खानिःत् 11:31 - लिम्‍बु

³¹ आल्‍ल यहवे दाङ्‌बे़ल्‍ले़ फोःक्‍खु फे़न्‍छुबा सुरित् केजङ्‌ङिल्‍ले़ वरःङ्‌ङोलाम् मुःत्‍लुङ्‌गेॽ पुहाॽ फे़सु तारुसि, हे़क्‍क्‍याङ् साःङ्‌गाहिम् कब्रिङ् पिसाङ् थिक्‌यान् थारिक्‍पा लाम् कुले़ःम् खाम्‍बाङ्‌ङो हुक्‍सिक् ने़त्‍छि यारिक् कुसे़त् कुसे़त् खे़ङ्‌हाॽ मे़युङ्‌सिङ्॥

खानिःत् 11:31 Referans Kwoze

लाम्‍दिक् 16:13

खे़ब्‍याङ् युःन्‍धो मुःत्‍लुङ्‌गेॽ पुहाॽ हुरुरु मे़द्‌ये़आङ् साःङ्‌गाहिम्‍हाॽ सधे़क् मे़धिम्‍सु, हे़क्‍क्‍याङ् तानाम् साःङ्‌गाहिम्‍हाॽ के़रे़क् पिसाङ् हिःक्‌वा थासुआङ् ने़स्‍से़॥

निङ्‌वाॽफु साम्‍लोसुम् 105:40

खे़ङ्‌हाॽरे़ सा चामा मे़नाःक्‍तुल्‍ले़ उःत्‍लुङ्‌घे मुःत्‍लुङ्‌गे पुहाॽ पिरुसिरो, साङ्‌ग्राम्‍पेदाङ्‌बा खरे़ःङ्‌ङिल्‍ले़ खे़ङ्‌हाॽ खाःत्तुसिरो॥

निङ्‌वाॽफु साम्‍लोसुम् 135:7

खुने़ॽ इक्‍सादिङ् खाम्‍बेःक्‍माल्‍ले़ कुयाओलाम् खाॽमिःत्तिन् फोःक्‍खुरो॥ वहित् साम्‍मिःत् खइक् खइक् इक्‍सिङ्‌ल फाॽआङ् खुने़ॽ साःम्‍भे ले़क्‍ल याःन्‍दुरो, हे़क्‍क्‍याङ् सुरित् केजङ् युक्‍खुबादे़न्‍नोलाम् सुरित् केजङ् पाङ्‌घु तासुरो॥

लाम्‍दिक् 15:10

कर यहवे दाङ्‌बे, खे़ने़ॽ के़सक्‍माःल्‍ले़ के़मुःत्तुरो, हे़क्‍क्‍याङ् मिस्रिहाॽ वरःङ्‌ङो मे़हुमे़ मे़लासे़रो, किप्‍मा पघुगे़घुबा च्‍वाःत्तो खे़ङ्‌हाॽ माक्‍लुम्‍बा हे़क्‍के मे़निबे़ मे़लासे़रो॥

लाम्‍दिक् 10:19

यहवे दाङ्‌बे़ल्‍ले़ नाङ्‌गे़न् पिसाङ्‌लाम् के़भे़म्‍बा सुरित् केजङ्‌ङिन् खइक् खइक् के़इक्‍सिङ्‌बा नाम्‍धा पिसाङ्‌लाम् के़हुबा सुरित् चोगु हे़क्‍क्‍याङ् खे़न् सुरित् केजङ्‌ङिल्‍ले़ निःङ्‌घुक्‌वाहाॽ फे़सुसिआङ् हे़ःत्ताङ्‌बा वरःङ्‌ङो केःत्तुसि॥ मिस्र लाजेॽओ लत्‍छाआङ् निःङ्‌घुक्‌वा मे़न्‌याःक्‍ते़न्॥

लाम्‍दिक् 10:13

मोसाःल्‍ले़ कुदक्‍काःत्तिन् मिस्रओ फोःक्‍खु हे़क्‍क्‍याङ् यहवे दाङ्‌बे़ल्‍ले़ खे़ल्‍ले़ याःन्‍दिक् नाम्‍धाधा नु से़न्‍दिक् नाम्‍दाःत्तात् मिस्र लाजेॽओ नाङ्‌गे़न् ले़प्‍माङ्‌लाम् सुरित् केजङ् हुरे़र याःन्‍दु॥ कुदाःक्‍दिक्‍मा तानाम् खे़न् सुरित् केजङ्‌ङिल्‍ले़ निःङ्‌घुक्‌वाहाॽ तारुसि॥

खानिःत् 11:30

खे़ब्‍याङ् मोसान् नु इस्राइलबा साम्‌योसिक्‍साम्‍बाहाॽ साःङ्‌गाहिम्‍मो मे़नुःक्‍खे़रो॥

निङ्‌वाॽफु साम्‍लोसुम् 106:15

हे़क्‍केःल्‍ले़ खे़ङ्‌हाॽरे़ मे़नाःक्‍तुबा के़रे़क् पाःन्‍हाॽ पिरुसिरो, कर किप्‍मागे़घुबा तुक्‍मा लाःक्‍माहाॽआङ् पाङ्‌घु तासुरो॥