Biblia Todo Logo
Bib sou entènèt

- Piblisite -




खानिःत् 11:18 - लिम्‍बु

18 “खे़ने़ॽ मनाहाॽ मे़त्ते़से़ॽ—‘खिनिॽ सुत्‍थो चोःक्‍कासिम्‍मे़ॽ थेआङ्‌भे़ल्‍ले़ ताःन्‍दिक् सा चामा के़घोसुम्‌ॽ॥ खिनिॽ यहवे दाङ्‌बे़ल्‍ले़ कुने़क्‍खोॽओ अक्‍खे के़लॽरिआङ् के़हाबिआङ् के़वयिॽ, “आनिगे सा तम्‍मा खोसुम्‍बे़ल्‍ले़गमे़न् नुरे़बा वये़! आनिगे लागि मिस्र लाजेःन्‍ने नुबा चोगे़॥” आल्‍ल यहवे दाङ्‌बे़ल्‍ले़ खिनिॽ सा के़बिरिॽ, हे़क्‍क्‍याङ् खिनिॽ खे़न् के़जाम्‌ॽ॥

Gade chapit la Kopi




खानिःत् 11:18
16 Referans Kwoze  

यहवे दाङ्‌बे़ल्‍ले़ मोसान् मे़त्तु, “आङ्‌गाॽ माङ्‌से़वा मे़प्‍मारे़ लागि आइन् नु ताःन्‍दिक् मनाहाॽ आबाङे सुत्‍थो मे़जोक्‍सिङ्‌लो फाॽआङ् खे़ङ्‌हाॽ मे़त्ते़से़ॽ॥ खे़ङ्‌हाॽरे़ खुन्‍छिॽ तेःप्‍फुङ्‌हाॽ आबाङे मे़हप्‍तुर,


“कर आनिॽ सुधे़बाहाॽरे़ खुने़ॽ कुबाःन्‍निन् ते़न्‍दिङ् चोःक्‍मा मे़नाॽरुआङ् मोसाःन्‍नाङ् मे़नाॽरु, हे़क्‍क्‍याङ् मिस्रओ नुःङ्‌मा निङ्‌वाॽ मे़जोगुरो॥


कन् ये़म्‍मो यहवे दाङ्‌बे़ल्‍ले़ खे़प्‍सुर थारिक् खे़न् मनाहाॽ खुन्‍छिॽ तुक्‍खेःल्‍ले़ कुयाःम्‍बेओ मने़धिक्‍मा मे़हेःक्‍ते़॥ आल्‍ल यहवे दाङ्‌बे़ल्‍ले़ कन् खे़प्‍सु, खे़ब्‍याङ् खुने़ॽ कुसाक्‍के़न्‍निल्‍ले़ मि पोःक्‍खे़, हे़क्‍क्‍याङ् यहवे दाङ्‌बालाम् के़लःम्‍बा मिन् हाॽरुआङ् साःङ्‌गाहिम्‍हाॽरे़ कुया कुदिङ्‌हाॽ खाप्‍पुथ्‍यःङ् पोःक्‍खे़॥


हे़क्‍क्‍याङ् मनाहाॽ बेथेल मे़बेआङ् युःन्‍छिक् थारिक्‍के खे़प्‍मो निङ्‌वाॽफुमाङ्‌ङिल्‍ले़ कुदगि मे़युङे़, हे़क्‍क्‍याङ् साॽरिक् यम्‍बा इक्‍लाओ उःक्‍काङ् उःक् मे़हाबे़॥


“पोगे़ॽ! मनाहाॽ सेसेसाङ्‌साङ् चोगे़से़ॽ॥ खे़ङ्‌हाॽ ताःन्‍दिक्‍ले़ लागि आबाङे सुत्‍थो मे़जोक्‍सिङ्‌लो फाॽआङ् मे़त्ते़से़ॽ, थेआङ्‌भे़ल्‍ले़ इस्राइलबा यहवे दाङ्‌बा निङ्‌वाॽफुमाङ्‌ङिल्‍ले़ पाःत्तुॽ—‘इस्राइलिसे, खिनिॽ लुम्‍मो कुभा तोःम्‍मनाबा सामाहाॽ वाॽ॥ खिनिॽ लुम्‍मोलाम् खे़न् तोःम्‍नाबा सामाहाॽ लाप्‍मे़न्‍देए थारिक् खिनिॽ निङ्‌मिहाॽ नाःम्‍मा के़न्‍छुक्‍तुम्‍सिम्‍मिन्॥


खे़न् एगाङ् मोसाःल्‍ले़ खे़ङ्‌हाॽ मे़त्तुसि, “आत्‍छिन्‍दाःन् थारिक् खे़निॽ यारिप् युङे़म्‍मे़ॽ हे़क्‍क्‍याङ् खे़न्‍नुःल्‍ले़ तगि मे़न्‍छुमाहाॽनु मे़इप्‍से़म्‍मिन्‍ने़ॽ॥”


खे़ल्‍ले़चोगुल्‍ले़ याकुबरे़ कुहिम्‍सयङ् हे़क्‍क्‍याङ् खुने़ॽनु के़वाॽबाहाॽ के़रे़क् मे़त्तुसि, “खिनिॽ के़गत्तुम्‍सिम्‍बा मुरे़न्‍लाजेॽबा माङ्‌हाॽ लाप्‍फेसाम्‍सिम्‍मे़ॽ हे़क्‍क्‍याङ् आबाङे सेसेसाङ्‌साङ् चोःक्‍सिङ्‌ङाम्‍मे़ॽआङ् चाङ् ले़क्‍सिङाम्‍मे़ॽ॥


आङ्‌गाॽ आबेसाङ् के़दाबा निङ्‌वाॽफुसाम्‍बाहाॽआङ् आबाङे सुत्‍थो मे़जोक्‍सिङ्‌ल, मेःन्‍ने़भग्र आङ्‌गाॽ खे़ङ्‌हाॽ खिमो मे़क्‍खुङ्‌सिङ्‌ॽ॥”


थिक्‌यान् नियाःन्, लियान् ङासि ये़न्, थिबोङ् इग्र निबोङ् ये़न्‍लक् मेःन्,


खे़ल्‍ले़ खे़न् अमा लःप्‍मा निङ्‌वाॽ मे़जोगुन्‍लो, खे़ब्‍याङ् कुम्‍ब्राओ उम्‍सु युक्‍सुरो॥


खे़ल्‍ले़ इःत्तुबा हे़क्‍केए चआङ् वाॽनिरो! निङ्‌वाॽफुमाङ्‌ङिल्‍ले़ कुसिक् पोःक्‍मे़न् नु कुयाक्‍ले़ॽमान् खे़न् सम्‍धाङ् हुक्‍खुरो, खे़ल्‍ले़ कुसम्‍धाङ् मिदःत्ते़न् लुप्‍सुरो॥


खुने़ॽ याक्‍पेन् हिप्‍तुल्‍ले़ खे़प्‍मोलाम्‍बा फजङ्‌जङ् च्‍वाःत् पुन्‍दे़लःन्‍दे़रो, हे़क्‍क्‍याङ् खे़न् वहःङ् पोःक्‍खे़आङ् वगुसे़बेरो॥ कन् पाःन्‍निन् से़क्‍खाएरो, कर थे खुने़ॽ चामा थुङ्‌माआङ् पिमा आसुक्‍पि? कुमनाहाॽ सा चामा पिमा आसुक्‍पि?”


खे़न् एगाङ् याम्‍मो मोसाःल्‍ले़ पाःत्तु, “यहवे दाङ्‌बे़ल्‍ले़ए खिनिॽ युःन्‍छिक् सा नु तानाम् खिनिॽ चाहा के़जोगिबा यारिक् खरे़ःङ् के़बिरिॽ थेआङ्‌भे़ल्‍ले़ खिनिॽ खुने़ॽ कुदक्‍ले़ङ्‌वाओ साॽरिक् मने़गे़धिक्‍ति, खे़न् खुने़ॽ खे़प्‍सुआङ् वाॽ॥ आन्‍छिगे तक्‍ले़ङ्‌वाओ खिनिॽ मने़गे़धिक्‍तिल्‍ले़ से़क्‍खाःल्‍ले़ खिनिॽ यहवे दाङ्‌बे़ल्‍ले़ कुदक्‍ले़ङ्‌वाओ मने़गे़धिक्‍तिबा पोङ्‌ॽ॥”


Swiv nou:

Piblisite


Piblisite