कर निङ्वाॽफुमाङ्ङिल्ले़ग इक्सादिङ् खाम्बेःक्मो सिक्कुम्दाङ्बा चोगिगे़ॽ के़लॽबाहाॽ सिरिङ्ममो थामासि फाॽआङ् अदङ् मे़मे़त्तुसिबाहाॽ सेगुसिरो॥ हे़क्क्याङ् इक्सादिङ् खाम्बेःक्मो आनिगे के़धुम्बा मुक्साम्दाङ्बा लॽरिक् के़इःप्पाहाॽ सिरिङ्ममो थामासि फाॽआङ् मे़न्धुम्मनाबा मे़मे़त्तुसिबाहाॽ सेगुसिरो॥
नहेम्याह 4:2 - लिम्बु2 खुने़ॽ कुन्देङ् कुन्जुम्हाॽ नु सामरि थक्सुबाहाॽरे़ खुनिॽ तगि पाःत्तु, “कन् कुसक्मा मे़न्याक्मनाबा यहुदिहाॽरे़ थे मे़जोगुबाबे? खे़ङ्हाॽरे़ ये़क्यक्किन् याम्मो मे़जोगुबाबि? खे़ङ्हाॽरे़ सिदुङ्जभा मे़दोन्दुआङ् थिक्याःन्ले़ चोःक्मा मे़सुरुबि? खे़न् मिगे़दिक्पा नु के़लुम्सिङ्बा ताम्जिॽ खाम्हिःक्कोलाम्बा खे़ङ्हाॽरे़ ये़क्यक् चोःक्मा लुङ्ङिन् लःत्तुम्बे़ लॽरिक् मे़बाःत्तुबि?” Gade chapit la |
नहेम्याह 4:2
17 Referans Kwoze
खे़न् ये़न्नो यहवे दाङ्बे़ल्ले़ यरुसले़म के़युङ्बाहाॽ ताङ्से़ःप्तुसिॽ, हे़क्क्याङ् खे़ङ्हाॽओ आत्तिन् के़रे़क्नुःल्ले़ मे़न्धुम्मनाबा चोक् खे़न् दाउदे़न् हे़क्तङ्बा पोङ्ॽ, हे़क्क्याङ् दाउदरे़ कुहिम्सयङ्हाॽ निङ्वाॽफुमाङ्ङिन् हे़क्तङ्बा मे़बोङ्ॽ, खे़ब्याङ् खे़ङ्हाॽरे़ खुन्छिॽ तगाङ् तगाङ् के़बेःक्पाहाॽ यहवे दाङ्बे़ल्ले़ कुमाङ्लाइङ्बा कुइसिक् मे़बोङ्लो॥
यहवे दाङ्बाए, खे़ने़ॽ के़मिङ्सो के़धाङ्सोन् आङ्गाॽ खे़प्सुङ्ङाङ् वाॽआरो, यहवे दाङ्बाए, खे़ने़ॽ के़याःम्बक्हाॽ खे़प्सुङ्लो हे़क्क्याङ् आङ्गाॽ साॽरिक् आनिङ्वाॽ मारो॥ आनिगे ये़न्नो खे़ङ्हाॽ खे़ने़ॽ कुसङ् चोगे़ॽओ हे़क्क्याङ् खे़ङ्हाॽ आनिगे ओसेन् आधाक्ते़ॽओ आनिगे ये़म्मो खे़ङ्हाॽ कुसिङ् निःप्मा आबाङ्घे़ॽओ, साॽरिक् के़साक्के़न् पोःक्पा ये़म्मो लुङ्माॽ आदुक्ते़ॽओ॥
खे़न् ये़न्नो खे़ङ्हाॽरे़ यरिक् सिदुङ्जभा मे़दोन्दु॥ मनाहाॽ साॽरिक् मे़सःत्ते़, थेआङ्भे़ल्ले़ निङ्वाॽफुमाङ्ङिल्ले़ खे़ङ्हाॽ चाॽरिक् खुनिॽ निङ्वाॽ त्ये़र चोगुसिआङ् वये़॥ मे़न्छुमाहाॽ नु हिन्जाॽ पित्छाॽहाॽरे़आङ् सःप्मा ससाङ्स्रोत् मे़जोगु॥ खे़ङ्हाॽ मे़सःत्ते़बा इक्लान् यरिक् माःङ्घा थारिक् खे़म्दे़त्ते़रो॥
यरुसले़ःम्बा लुङ्धाक्किन् मे़दोन्दुबा ये़म्मो तुःङ्गेहाॽ नु खित्चिङ् खित्चिङ् के़लॽबा मुक्लाहाॽ मे़मुक्खु हे़क्क्याङ् सिक्समे़र नुगे़न् तोःम्मा से़वासाम्लोन् साम्मे़प्मारे़ लागि वेॽ वेॽ ते़न्नो के़युङ्बा ले़बिहाॽ खे़ङ्हाॽ मे़युङे़बादे़न्नोलाम् यरुसले़ःम्मो मे़सुप्सु मे़दारुसि॥
“हिजकियान् यहुदाबा हाङ् वये़ल्ले़ मोरेसेतलाम् के़दाबा माङ्निङ्वाॽपान् के़बाःप्पा मिकाःल्ले़ के़रे़क् मनाहाॽ कन् कुबाःन्जाक्किन् अक्खे मे़त्तुसि, मुक्साम्दाङ्बा यहवे दाङ्बे़ल्ले़ अक्खे पाःत्तुरो, “‘इक्ताप्पिन् के़क्चु थोङ्मनाबा हे़क्के सियोने़न् मे़दोःक्खुरो, यरुसले़ःम्मिन् लुःन्नाङ् लुङ्सिङ्हाॽ लुम्सिङ्लो हे़क्क्याङ् माङ्हिम्मोबा कोःक्मा फाङ्जङ्हाॽ ताम्भुङ् पोःक्ला के़बोबा के़धाङ्बा थुप्थाॽ कुइसिक् पोङ्लो॥’
“आङ्गाॽ सेगुङ्सिङ्बा ने़त्छि हिम्सयङ् इस्राइल नु यहुदान् आङ्गाॽए लाप्फुसुङ्सिङ्ङाङ् वाॽ फाॽआङ् आक्खेलॽरिक् मनाहाॽरे़ मे़बाःत्तुर मे़बत्, खे़न् थे खे़निॽ के़घे़प्सुम्बि? खे़ल्ले़चोगुल्ले़ खे़ङ्हाॽरे़ आङ्गाॽ आमनाहाॽ मे़जिःत्तुसिर ओमे़मे़त्तुसिॽ हे़क्क्याङ् खे़ङ्हाॽ लत्थिक् सुवाङ्सि फाॽआङ् मे़न्इःत्तुसिन्॥
माङ्हिम् चोःक्मा याःम्बक्किन् चबे़ःत्छिक्लक् पोङ्ङिल्ले़ मनाहाॽ खुन्छिॽ सिक्खे़ङ् कर यरुबाबेलरे़ कुहुक्को कुसिःक्मा खिःन् मे़निसुल्ले़ खे़ङ्हाॽ मे़सःत्॥ माङ्लाइङ्बे़ल्ले़ मे़त्ताङ्, “कन् नुसि सेमिहाॽ यहवे दाङ्बे़ल्ले़ कुमिक्लो, खे़न् मिक्हाॽरे़ के़रे़क् इक्सादिङ् खाम्बेःक्मो ओमे़मे़त्तुआङ् पत्लो॥”
कन् पाःन्नो निङ्वाॽ पिरे़ॽ हे़क्क्याङ् कुसिङ्निःत्ते़ॽ, यरुसले़ःम्मिन् याम्मो चोःक्मा नु याम्मो तोःम्मारे़ लागि कन् इङ्जाङ्ङिन् इङ्भन् पोःक्खे़बा ये़म्माङ्धो माङ्थोःक्ना के़बोङ्बा मनान्, इग्र युक्साबा थिक् मे़न्दाए थारिक्, नुसि ‘नुसिहाॽ’ नु तुक्पोङ्ङाङ् ने़त्छि ‘नुसिहाॽ’ पोङ्ॽ॥ माराम्हाॽ नु ये़क्यक् कब्रिङ् पाक्लुम् के़लॽबा ते़न्हाॽ सोसोरिक् कन् याम्मो मे़जोगुॽ, कर तुक्खेलाक्खेबा ये़म् पोङ्ॽ॥
Piblisite