हे़क्केःल्ले़ खे़ङ्हाॽरे़ पावलनु याम्मो तुम्मा ये़म् निःन्धो मे़जोगु हे़क्क्याङ् खे़न् ये़म्मो खे़ङ्हाॽ पावलरे़ कुये़ङ्वाहिम्मो यरिक् मे़द्ये़रो॥ हे़क्क्याङ् पावलरे़ तानाम्नु नाम्ध्ये़र थारिक् निङ्वाॽफुहाङ्जुम् नु ये़सुरे़ कुयाःम्बेओ खे़ङ्हाॽ नसान् के़जोःक्पा चोःक्मासि फाॽआङ् मोसारे़ साप्तुबा साम्योथिम् नु माङ्निङ्वाॽपान् के़बाःप्पाहाॽरे़ मे़साप्तुबा साप्लालाम् कुबे हन्दुआङ् चे़क्तुसिरो॥
नहेम्याह 8:8 - लिम्बु8 खे़ङ्हाॽरे़ निङ्वाॽफुमाङ्ङिल्ले़ कुसाम्योथिम् इङ्जाङ्ङिन् नुरिक् मे़निरुआङ् मनाहाॽरे़ कुसिङ् मे़निःत्तुर कुबे मे़हन्दु मे़बिरुसि॥ Gade chapit la |
नहेम्याह 8:8
16 Referans Kwoze
हे़क्क्याङ् हाङ्युक्पा नहेम्याह, साम्योथिम्साम्बा निङ्वाॽफुसाम्बा ए़ज्रा नु निसाम् के़हुॽबार के़बप्पा ले़बिहाॽरे़ खे़ङ्हाॽ के़रे़क् मे़मे़त्तुसि, “आइन्बा ये़न्निन् आनिॽ यहवे दाङ्बा निङ्वाॽफुमाङ्ङिल्ले़ कुलागि सेसे चोक्॥ आइन् खिनिॽ हाःप्मा फिःक्मा मे़नुॽने़न्॥” थेआङ्भे़ल्ले़ साम्योथिम् इङ्जाङ्ङोबा पाःन्जाःक्किन् मे़घे़प्सुआङ् खे़ङ्हाॽ के़रे़क् मे़हाबे़र मे़ये़बे़॥
यहुदाबा मनाहाॽ, यरुसले़म के़युङ्बाहाॽ, निङ्वाॽफुसाम्बाहाॽ नु माङ्निङ्वाॽपान् के़बाःप्पाहाॽ, चुक्पा यम्बा के़रे़क् मनाहाॽनु सोरिक् खुने़ॽ यहवे दाङ्बे़ल्ले़ कुहिम्मो थोःक्सिङ् पे॥ यहवे दाङ्बे़ल्ले़ कुहिम्मो मे़घोसुबा माङ्हुप् साप्पन्नोबा के़रे़क् पाःन्जाःक्हाॽ खे़ङ्हाॽरे़ मे़घे़प्सुर निरु पिरुसि॥
खे़ङ्हाॽ आबाङे मे़ये़बे़बादे़न्नो मे़ये़म्सिङ् हे़क्क्याङ् कुमुक् सुम्सि थारिक् खुनिॽ यहवे दाङ्बा निङ्वाॽफुमाङ्ङिल्ले़ कुसाम्योथिम् इङ्जाङ् साप्पनिन् मे़निरु॥ खे़ब्याङ् खे़ङ्हाॽरे़ वेॽ कुमुक् सुम्सि थारिक् आबाङे खुनिॽ लायोलाम् मे़हिन्दे़र खुनिॽ यहवे दाङ्बा निङ्वाॽफुमाङ्ङिन् चक्मे़ल्लॽए साबन् मे़भन्छिङ्ङाङ् से़वा मे़मे़त्तुआङ् मे़बत्छे़॥
Piblisite