नहेम्याह 1:9 - लिम्बु9 कर खिनिॽ आङ्गाॽ ले़प्साङ् के़नुःक्खि के़द्ये़ॽयिआङ् आङ्गाॽ आइङ्जाङ्ङिन् इःप्मा नाःप्मा के़दे़न्दिने़भग्र आङ्गाॽ सेगुङ्बा सेसे माङ्से़वा मे़जोःक्काबादे़न्नो खिनिॽ नुःक्निङ् ताःत्निङ्लो॥ इक्सादिङ् खाम्बेःक्माल्ले़ कुसुक्पो थारिक् खिनिॽ के़से़रिआङ् के़वयिसाङ् आङ्गाॽ खिनिॽ नुःक्निङ् ताःत्निङ्॥’ Gade chapit la |
नहेम्याह 1:9
28 Referans Kwoze
निङ्वाॽफुमाङ्ङिल्ले़ खुने़ॽ माङ्से़वा मे़प्मा ते़न् चोःक्मारे़ लागि यरुसले़ःम्मिन् सेगु, कन् इङ्जाङ्ङिन् के़भेःम्बा नु माङ्हिम्मिन् खाप्पुथ्यःङ् चोःक्मा के़गोःप्पा आत्तिन् हाङ्ङिन्छाङ् इग्र सुवाङ्ङिन्छाङ् खुने़ॽ मे़क्खुर॥ आङ्गाॽ दारा हाङ्ङिल्ले़ कन् इङ्जाङ्ङिन् पिनिङ्॥ कन् के़रे़क्ले़ मे़इःत्तु मे़नाःत्तुर पोङ्लो॥”
“मे़न्छाम् सुवाङ्से, यहवे दाङ्बे़ल्ले़ कुइङ्घङ्ङिन् खे़प्से़म्मे़ॽओ हे़क्क्याङ् माःङ्घा माःङ्घा वरःङ्ङिल्ले़ कुयाओ थारिक्पा आङ्गाॽ आबाःन्जाक्किन् साॽरिक् इङ्भन् चोगे़म्मे़ॽओ॥ आङ्गाॽ आमनाहाॽ फुत्छिङ्ज्याःङ् से़सुङ्सिङ्लो कर आङ्गाॽ खे़ङ्हाॽ सुप्सुङ्सिङ्लो हे़क्क्याङ् पित्कम्बाहाॽरे़ पित्हाॽ कम्ब्राङ् मे़मे़त्तुसिबा हे़क्के खे़ङ्हाॽ कम्ब्राङ् मे़त्तुङ्सिङ्लो॥
यहवे दाङ्बे़ल्ले़ खुने़ॽ मे़त्तुरो, “खे़ने़ॽ आङ्गाॽ आदगि के़दोःन्दुबा तुवान् नु पेलि के़भाक्ताङ्बान् आङ्गाॽ खे़प्सुङ्॥ खे़ने़ॽ के़जोगुबा कन् माङ्हिम्मिन् आङ्गाॽ सेसे चोगुङ्ङाङ् युङ्ॽ, हे़क्क्याङ् सदादिङ्ले़ लागि आङ्गाॽ आमिङ्ङिन् कॽयो युक्खुङ्ङाङ् युङ्ॽ॥ आङ्गाॽ आमिक्किन् नु आङ्गाॽ आयाम्साम्मिन् आभे़ल्ले़साङ् खे़प्मो वाॽ॥
अक्खे लॽरे़म्मे़ॽआङ् अःक्ते़म्मे़ॽओ, “आनिगे से़न्लप्दाङ्बा निङ्वाॽफुमाङ्ङे, आनिगे याप्मि ताङ्आसे़ःप्ते़ॽओ॥ आनिगे याप्मि सोरिक् आभुक्खे़ॽओ, हे़क्क्याङ् मे़न्छाम् सुवाङ्हाॽलाम् आसे़ःप्ते़ॽओ, हे़क्केलॽरिक् के़सेसे मिङ्ङो नुगे़न् तोःम्मा सुक्तुम्बे़ररो, हम्भ्याङ् के़नारा फोमाओ आनिगे ने़बो पत्लरो॥”
यहवे दाङ्बा खिनिॽ निङ्वाॽफुमाङ्ङिल्ले़ आप्फेक् कुमिङ् युङ्मारे़ लागि लत्छा ते़न् खुने़ॽ सेगुॽ, खे़न् माःङ्ने़भग्र, यहवे दाङ्बा खिनिॽ निङ्वाॽफुमाङ्ङिल्ले़ के़बिरिबा पित्थक्सा नु मे़ल्लुक् मे़ःन्दाहाॽ से़रे़म्सिम्मे़ॽ, खे़ब्याङ् आङ्गाॽ इङ्जाङ् पिनिङ्बा कुइसिक् आप्फेक् ये़क्यक्को चाहा के़जोगिबा यारिक् चे़म्मे़ॽ॥
हे़क्क्याङ् खे़ङ्हाॽ के़दे़म्बा के़देॽबा खुन्छिॽ निङ्मिहाॽरे़ खुनिॽ लाजेॽओ खे़ङ्हाॽ याम्मो खुन्छिॽ के़रे़क् सिक्लुङ्माॽ नु के़रे़क् निङ्वाॽरे़ खे़ने़ॽ ले़प्माङ् मे़नुःङ्ङाङ् खुन्छिॽ पाधे़बाहाॽ खे़ने़ॽ के़बिरुसिबा लाजेॽओ नु खे़ने़ॽ के़सेगुबा कन् ये़क्यक्को हे़क्क्याङ् खे़ने़ॽ के़मिङ्ङिल्ले़ लागि आङ्गाॽ चोगुङ्बा कन् माङ्हिम् ले़प्माङ् मे़हिसिङ्ङाङ् खे़ने़ॽ पेलि के़म्भाक्ने़भग्र,
Piblisite