खानिःत् 11:13 - लिम्‍बु

¹³ कन् के़रे़क् मनाहाॽरे़ खुन्‍छिॽ चामा सान् आङ्‌गाॽ आत्तिनु खोसुङ्‌ङाङ् तारुङ्‌बे? खे़ङ्‌हाॽ आङ्‌गाॽओ मे़दाआङ् अक्‍खेलॽरिक् मे़हाःप्, ‘आनिगे सा चामा आबिरे़ॽ॥’

खानिःत् 11:13 Referans Kwoze

मर्कुस 8:4

हे़क्‍केःल्‍ले़ कुहुॽसाम्‍बाहाॽरे़ खुने़ॽ मे़मे़त्तु, “कन् एःक्‍सादे़न्‍नो आक्‍खेलॽरिक् कम्‍म्‍याक् यरिक् मनाहाॽ खरे़ःङ्‌ङिल्‍ले़ खाःप्‍मासिबे?”

मत्ति 15:33

हे़क्‍केःल्‍ले़ कुहुॽसाम्‍बाहाॽरे़ खुने़ॽ मे़मे़त्तु, “अक्‍तङ्‌बा एःक्‍सादे़न्‍नो कम्‍म्‍याक् यरिक् मनाहाॽ चाःप्‍मासिरे़ लागि खरे़ःङ्‌ङिन् आत्तान्‍नु खोमा सुक्‍ते़प्‍पाबे?”

मर्कुस 9:23

ये़सुरे़ खे़न् मे़त्तु, “‘के़सुक्‍तुने़ फाॽग्र’ फाॽआङ् थेआङ् के़बाःत्तुबाबे? नसान् के़जोःक्‍पाल्‍ले़ कुलागिग थेसाङ् पोङ्‌मा सुक्‍लो॥”

खानिःत् 11:21

मोसाःल्‍ले़ यहवे दाङ्‌बे़न् मे़त्तु, “आङ्‌गाॽ कॽयो ६,००,००० मनाहाॽ तिःक्‍तुङ्‌सिङ्‌ङाङ् लाङ्‌घेःक्‍कार पत्ता हे़क्‍क्‍याङ् ‘खे़ङ्‌हाॽ लाधिक् थारिक् के़योबा सा पिरुङ्‌सिङ् फाॽआङ् खे़ने़ॽ के़बाःत्तुॽ॥’

खानिःत् 11:22

थे कन् के़रे़क् मे़ल्‍लुक् मे़ःन्‍दाक् लुप्‍हाॽ नु पित्‍थक्‍साहाॽ से़प्‍मासिल्‍ले़ कम्‍भ्‍यारिक् मनाहाॽ योरुसिबि? इग्र वरःङ्‌ङो के़याक्‌याक्‍पा के़रे़क् ङाहाॽ ते़म्‍मासिसाङ् खे़ङ्‌हाॽ ते़क्‍तुसिबि?”

खानिःत् 11:20

कर ने़बोओलाम्‍बा लःन्‍नाङ् निङ्‌सत्‍ले़ॽ ले़ॽरुर थारिक् लाधिक् खाराक् खिनिॽ खे़न् के़जाम्‌ॽ॥ थेआङ्‌भे़ल्‍ले़ खिनिॽ आप्‍फेक् लुम्‍मो के़वाॽबा यहवे दाङ्‌बान् के़नाॽरुम्‍माङ् खुने़ॽए कुदगि अक्‍खेलॽरिक् के़हाबिआङ् के़वयिॽ, “आनिगे थेआङ् मिस्र लाजेन् ले़रुम्‍बे़आङ् फे़रिगे़बाबे?”’”

२ हाङ् 4:43

खुने़ॽ कुसे़वारोबे़ल्‍ले़ मे़त्तु, “किप् थिक् मनाहाॽरे़ लागि कम्‍याःक्‍ले़रक्‍क आङ्‌गाॽ आक्‍खेआङ् ते़क्‍तुङ्‌सिङ्‌बाबे?” कर एलिसाःल्‍ले़ नोगप् पिरु, “खे़ने़ॽ मनाहाॽ कन् चामा पिरे़से़ॽ॥ थेआङ्‌भे़ल्‍ले़ यहवे दाङ्‌बे़ल्‍ले़ अक्‍खे पाःत्तुॽ—‘खे़ङ्‌हाॽरे़ मे़जआङ् कुभा नन्‍लो॥’”

२ हाङ् 7:2

हाङ्‌ङिल्‍ले़ कत्तुबा सुहाङ्‌युक्‍पा से़वारोबे़ल्‍ले़ निङ्‌वाॽफुमाङ्‌ङिल्‍ले़ कुमनान् मे़त्तु, “ओमे़त्ते़ॽ, यहवे दाङ्‌बे़ल्‍ले़ साङ्‌ग्राम्‍पेदाङ्‌बा लाम्‍धेःत्‍हाॽ हन्‍दु आबिसाङ् अक्‍तङ्‌बा पोङ्‌मा थे सुक्‍काङ्‌बे?” एलिसाःल्‍ले़ नुगप् पिरु, “खे़ने़ॽ आप्‍फेक् के़मिक्‍किल्‍ले़ खे़न् के़निसुॽ, कर खे़ने़ॽ खे़प्‍मोलाम् थेआङ् चामा के़ङ्‌घोसुन्‍लो॥”