9 साःङ्गाहिम्हाॽओ से़न्दिक् सेःक्वा थ्ये़ःल्ले़ मन्नःन्नाङ् सोरिक् थासु॥
खे़ङ्हाॽरे़ सा चामा मे़नाःक्तुल्ले़ उःत्लुङ्घे मुःत्लुङ्गे पुहाॽ पिरुसिरो, साङ्ग्राम्पेदाङ्बा खरे़ःङ्ङिल्ले़ खे़ङ्हाॽ खाःत्तुसिरो॥
आङ्गाॽ आनिसाम्मिन् वहित् हे़क्के थाररो, आङ्गाॽ आबाःन्जाःक्हाॽ हिःक्वा कुइसिक् चुक्लरो, कुनःक् यान् सम्धाङ् वागेःक् हे़क्के थाररो, सिङ्लिङ् सम्धाङ् ते़त्ते़त् के़लॽबा च्वाःत् हे़क्के लॽररो॥
मनाहाॽ मे़बेआङ् खे़न् मे़भुक्खु, लुङ्सुम्मो मे़युःत्तुआङ् इग्र सुम्बाङ्ङो मे़हागु, हे़क्क्याङ् खप्प्याओ मे़धोःक्तुआङ् हाःक्वा मे़जोगु॥ खे़न् चैतुन निःङ्गेॽओ थोःक्मनाबा कुजा हे़क्के कुजानुरे़॥
खुन्छिॽ आप्फेक् आप्फेक् साःङ्गाहिम्मोबा लाम्धेःप्पो मे़ये़म्सिङ्ङाङ् के़रे़क् हिम्सयङ्बा मनाहाॽ मे़हाबे़बा मोसाःल्ले़ खे़प्सु॥ यहवे दाङ्बान् साॽरिक् कुसिक् पोगे़, हे़क्क्याङ् मोसान् निङ्वाॽ तुक्मो थ्ये़॥