खानिःत् 1:18 - लिम्‍बु

¹⁸ हे़क्‍क्‍याङ् निसिगेक्‍पा लाःल्‍ले़ थिक्‍सिगेक्‍पा ये़न्‍नो के़रे़क् सङ्‌जुम्‍भोःन् खे़ङ्‌हाॽरे़ सोरिक् मे़भुक्‍खुसि॥ मनाहाॽरे़ खुन्‍छिॽ आप्‍फेक् आप्‍फेक् थाःक्‍थे़बाहाॽरे़ खुन्‍छिॽ थाःक् नु हिम्‍सयङ्‌हाॽ मे़दोन्‍दुसि, हे़क्‍क्‍याङ् निबोङ् तङ्‌बे के़गे़प्‍पा नु खे़न्‍नुःल्‍ले़आङ् थोबा के़रे़क्‍ले़ खुन्‍छिॽ मिङ्‌हाॽ मे़साप्‍तु॥

खानिःत् 1:18 Referans Kwoze

ए़ज्रा 2:59

तेल-मेलह, तेल-हर्सा, केरुब, आदोन नु इम्‍मेर ये़क्‌यक्‍लाम् के़नुःङ्‌बा के़भे़म्‍बाहाॽ दलायाह, तोबिया नु नकोदा सुवाङ्‌बा मनाहाॽ के़रे़क् ६५२ मे़वये़ कर आनिगे इस्राइलिहाॽरे़ खुन्‍छिॽ मुॽइदाङ्‌सासिगे़ फाॽआङ् खे़ङ्‌हाॽरे़ तसि पर्माङ्‌गि ताःप्‍मा मे़न्‍छुक्‍तुन्॥

हिब्रु 7:3

खुने़ॽ कुम्‍बा, कुम्‍मा, कुसुधे़बा कुधाःक्‍थे़बाहाॽ हे़क्‍क्‍याङ् कुसावाःन्‍छिङ्‌मान् नु कुसिमाल्‍ले़ कुयाःम्‍बेओ थेआङ् साप्‍ते़बा होप्‍लो॥ खुने़ॽग निङ्‌वाॽफुसा कुइसिक् सदादिङ् के़वाॽबा निङ्‌वाॽफुसाम्‍बारो॥

नहेम्‍याह 7:61

तेल-मेलह, तेल-हर्सा, करुब, आदोन नु इम्‍मेर मे़प्‍मनाबा ये़क्‌यक्‍हाॽलाम्‍बा के़नुःङ्‌बा के़दाबा मे़वये़ कर खे़ङ्‌हाॽरे़ आनिगे इस्राइलरे़ कुमुॽइदाङ्‌सादिगे़ फाॽआङ् तसि पिमा मे़न्‍छुक्‍तुन्—

हिब्रु 7:6

कर कन् मल्‍किसे़दे़क्‍किङ्‌ग ले़बिरे़ कुमुॽइदाङ्‌सा होःप्‍ते़साङ् खे़ल्‍ले़ अब्राहामलाम् थिबोङ्‌लक् ताःक्‍तुआङ् माङ्‌हे़क् के़घोबा अब्राहाम्‍मिन् मुॽइसाम् थासु पिरुरो॥

खानिःत् 1:1

इस्राइलिहाॽ मिस्र लाजेॽलाम् मे़भे़रे़बा निसिगेक्‍पा तङ्‌बेओबा निसिगेक्‍पा लाःल्‍ले़ थिक्‍सिगेक्‍पा ये़न्‍नो सिनैबा मुरे़क् खारे़क् थेआङ् के़होःप्‍पादे़न्‍नोबा तुम्‍मादे़न् साःङ्‌गाहिम्‍मो यहवे दाङ्‌बे़न् मोसाःन्‍नु पारे़॥

खानिःत् 1:17

कन् थाःङ् खुन्‍छिॽ मिङ् साप्‍ते़आङ् के़बप्‍पा मनाहाॽ मोसान् नु हारुने़ल्‍ले़ याङ्‌ने़सि,

लाम्‍दिक् 6:14

खे़ङ्‌हाॽरे़ खुन्‍छिॽ हिम्‍सयङ्‌हाॽरे़ लाम्‍लोबा मनाहाॽ कन्‍हाॽ मे़वये़— इस्राइलरे़ कुस्‍सा तुम्‍बा रुबेन वये़, खुने़ॽ कुस्‍साहाॽ हनोक, पल्‍लु, हेस्रोन नु कर्मि मे़वये़॥ रुबे़ने़ल्‍ले़ कुधाःक्‍हाॽ हाबा कन्‍हाॽ मे़वये़॥