23 सिमियोनरे़ कुधाःक्लाम्बाबा खानिःत्तिन् ५९,३०० मे़वये़॥
सिमियोनिहाॽरे़ खुन्छिॽ थाःक्हाॽ हाबा कन्हाॽरो॥ खे़ङ्हाॽ २२,२०० खानिःत् मे़वये़॥
खे़न् मिध्यानबा मे़न्छुमान्नु मे़से़रुबा इस्राइलिःल्ले़ कुमिङ् जिम्रि वये़, खे़न् सिमियोनरे़ कुधाःक्कोबा लत्छा हिम्सयङ्बा लाम्लोबा सालुरे़ कुस्सा वये़॥
खानिःत् कुइसिक् खे़ल्ले़ कुमना सुम्हाॽ ५९,३०० मे़वाॽ॥
सिमियोनरे़ कुमुॽइदाङ्सालाम्— निबोङ् तङ्बे नु खे़न्नुःल्ले़ थोबा ते़न्धङ्ङो पेःक्मा के़सुक्पा के़रे़क् ये़म्बित्छाहाॽरे़ खुन्छिॽ मिङ्हाॽ खे़ङ्हाॽरे़ खुन्छिॽ पाधे़बाहाॽरे़ खुन्छिॽ थाःक् नु हिम्सयङ् कुइसिक् मे़साप्तु॥
गादरे़ कुमुॽइदाङ्सालाम्— तङ्बे निबोङ् नु खे़न्नुःल्ले़ थोबा ते़न्धङ्ङो पेःक्मा के़सुक्पा के़रे़क् ये़म्बित्छाहाॽरे़ खुन्छिॽ मिङ्ङिन् खे़ङ्हाॽरे़ खुन्छिॽ पाधे़बाहाॽरे़ खुन्छिॽ थाःक् नु हिम्सयङ् कुइसिक् मे़साप्तु॥
