरे़ खुनिॽ सम्धाङ् तारुङ्बा तुक्मा लाःक्माहाॽ खिनिॽ सम्धाङ् लत्छाआङ् मे़दाःत्तान्, थेआङ्भे़ल्ले़ खिनिॽ के़वेःम्बा आङ्गाॽ यहवे दाङ्बाआरो॥”
खे़ब्याङ् हाङ्ङिल्ले़ निङ्वाॽफुमाङ्ङिल्ले़ कुमनान् मे़त्तु, “आङ्गाॽ आहुक्किन् तगि कुइसिःक्सिःक् चोःक्मारे़ लागि यहवे दाङ्बा खे़ने़ॽ के़निङ्वाॽफुमाङ्ङिन् पेलि फाक्ताङ् पिराङ्ङे़ॽ॥” कल्ले़चोगुल्ले़ खे़ल्ले़ निङ्वाॽ चोगुबा कुइसिःक्के निङ्वाॽफुमाङ्ङिल्ले़ कुमनाःल्ले़ यहवे दाङ्बे़न् पेलि फाक्तु, हे़क्क्याङ् हाङ्ङिल्ले़ कुहुक्किन् तगि हे़क्केए कुइसिःक्सिःक् पोःक्खे़॥
Piblisite