कन् ए़ज्रान् बेबिलोनलाम् के़भे़म्बा यहवे दाङ्बा इस्राइलबा निङ्वाॽफुमाङ्ङिल्ले़ मोसाःन्लाम् इस्राइलिहाॽ पिरुसिबा साम्योथिम् इङ्जाङ्हाॽ के़रे़क् साम्जिक् निङ्वाॽ के़गप्पा साम्योथिम्साम्बा वये़॥ यहवे दाङ्बा निङ्वाॽफुमाङ्ङिल्ले़ कुहुक्किन् ए़ज्राःल्ले़ कुसम्धाङ् पत्छे़बाल्ले़ चोगुल्ले़ खुने़ॽ नाःक्तुबा के़रे़क् पाःन्हाॽ पयम् हाङ्ङिल्ले़ खुने़ॽ पिरु॥
नहेम्याह 8:1 - लिम्बु1 नुसि ला तोॽरुल्ले़ इस्राइलिहाॽ आबाङे खुनिॽ ये़क्यक्हाॽओ युङ्मा मे़हेःक्ते़आङ् वये़॥ खे़ङ्हाॽ के़रे़क् यरुसले़ःम्मो च्वाःत् लाम्धेःप्पाल्ले़ सिगाङ् ले़प्माङ्बा लक्खुम्मो थिक्हुप् मे़बोःक्खे़आङ् मे़जुप्से़॥ यहवे दाङ्बे़ल्ले़ मोसाःल्ले़ कुहुक्लाम्बा इस्राइलिहाॽ पिरुसिबा साम्योथिम् इङ्जाङ्ङिल्ले़ साप्पन्निन् साम्योथिम्साम्बा ए़ज्रान् खे़ङ्हाॽरे़ ताःप्मा मे़बाङ्घु॥ Gade chapit la |
नहेम्याह 8:1
25 Referans Kwoze
हे़क्केःल्ले़ नुरिक्काङ् खे़प्से़म्मे़ॽओ, ताःन्दि खिनिॽओ इङ्गाॽ माङ्निङ्वाॽपान् के़बाःप्पाहाॽ, सिक्कुम्साबा मनाहाॽ नु साम्योथिम्साम्बाहाॽ पाङ्घुङ्सिङ्लो॥ खे़ङ्हाॽओ कुभा खिनिॽ के़से़रुम्सिम्, कुभा सिलाम्साक्मा सिङ्सम्दाङ् के़भोःन्दुम्सिम्, हे़क्क्याङ् कुभाग यहुदि चुम्लुङ्हिम्मो ते़ःम्भुक् के़याक्तुम्सिम्माङ् ये़क्यक् थप्मा निङ्घुम् के़मे़त्तुम्सिम्लो॥
“खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! साङ्ग्राम्पेदाङ्बा हाङ्जुम्मिल्ले़ कुलाम्मिन् वेॽ मनाहाॽरे़ लागि के़साक्तुम्माङ् के़वयिॽरो, हे़क्क्याङ् आबाङेआङ् खे़प्मो खिनिॽ के़न्लासिन् हे़क्क्याङ् लाःप्मा के़गोःप्पा वेॽ मनाहाॽआङ् लाःप्मा के़म्बाङ्घुम्सिम्मिन्लो॥
वधाःम् लाम्धेःप्पो मे़गे़रे़आङ् दाउद हाङ्ङिल्ले़ कुये़क्यक् पेःक्मा थाम्माङ् लुङ्धाक्किन् नाहाङ्सेःक्कोलाम् मे़लिङु हे़क्क्याङ् खे़ङ्हाॽ दाउद हाङ्ङिल्ले़ कुहाङ्हिम्मिन् मे़गाःक्तुआङ् मे़बे॥ खे़प्मोलाम् मे़नुःक्खे़आङ् ये़क्यक्किल्ले़ नाङ्गे़न् ले़प्माङ् खे़ङ्हाॽ च्वाःत् लाम्धेःप्पो थारिक् मे़बे॥
हे़क्केःल्ले़ मनाहाॽ मे़बेआङ् सिङ्बोराःक्हाॽ मे़दारु, हे़क्क्याङ् के़रे़क्ले़ आबाङे हिम्मोबा लिङ्घाम्बु नु लक्खुम्मो, हे़क्क्याङ् निङ्वाॽफुमाङ्ङिल्ले़ कुहिम्मोबा लक्खुम्हाॽओ, खे़ब्याङ् च्वाःत् लाम्धेत् कुबेसाङ्बा लक्खुम्मो नु एफ्राइम लाम्धेःत्तिल्ले़ कुबेसाङ्बा लक्खुम्हाॽओ खे़ङ्हाॽरे़ आबाङे लागि साःङ्गाहिम् मे़जोगु॥
खुने़ॽ यहुदाबा मनाहाॽ, यरुसले़म के़युङ्बाहाॽ, निङ्वाॽफुसाम्बाहाॽ नु ले़बिहाॽ, चुक्पा यम्बा के़रे़क् मनाहाॽनु सोसोरिक् यहवे दाङ्बे़ल्ले़ कुहिम्मो थोःक्सिङ् पे॥ यहवे दाङ्बे़ल्ले़ कुहिम्मो मे़घोसुबा माङ्हुप् साप्पन्नोबा के़रे़क् पाःन्जाःक्हाॽ खे़ङ्हाॽरे़ मे़घे़प्सुर खुने़ॽ निरु पिरुसि॥
यहुदाबा मनाहाॽ, यरुसले़म के़युङ्बाहाॽ, निङ्वाॽफुसाम्बाहाॽ नु माङ्निङ्वाॽपान् के़बाःप्पाहाॽ, चुक्पा यम्बा के़रे़क् मनाहाॽनु सोरिक् खुने़ॽ यहवे दाङ्बे़ल्ले़ कुहिम्मो थोःक्सिङ् पे॥ यहवे दाङ्बे़ल्ले़ कुहिम्मो मे़घोसुबा माङ्हुप् साप्पन्नोबा के़रे़क् पाःन्जाःक्हाॽ खे़ङ्हाॽरे़ मे़घे़प्सुर निरु पिरुसि॥
यरिक् तङ्बे एगाङ् अर्तासास्ते़न् फारस लाजेॽबा पयम् हाङ् वये़ल्ले़ ए़ज्रा मिङ् के़वाःप्पा मनाधिक् वये़॥ खुने़ॽ कुम्बा कुन्धे़बा, तुम् निङ्वाॽफुसाम्बा हारुन थारिक् अक्खेलॽरिक् कुधाःक्मिङ् वये़—ए़ज्रान् सरायाहःल्ले़ कुस्सा वये़॥ सरायाहन् अजर्याहःल्ले़ कुस्सा वये़॥ अजर्याहन्, हिल्कियाहःल्ले़ कुस्सा वये़॥
Piblisite