नहेम्‍याह 4:9 - लिम्‍बु

⁹ कर आनिगे निङ्‌वाॽफुमाङ्‌ङिन् पेलि फाक्‍तुम्‍बे़ हे़क्‍क्‍याङ् से़न्‍दिक् ले़न्‍दिक् ये़क्‌यक्‍किन् कम्‍ब्राङ् मे़प्‍पाङ्‌मनासिरो॥

नहेम्‍याह 4:9 Referans Kwoze

१ पत्रुस 5:8

खिनिॽ सिङ्‌सिङ् ये़क्‌ये़क् नु चाङ्‌जाङ् लॽरे़म्‍मे़ॽ! खिनिॽ निङ्‌मि माफे़न्‍साम्‍मिन् के़हुःक्‍पा खिरिङ्‌बान् कुइसिक् आत्तिन् खोसुङ्‌ङाङ् लरुङ्‌देसुङ् लॽरिक् कोःत्तुर ताक्‍कन्‍लो॥

निङ्‌वाॽफु साम्‍लोसुम् 50:15

तुक्‍खे लाक्‍खे के़जाःल्‍ले़ मे़त्ताङ्‌ङे़ॽओ, आङ्‌गाॽ खे़ने़ॽ से़ःप्‍ने़रो हे़क्‍क्‍याङ् खे़ने़ॽ आमिमिदिङ् के़जोगुरो॥”

लुका 21:36

के़रे़क् ये़म्‍मो आप्‍फाल्‍ले़साङ् कन् के़दाबा पाःन्‍नोलाम् खे़त्‍छिङ्‌मा पेःक्‍मा मुक्‍साम् के़घोसुम्‍ल हे़क्‍क्‍याङ् मे़न्‍छाम्‍साःल्‍ले़ कुदगि ये़प्‍मा के़सुक्‍पा के़बोःक्‍खिर फाॽआङ् सिङ्‌सिङ् लॽरे़म्‍मे़ॽर तुवा चोगे़म्‍मे़ॽओ॥”

मत्ति 26:41

हङ्‌साॽमाओ मे़ध्‍ये़ॽइगे़न्‍ल फाॽआङ् निङ्‌वाॽ चाङ्‌जाङ्‌ङाङ् तुवा चोगे़म्‍मे़ॽओ॥ खिनिॽ निङ्‌वाॽइल्‍ले़ नुरिक्‍काङ् चोःक्‍मा के़गोःत्तुम्, कर खिनिॽ नासिङ्‌गे़न् थक्‍किङ्‌ग मे़धुम्‍मिन्‍बाल्‍ले़ चोगुल्‍ले़ के़न्‍छुक्‍तुम्‍मिल्‍लो॥”

तोलिङ्‌सोमु 32:28

खे़न् मनाःल्‍ले़ खुने़ॽ मे़त्तु, “आल्‍ल खे़ने़ॽ के़मिङ् याकुब मेःन् कर इस्राइल पोङ्, थेआङ्‌भे़ल्‍ले़ खे़ने़ॽ निङ्‌वाॽफुमाङ्‌ङिन्‍नु हे़क्‍क्‍याङ् मे़न्‍छाम् याप्‍मिहाॽनु के़धक्‍ते़आङ् के़नाःन्‍दुरो॥”

नहेम्‍याह 4:11

आनिगे निङ्‌मिहाॽरे़आङ् मे़बाःत्तु, “खे़ङ्‌हाॽरे़ निङ्‌वाॽ खोमानु तगिए इग्र निमानु तगिए आनिगे खे़ङ्‌हाॽ फत्तुम्‍सिबे़आङ् खे़ङ्‌हाॽ से़रुम्‍सिम्‍बे़ हे़क्‍क्‍याङ् कन् याःम्‍बक्‍किन्‍नाङ् चोःक्‍मा मे़भाःक्‍तुम्‍सिम्‍बे़न्॥”

नहेम्‍याह 4:10

यहुदाबा मनाहाॽरे़ मे़बाःत्तुरो, “कक् के़गुबाहाॽ मे़न्‍धुम्‍मनाबा मे़बोङ्‌ल मे़बत्‍लो, हे़क्‍क्‍याङ् साप्‍चेःक्‍हाॽ यरिक् ने़रो, आनिॽ आप्‍फेक् लुङ्‌धाक्‍किन् से़प्‍मा आन्‍छुक्‍तुम्‍मिल्‍लो॥”

अयुब 5:12

इस्‍वाबाहाॽरे़ खुनिॽ निङ्‌सेःक्‍किन् खुने़ॽ हने़ थेनाधेबा चोगु पिरुसिरो, हे़क्‍क्‍याङ् खे़ङ्‌हाॽ कुसाङ् के़लबा मे़म्‍बोङ्‌ने़ल्‍लो॥

निङ्‌वाॽफु साम्‍लोसुम् 33:10

यहवे दाङ्‌बे़ल्‍ले़ इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽरे़ चोःक्‍मा मे़गोःत्तुबा याःम्‍बक्‍हाॽ फोःत्तु पिरुसिरो॥ हे़क्‍क्‍याङ् मे़सोःक्‍तुबा मे़इःत्तुबा पाःन्‍हाॽ कुसुम् मे़न्‍दम्‍मनाबा चोगु पिरुसिरो॥

खाहुन् 22:12

यहवे दाङ्‌बे़ल्‍ले़ नसान् के़ले़ङ्‌बाहाॽरे़ खुन्‍छिॽ पाःन्‍हाॽरे़ कुदक्‍ले़ङ्‌वाओ याःम्‍बक् चोक्‍लो, हे़क्‍क्‍याङ् से़क्‍खाबा पाःन्‍जाक्‍किन् से़ःप्‍तुरो॥