नहेम्याह 8:7 - लिम्बु7 येसुआ, बानि, सरेबियाह, यामिन, अक्कुब, सब्बतै, होदियाह, मासेयाह, कलिता, अजर्याह, योजाबाद, हानान हे़क्क्याङ् पलयाह मिङ् के़वाःप्पा ले़बिहाॽरे़ खे़ङ्हाॽ साम्योथिम् इङ्जाङ्ङिल्ले़ कुबेन् मे़हन्दु मे़बिरुसि॥ Gade chapit la |
नहेम्याह 8:7
27 Referans Kwoze
खे़न् एगाङ् थुत्तुरिःप्पा मे़मुक्खुर अजर्याह, ए़ज्रा, मसुल्लाम, यहुदा, बेन्यामिन, समायाह नु यर्मिया निङ्वाॽफुसाम्बाहाॽ मे़धासिङ्॥ खे़ङ्हाॽरे़ खुनिॽ एगाङ् जोनाथने़ल्ले़ कुस्सा नु समायाहरे़ कुम्मे़न्छाॽ जकरियान् थासिङ्॥ (खुने़ॽ कुधाःक्हाॽओ आसाप सुवाङ्बा मत्तन्याह, मिकाया नु जक्कुर मे़वये़)॥
खे़ल्ले़ लागि खे़प्मो लत्छा सिङ्ङिल्ले़न् उवा चोःक्मादे़न्धिक् मे़जोगुआङ् ने़स्से़ हे़क्क्याङ् ए़ज्रान् खे़न् सिङ्ङिल्ले़न् उवा चोःक्मादे़न् सम्धाङ् ये़म्सिङ्॥ खुने़ॽ कुजुप्साङ् ले़प्माङ् मत्तित्याह, सेमा, अनायाह, उरियाह, हिल्कियाह, मासेयाह नु कुभे़न्छाङ् ले़प्माङ् पदायाह, मिसाएल, मल्कियाह, हासुम, हसबदाना, जकरिया नु मसुल्लामसि मे़ये़बे़॥
यहवे दाङ्बे़न् माङ्से़वा मे़प्मा याःम्बक्किल्ले़ कुयाःम्बेओ कुजे़क्पा निङ्वाॽ के़गप्पा ले़बिहाॽ हिजकियाःल्ले़ आःन्छिङ्मा पाःन्जाःक् मे़त्तुसि॥ कम्भलॽरिक् खे़ङ्हाॽरे़ तङ्नाम्बा नुसि ये़न् थे़ल्लिक् तङ्जुम् वयागे़न् सिदुङ्जभाहाॽ मे़दोन्दुर, यहवे दाङ्बा खुन्छिॽ पाधे़बाहाॽरे़न् निङ्वाॽफुमाङ्ङिल्ले़ कुनारा मे़भोसु हे़क्क्याङ् खुन्छिॽ लागि मे़जॽरुबा लक्हाॽ मे़जआङ् ये़म् मे़देसु॥
खुने़ॽ यहवे दाङ्बाओ के़दोःन्छिङ्बा के़रे़क् इस्राइलिहाॽ के़हुॽबा ले़बिहाॽ मे़त्तुसि, “इस्राइलबा हाङ् दाउदरे़ कुस्सा सोलोमनरे़ चोगुबा माङ्हिम्मो सेसे सन्दोक्किन् युक्खे़म्मे़ॽ॥ खे़न् खिनिॽ फक्ताङ्ङो पङ्मागप्मा मे़नुॽने़न्ॽ॥ आल्लग यहवे दाङ्बा खिनिॽ निङ्वाॽफुमाङ्ङिन् नु खुने़ॽ कुमना इस्राइलिहाॽरे़ खुन्छिॽ लागि याःम्बक् चोगे़म्मे़ॽ॥
ए़ज्राःल्ले़ यहवे दाङ्बा पयम् यम्बा निङ्वाॽफुमाङ्ङिल्ले़ कुनारा फोसु, हे़क्केःल्ले़ के़रे़क् मनाहाॽरे़ खुनिॽ हुक्किन् थाःङ् मे़भोक्खुआङ् “आमिन् आमिन्” मे़बाःत्तु॥ खे़ङ्हाॽ खाम्बाङ्ङो थारिक् अःक्खुम् मे़भन्छिङ्ङाङ् साम्बोन् हबत् मे़भन्छिङ् हे़क्क्याङ् खे़ङ्हाॽरे़ निङ्वाॽफुमाङ्ङिन् से़वा मे़मे़त्तु॥
खे़ङ्हाॽ आबाङे मे़ये़बे़बादे़न्नो मे़ये़म्सिङ् हे़क्क्याङ् कुमुक् सुम्सि थारिक् खुनिॽ यहवे दाङ्बा निङ्वाॽफुमाङ्ङिल्ले़ कुसाम्योथिम् इङ्जाङ् साप्पनिन् मे़निरु॥ खे़ब्याङ् खे़ङ्हाॽरे़ वेॽ कुमुक् सुम्सि थारिक् आबाङे खुनिॽ लायोलाम् मे़हिन्दे़र खुनिॽ यहवे दाङ्बा निङ्वाॽफुमाङ्ङिन् चक्मे़ल्लॽए साबन् मे़भन्छिङ्ङाङ् से़वा मे़मे़त्तुआङ् मे़बत्छे़॥
Piblisite