नहेम्‍याह 4:1 - लिम्‍बु

¹ लुङ्‌धाक्‍किन् आनिगे चोःक्‍मा हेःक्‍तुम्‍बे़बा सन्‍बलतरे़ खे़प्‍सुआङ् खुने़ॽ साॽरिक् कुसिक् पोगे़ हे़क्‍क्‍याङ् यहुदिहाॽ कुनामे़न्‍छाॽ मे़प्‍मा हेःक्‍तुसि॥

नहेम्‍याह 4:1 Referans Kwoze

हिब्रु 11:36

कुभाग हिनाःम् मे़मे़त्तुसिआङ् ते़ःम्‍भुक् मे़याक्‍तुसि, कुभाग इमे़घेःक्‍खुसिआङ् पुङ्‌लाहिम्‍मो मे़साक्‍तुसिरो॥

नहेम्‍याह 2:10

कर बेथ-होरोन ये़क्‌यक्‍को के़युङ्‌बा सन्‍बलत नु अम्‍मोन ते़ङ्‌गप्‍पोबा तोबिया मिङ् के़वाःप्‍पा सुहाङ्‌युक्‍पा ने़त्‍छि इस्राइलबा मनाहाॽरे़ खुनिॽ नुरिक् मे़त्‍छे़ कुभा मनाधिक् त्‍ये़आङ् वाॽ के़लॽबा पान् खे़प्‍से़सुआङ् खुन्‍छिॽ साॽरिक् याःक्‍ले़ॽरे़॥

सेःक्‌युक्‍मिबाहाॽ 5:17

हे़क्‍क्‍याङ् मानिङ्‌वाॽफुसाम्‍बा नु सदुकि लक्‍कोबा खुने़ॽ कुन्‍जुम्‍हाॽरे़ सेःक्‌युक्‍मिबाहाॽ साॽरिक् नामे़हे़त्तुसि॥

नहेम्‍याह 2:19

कर बेथ-होरोनबा सन्‍बलत, अम्‍मोनबा तोबिया नु गेसेम मिङ् के़वाःप्‍पा अरबिधिक्‍ले़ आनिगे थे चोःक्‍मा इःत्तुम्‍बे़आङ् वाॽ के़लॽबान् मे़घे़प्‍सु, हे़क्‍क्‍याङ् खे़ङ्‌हाॽरे़ आनिगे कुनामे़न्‍छाॽ मे़मे़त्तिगे़आङ् मे़बाःत्तु, “खिनिॽ थे चोःक्‍मा के़इःत्तुम्‍माङ् के़वयि? थे खिनिॽ हाङ्‌ङिल्‍ले़ कुदक्‍ले़ङ्‌वाओ पिफ्‍युङ् के़जोगुम्‍बाबि?”

मत्ति 27:29

हे़क्‍क्‍याङ् तिङ्‌ग्रेक्‍किल्‍ले़न् तिचः मे़भयुआङ् कुधे़गेःक्‍पो मे़घुःक्‍तु॥ हे़क्‍क्‍याङ् खे़ङ्‌हाॽरे़ तक्‍काःत्तिन् कुजुप्‍साङ् हुक्‍को मे़भत्‍छुआङ् कुदगि थुङ्‌बोहजॽ मे़युङ्‌सिङ्‌ल अक्‍खेलॽरिक् किनाःन्‍दि मे़बिरु, “यहुदि हाङ्‌ङे, तियाहा!”

मत्ति 2:16

आल्‍ल हे़रोद हाङ्‌ङिल्‍ले़ सिक्‍कुम्‍निबा खागे़इक्‍पाहाॽरे़ हे़क्‍केलॽरिक् खुने़ॽ इङ्‌मे़ले़क्‍तुआङ् वेॽ लाम् मे़बेबा निङ्‌वाॽ खोसुआङ् साॽरिक् कुसिक् पोगे़रो॥ खे़ल्‍ले़चोगुल्‍ले़ थक्‍सुबाहाॽ पाङ्‌घुसिआङ् बेथले़हे़म नु खे़न् खिरिबा तङ्‌बे ने़त्‍छिआङ् योबा ये़म्‍बित्‍छाॽ अङे़ःक्‌वा साहाॽ के़रे़क् से़प्‍पाङ्‌घुसिरो॥ थेआङ्‌भे़ल्‍ले़ खे़न् सिक्‍कुम्‍निबा खागे़इक्‍पाहाॽलाम् खेःम्‍सिक्‍पान् तङ्‌बे ने़त्‍छिआङ्‌धो तगि थाःम्‍सिङ्‌बा निङ्‌वाॽ खोसुआङ् वये़रो॥

नहेम्‍याह 6:15

ङाबोङ्‌ङाङ् ने़त्‍छि ये़न् थारिक् याःम्‍बक् चोःक्‍मना हे़क्‍क्‍याङ् एलुल मे़प्‍मनाबा लाःल्‍ले़ निबोङ्‌ङाङ् ङासिगेक्‍पा ये़न्‍नो लुङ्‌धाक् से़प्‍मा याःम्‍बक्‍किन् के़रे़क् चुरे़॥

नहेम्‍याह 6:16

कन् पाःन्‍निन् आनिगे निङ्‌मिहाॽरे़ मे़घे़प्‍सु, हे़क्‍केःल्‍ले़ खिरिबा लाजेॽओ के़युङ्‌बा के़रे़क् मे़न्‍छाम् सुवाङ्‌हाॽ मे़गिसे़आङ् खुनिॽ साॽइयगे़, थेआङ्‌भे़ल्‍ले़ कन् याःम्‍बक्‍किन् आनिगे निङ्‌वाॽफुमाङ्‌ङिल्‍ले़ फाॽरिगे़आङ् चोःक्‍मा सुरुम्‍बे़बा के़लॽबान् खे़ङ्‌हाॽरे़ कुसिङ् मे़निःत्तु॥

नहेम्‍याह 13:28

तुम् निङ्‌वाॽफुसाम्‍बा एल्‍यासिबरे़ कुस्‍सा योयादाःल्‍ले़ कुस्‍साधिक्‍ले़ बेथ-होरोन के़युङ्‌बा सन्‍बलतरे़ कुस्‍सा मे़न्‍छुमान् ते़न्‍धाम् मेःक्‍खिम् मे़त्तुआङ् वये़॥ खे़ल्‍ले़चोगुल्‍ले़ आङ्‌गाॽ योयादान् यरुसले़ःम्‍मिन् ले़प्‍मा पाङ्‌घुङ्॥

यर्मिया 38:19

हाङ्‌ङिल्‍ले़ पाःत्तु, “कर आङ्‌गाॽ हुक्‍सुप्‍सिङ्‌मा किआ सिआ, थेआङ्‌भे़ल्‍ले़ खुन्‍छिॽ ले़प्‍माङ् के़लाःप्‍पा यहुदाबा मनाहाॽ बेबिलोनिहाॽरे़ हुक्‍मे़सुप्‍पाबिला॥ खे़ब्‍याङ् खे़ङ्‌हाॽरे़ थे़मा मे़मे़त्ता खे़न् हाःत्‍ले़ निसुबे!”