नहेम्याह 9:2 - लिम्बु2 इस्राइलि सुवाङ्हाॽ के़रे़क् थिम्मे़न्दङ् सुवाङ्हाॽलाम्बा एःक् मे़से़न्छिङ्ल मे़वये़॥ हे़क्क्याङ् खे़ङ्हाॽ मे़ये़म्सिङ्ङाङ् आबाङे मे़जोगुबा नु खुनिॽ पाधे़बाहाॽरे़ मे़जोगुबा लायोलाम् मे़हिन्दे़॥ Gade chapit la |
नहेम्याह 9:2
24 Referans Kwoze
आल्ल आनिगे लायो चोगुम्बे़ फाॽआङ् यहवे दाङ्बा खे़निॽ थाःक्थे़बाहाॽरे़ खुनिॽ निङ्वाॽफुमाङ्ङिल्ले़ कुदगि पाःत्ते़म्मे़ॽ हे़क्क्याङ् खुने़ॽ कुनिङ्वाॽ इसिःक् याःम्बक् चोगे़म्मे़ॽ॥ खिनिॽ लाजेॽओ के़युङ्बा थिम्मे़न्दङ् सुवाङ्हाॽ हे़क्क्याङ् वेॽ लाजेॽबा खिनिॽ मेःत्हाॽनु लाःत्लाःत् वये़म्मे़ॽ॥”
आदाङ्बारे़ आबाङे के़योभोबा के़मना याकुबरे़ कुमुॽइदाङ्साहाॽ लाप्के़भुसुसिआङ् के़वाॽरो, थेआङ्भे़ल्ले़ खे़ङ्हाॽ तइनाङ्गे़न् पिसाङ्बा ताप्फे़ःम्बा साक्थिम्मिल्ले़ कुधिम् मे़बोःक्खे़आङ् मे़वाॽरो॥ खे़ङ्हाॽ पलिस्तिबा मनाहाॽ कुइसिक् खागे़लोःम्बा मे़बोःक्खे़आङ् मे़वाॽरो खे़ङ्हाॽ निङ्वाॽफुमाङ् नसान् मे़न्जोःक्मनाबा सुवाङ्हाॽनु मे़दङ्सिङ्ङाङ् मे़वाॽरो॥
हे़क्क्याङ् खुन्छिॽ मे़दे़म्सु मे़देॽरुसिबा लाजेॽओ खे़ङ्हाॽरे़ तुक्खे लाक्खे मे़दुमुबाल्ले़ चोगुल्ले़ खुन्छिॽ निङ्वाॽ नुःङ्ङाङ् खे़न् लाजेॽओ खुन्छिॽ लायोलाम् मे़हिन्ॽ हे़क्क्याङ् खे़ने़ॽ पेलि के़म्भाक्काङ् ‘आनिगे लायो चोगुम्बे़, आनिगे याःम्बक् फेःन्दुम्बे़, हे़क्क्याङ् फे़न्याःम्बक् चोगुम्बे़,’ मे़बाःत्तुने़भग्र,
मे़दे़म्सु मे़देॽरुसिबालाम् के़नुःङ्बा के़भे़म्बा के़रे़क् इस्राइलिहाॽ नु यहवे दाङ्बा इस्राइलबा निङ्वाॽफुमाङ्ङिन् माङ्से़वा मे़त्छे़ के़दाबा, खे़न् लाजेॽओ के़युङ्बा आबाङे खुन्छिॽ फे़न्याःम्बक् के़ले़प्पा हे़क्क्याङ् वेॽ नावाइत्ला से़वा मे़प्मा के़ले़प्पा के़रे़क्ले़ सिदुङ्जभा तोःम्मनाबा थक्सा सान् मे़ज॥
“कन् के़रे़क् चोःक्मा मे़सुरुआङ् इस्राइलबा मनाहाॽ, निङ्वाॽफुसाम्बाहाॽ नु ले़बिहाॽरे़आङ् खुन्छिॽ पेसाङ्बा लाजेॽ के़युङ्बा यक्युङ्बा कनानि, हित्ति, परिज्जि, यबुसि नु एमोरिहाॽरे़ खुन्छिॽ याम्गे़सिङ्बा याःम्बक्लाम् लाःत्लाःत् मे़न्युङ्ङे मे़वाॽ फाॽआङ् इस्राइलबा कुभा लाम्लोबाहाॽरे़ आङ्गाॽ मे़मे़त्ताङ्॥ खे़न् मनाहाॽरे़ मे़जोगुबा याम्गे़सिङ्बा याःम्बक्हाॽ इस्राइलिहाॽरे़आङ् मे़जोगुर मे़वये़॥
साप्मनाबा साप्लाओ अक्तङ्बा पत्छे़, “आनिगे निङ्वाफुसाम्बाहाॽ, ले़बिहाॽ, लाम्धेत् के़गोबाहाॽ, साम्गे़लोबाहाॽ, माङ्हिम्मो याःम्बक् के़जोःक्पाहाॽ नु वेॽ इस्राइलिहाॽ हे़क्क्याङ् आबाङे मेःत्हाॽ खे़ब्याङ् कुसिङ् के़निःप्पा हिन्जाॽबित्छाॽ खक्पे़त्ले़, निङ्वाॽफुमाङ्ङिल्ले़ कुसाम्योथिम् इङ्जाङ्ङिन् इःप्मा नाःप्मारे़ लागि आबाङे लाजेॽओ थिम्मे़न्दङ् सुवाङ्हाॽलाम्बा लाःत्लाःत् पोङ्मा याःम्बक् चोगुम्बे़आङ् वयिगे़॥
खे़ने़ॽ आङ्गाॽ, यहवे दाङ्बा निङ्वाॽफुमाङ्ङिल्ले़ आदक्ले़ङ्वाओ के़बोगे़रो हे़क्क्याङ् आङ्गाॽ आइङ्जाङ्ङिन् इःप्मा नाःप्मा के़न्दे़न्दे़न्लो के़रे़क् सरेःक्याःप्पा सिङ्बुङ्मा सिगाङ् वेॽ माङ् साम्माङ्हाॽनु याम्बोःप्मा याःम्बक् के़जोगुरो खे़न् पाःन्नो आप्तिक्साबा पोङ्मा ते़न्दे़ॽओ॥” आङ्गाॽ, यहवे दाङ्बे़ल्ले़ कन् पाःत्तुङ्ङाङ् वाॽरो॥
आनिगे सुभाहाॽनु थिक्हुप् पोःक्खिगे़आङ् यहवे दाङ्बा आनिगे निङ्वाॽफुमाङ्ङिल्ले़ कुसे़वारोबा मोसालाम् पिरिगे़बा साम्योथिम् इङ्जाङ् कुइसिक् कुसाम्योथिम् इङ्जाङ्हाॽ नु कुइङ्दत्हाॽ इःत्तुम्बे़ नाःत्तुम्बे़ फाॽआङ् माङ्हुप् चोगुम्बे़॥ कन् माङ्हुप्पिन् फेःन्दुम्बे़ने़भग्र आनिगे निङ्वाॽफुमाङ्ङिल्ले़ कुसाङ्ग्रा कुघुम्दिङ्ङिल्ले़ ते़त्तिगे़ररो॥
Piblisite