नहेम्याह 8:3 - लिम्बु3 खे़प्मो लक्खुम्मोबा च्वाःत् लाम्धेःप् पेसाङ् तानाम् नाम् के़रे़आङ्धो ले़न्जो थारिक् मे़न्छुमा ये़म्बित्छा नु खे़न् कुसिङ् निःप्मा के़सुक्पाहाॽ ए़ज्राःल्ले़ साम्योथिम् इङ्जाङ्ङिन् निरुपिरुसि हे़क्क्याङ् मनाहाॽरे़ साॽरिक् निङ्वाॽ मे़बिरुआङ् मे़घे़प्सु॥ Gade chapit la |
नहेम्याह 8:3
25 Referans Kwoze
आनिगे निङ्वाॽफुमाङ्ङिन् चक्मे़ल्लॽए नोगे़न् पिरुम्बे़ॽरो, थेआङ्भे़ल्ले़ आनिगे निङ्वाॽफुमाङ्ङिल्ले़ कुसुनाइङ्ङिन् खिनिॽओ तारुम्बे़ल्ले़ खे़ङ्ग मे़न्छाम्गे़न् याप्मिरे़ खुनिॽ पाःन्जान् हे़क्के मेःन्, कर निङ्वाॽफु पाःन्जाक्किन् कुइसिःक्के खिनिॽ ते़न्दिङ् के़जोगुम्॥ आल्ल खिनिॽ नसान् के़जोःक्पाहाॽओ निङ्वाॽफुमाङ्ङिल्ले़ कुबाःन्जान्निन् याःम्बक् चोःक्नु याक्लो॥
हे़क्केःल्ले़ खे़ङ्हाॽरे़ पावलनु याम्मो तुम्मा ये़म् निःन्धो मे़जोगु हे़क्क्याङ् खे़न् ये़म्मो खे़ङ्हाॽ पावलरे़ कुये़ङ्वाहिम्मो यरिक् मे़द्ये़रो॥ हे़क्क्याङ् पावलरे़ तानाम्नु नाम्ध्ये़र थारिक् निङ्वाॽफुहाङ्जुम् नु ये़सुरे़ कुयाःम्बेओ खे़ङ्हाॽ नसान् के़जोःक्पा चोःक्मासि फाॽआङ् मोसारे़ साप्तुबा साम्योथिम् नु माङ्निङ्वाॽपान् के़बाःप्पाहाॽरे़ मे़साप्तुबा साप्लालाम् कुबे हन्दुआङ् चे़क्तुसिरो॥
खे़प्मो सुनाइङ् के़घे़म्माहाॽओ लिदिया मे़प्मनामा थियातिरा ये़क्यक्कोसमा परान्ला तेत् ले़ङ्हङ् के़जोःक्माधिक् वये़॥ हे़क्क्याङ् खे़न् निङ्वाॽफुमाङ्ङिन् से़वा के़जोःक्मा थिम्मे़न्दङ् सुवाङ्समा वये़॥ पावलरे़ पाःत्तुबा पाःन्निन् कुसिङ् निःत्तुआङ् नसान् चोगुर फाॽआङ् दाङ्बाल्ले़ कुनिङ्वाॽइन् हन्दु पिरु॥
नुसि ला तोॽरुल्ले़ इस्राइलिहाॽ आबाङे खुनिॽ ये़क्यक्हाॽओ युङ्मा मे़हेःक्ते़आङ् वये़॥ खे़ङ्हाॽ के़रे़क् यरुसले़ःम्मो च्वाःत् लाम्धेःप्पाल्ले़ सिगाङ् ले़प्माङ्बा लक्खुम्मो थिक्हुप् मे़बोःक्खे़आङ् मे़जुप्से़॥ यहवे दाङ्बे़ल्ले़ मोसाःल्ले़ कुहुक्लाम्बा इस्राइलिहाॽ पिरुसिबा साम्योथिम् इङ्जाङ्ङिल्ले़ साप्पन्निन् साम्योथिम्साम्बा ए़ज्रान् खे़ङ्हाॽरे़ ताःप्मा मे़बाङ्घु॥
खे़ल्ले़ लागि खे़प्मो लत्छा सिङ्ङिल्ले़न् उवा चोःक्मादे़न्धिक् मे़जोगुआङ् ने़स्से़ हे़क्क्याङ् ए़ज्रान् खे़न् सिङ्ङिल्ले़न् उवा चोःक्मादे़न् सम्धाङ् ये़म्सिङ्॥ खुने़ॽ कुजुप्साङ् ले़प्माङ् मत्तित्याह, सेमा, अनायाह, उरियाह, हिल्कियाह, मासेयाह नु कुभे़न्छाङ् ले़प्माङ् पदायाह, मिसाएल, मल्कियाह, हासुम, हसबदाना, जकरिया नु मसुल्लामसि मे़ये़बे़॥
थिक्सिगेक्पा ये़न्नाङ्धो कुनुप्मा ये़न् थारिक् थिक्याःन्धक् ए़ज्राःल्ले़ निङ्वाॽफुमाङ्ङिल्ले़ कुसाम्योथिम् इङ्जाङ्ङिन् निरु॥ नुसि ये़न् थारिक् खे़ङ्हाॽरे़ अक्खेलॽरिक् ससाङ्स्रोत् मे़जोगु॥ हे़क्क्याङ् ये़त्छिगेक्पा ये़न्नो साम्योथिम् कुइसिक् खे़ङ्हाॽरे़ कुनुप्मा चुम्लुङ् मे़जोगुरो॥
आनिगे सुभाहाॽनु थिक्हुप् पोःक्खिगे़आङ् यहवे दाङ्बा आनिगे निङ्वाॽफुमाङ्ङिल्ले़ कुसे़वारोबा मोसालाम् पिरिगे़बा साम्योथिम् इङ्जाङ् कुइसिक् कुसाम्योथिम् इङ्जाङ्हाॽ नु कुइङ्दत्हाॽ इःत्तुम्बे़ नाःत्तुम्बे़ फाॽआङ् माङ्हुप् चोगुम्बे़॥ कन् माङ्हुप्पिन् फेःन्दुम्बे़ने़भग्र आनिगे निङ्वाॽफुमाङ्ङिल्ले़ कुसाङ्ग्रा कुघुम्दिङ्ङिल्ले़ ते़त्तिगे़ररो॥
Piblisite