नहेम्‍याह 1:8 - लिम्‍बु

⁸ “खे़ने़ॽ निङ्‌वाॽफुमाङ्‌ङिल्‍ले़ अक्‍खेलॽरिक् मोसान् के़बिरुबा के़बाःन्‍जाःक्‍किन् निङ्‌वाॽ इःत्ते़ॽओ, ‘खिनिॽ नसान् के़ले़ङ्‌बा के़बोक्‍खिने़भग्र आङ्‌गाॽ खिनिॽ वेॽ सुवाङ्‌हाॽरे़ खुनिॽ लुम्‍मो के़रे़क् पिसाङ् से़निङ्‌देनिङ्‌लो॥

नहेम्‍याह 1:8 Referans Kwoze

साम्‌योथिम् इङ् 28:64

खे़ब्‍याङ् इक्‍सादिङ् खाम्‍बेःक्‍माल्‍ले़ लत्‍छा कुयाओनु वेॽसमा कुयाओ थारिक् वेॽ वेॽ मे़न्‍छाम् सुवाङ्‌हाॽरे़ खुन्‍छिॽ लुम्‍मो यहवे दाङ्‌बे़ल्‍ले़ खिनिॽ फुत्‍छिङ्‌ज्‍याङ् के़से़सिॽ॥ खे़प्‍मो खिनिॽआङ् कुसिङ् के़न्‍निःत्तुम्‍सिम्‍मिन्‍बा हे़क्‍क्‍याङ् खिनिॽ पाधे़बाहाॽरे़आङ् कुसिङ् मे़न्‍निःत्तुसिन्‍बा सिङ् नु लुङ्‌लाम् मे़जोगुसिबा वेॽ माङ्‌हाॽ खिनिॽ से़वा के़मे़त्तुम्‍सिम्‌ॽ॥

लुका 1:72

आनिॽ थाःक्‍थे़बाहाॽ लुङ्‌गुम् ओसेःन्‍धाक्‍मासि फाॽआङ् माङ्‌हुप्‍पिन् निङ्‌वाॽ इःत्तु॥

निङ्‌वाॽफु साम्‍लोसुम् 119:49

आङ्‌गाॽ के़से़वारोबान्‍नु माङ्‌हुप् के़जोगुबान् निङ्‌वाॽ इःत्ते़ॽओ, खे़ल्‍ले़ आङ्‌गाॽ हाङ्‌हाङ् मे़त्ताङ्‌ङाङ् वाॽरो॥

इजकिएल 22:15

इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽरे़ खुन्‍छिॽ लुम्‍मो आङ्‌गाॽ खिनिॽ फुत्‍छिङ्‌ज्‍याङ् से़निङ्‌देनिङ्‌ॽ खे़ब्‍याङ् खिनिॽ आसुत्‍थो पाःन्‍हाॽ नुप्‍सुङ् पिनिङ्‌ॽ॥

इजकिएल 5:10

पामाहाॽरे़ खुन्‍छिॽ आप्‍फेक् साहाॽ मे़जसिॽ, हे़क्‍क्‍याङ् साहाॽरे़ खुन्‍छिॽ पामाहाॽ मे़जसिॽ॥ आङ्‌गाॽ खिनिॽ खुम्‍दिङ् पिनिङ्‌ॽ हे़क्‍क्‍याङ् चबे़ःत्‍छिक् के़हिङ्‌बाआङ् के़वाॽबाहाॽ सुरित् केजङ्‌ङो फुत्‍लुम् थ्‍यःङ् से़निङ्‌देनिङ्‌ॽ॥

इजकिएल 6:8

“कर आङ्‌गाॽ चबे़ःत्‍छिक् आमनाहाॽ खाप्‍पुथ्‍यःङ् पोङ्‌मालाम् मे़घे़त्‍छिङ्‌ल याःन्‍दुङ्‌सिङ्‌ॽ, हे़क्‍क्‍याङ् खे़ङ्‌हाॽ इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽरे़ खुन्‍छिॽ लुम्‍मो फुत्‍छिङ्‌ज्‍याङ् मे़से़रो॥