खे़ने़ॽ के़इङ्जाङ्ङिन् इःप्मा नाःप्मा मे़न्दे़न्ने़न्नाङ् के़रे़क् इस्राइलिहाॽरे़ खे़ने़ॽ के़साम्योथिम् इङ्जाङ्हाॽ मे़भेःन्दुआङ् वाॽ हे़क्क्याङ् खे़ने़ॽलाम् माःङ्घा मे़बोःक्खे़आङ् मे़वाॽ॥ “खे़ल्ले़चोगुल्ले़ निङ्वाॽफुमाङ्ङिल्ले़ के़से़वारोबा मोसाःल्ले़ कुसाम्योथिम्मो साप्ते़आङ् के़बप्पा साक्मुरा माङ्देहाॽ नु माङ्हे़क् निःन्धो के़बोङ्बा पाःन्हाॽ आनिगे सम्धाङ् थ्ये़आङ् वाॽ, थेआङ्भे़ल्ले़ आनिगे खे़ने़ॽ के़दक्ले़ङ्वाओ लायो चोगुम्बे़आङ् वाॽ॥
नहेम्याह 1:7 - लिम्बु7 आनिगे खे़ने़ॽ के़दक्ले़ङ्वाओ साॽरिक् ताप्फे़ःम्बा याःम्बक् चोगुम्बे़आङ् वयिगे़॥ हे़क्क्याङ् खे़ने़ॽ आबाङे के़से़वारोबा मोसालाम्बा आनिगे याप्मि के़बिरे़बा साम्यो साक्थिम्हाॽ आनिगे मे़न्इःत्ते मे़न्नाःत्ते वयिगे़रो॥ Gade chapit la |
नहेम्याह 1:7
24 Referans Kwoze
थेआङ्भे़ल्ले़ कुघासे़न्निङ्ग से़क्खाबा नु नुबा चोक्लो, हे़क्क्याङ् याम्बोःप्मा कुयाःम्बक्किल्ले़ इक्सादिङ् खाम्बेःक्मान् के़जिःम्मा खे़न् पयम् यम्मा के़त्निमान् खुम्दिङ् पिरुरो॥ निङ्वाॽफुमाङ्ङिल्ले़ कुसे़वारोबाहाॽ खे़ल्ले़ से़रुसिबाल्ले़ चोगुल्ले़ खे़न् खुम्दिङ् पिरुआङ् वाॽरो॥”
आङ्गाॽ ये़क्यक्किन् अक्खे मे़त्तुङ्लो, ‘से़क्खासाङ् खे़ने़ॽ आङ्गाॽ के़गित्तार पोङ्लो, आङ्गाॽ आहे़न्थिम्मिन् के़दाःक्तुर पोङ्लो॥ खे़ब्याङ् खे़ने़ॽ कुयुक्नान् मे़मे़क्ने़न्लो, हे़क्क्याङ् आङ्गाॽ के़रे़क् आघुम्दिङ्हाॽ खे़ने़ॽ के़सम्धाङ् मे़जुक्ने़न्लो॥’ कर के़रे़क् फे़त्लाॽमा इसेःङ्बा याःम्बक्हाॽ चोःक्मारे़ लागि खे़ङ्हाॽ आल्लसाङ् यरिक् खुन्छिॽ सिक्समे़रो॥”
कन् ए़ज्रान् बेबिलोनलाम् के़भे़म्बा यहवे दाङ्बा इस्राइलबा निङ्वाॽफुमाङ्ङिल्ले़ मोसाःन्लाम् इस्राइलिहाॽ पिरुसिबा साम्योथिम् इङ्जाङ्हाॽ के़रे़क् साम्जिक् निङ्वाॽ के़गप्पा साम्योथिम्साम्बा वये़॥ यहवे दाङ्बा निङ्वाॽफुमाङ्ङिल्ले़ कुहुक्किन् ए़ज्राःल्ले़ कुसम्धाङ् पत्छे़बाल्ले़ चोगुल्ले़ खुने़ॽ नाःक्तुबा के़रे़क् पाःन्हाॽ पयम् हाङ्ङिल्ले़ खुने़ॽ पिरु॥
कर खुने़ॽ मोसाःल्ले़ कुसाम्योथिम् इङ्जाङ्ङो “पानुदिङ् पाहाॽ खुन्छिॽ साएहाॽरे़ लागि नु साएहाॽ पानुदिङ् पाहाॽरे़ लागि से़प्मासि मेःन्, के़रे़क् मनाहाॽ खुन्छिॽ आप्फेक् लायोओ मे़सिर” लॽरिक् साप्ते़आङ् के़बप्पा यहवे दाङ्बे़ल्ले़ कुइङ्जाङ्ङिन् इःत्तु नाःत्तुआङ् खे़ङ्हाॽरे़ खुन्छिॽ साहाॽग मे़स्ये़रुसिन्लो॥
हे़क्क्याङ् यहवे दाङ्बा खे़ने़ॽ के़निङ्वाॽफुमाङ्ङिल्ले़ कुयाःम्बक्हाॽ के़त्ल चोगे़ॽ—खुने़ॽ कुलाम्मो लाङ्घेगे़ॽ, मोसाःल्ले़ कुसाम्योथिम् इङ्जाङ्ङो साप्ते़आङ् के़बप्पा खुने़ॽ कुधिम्हाॽ नु कुइङ्जाङ्हाॽ, खुने़ॽ कुभाङ्हाॽ नु कुइङ्जाङ्हाॽ इःत्ते़ नाःत्ते़ॽ, हे़क्केलॽरिक् खे़ने़ॽ थेधे के़जोगुॽ हे़क्क्याङ् आत्तान् आत्तान् के़बेक्, खे़प्मो खे़ने़ॽ के़नुॽ के़दाररो,
नाॽराङ्स्याङ्, लायोबा सुवाङ्, आप्तिक्साबा मनाहाॽ, ताप्फे़ःम्बा याःम्बक् के़जोःक्पाहाॽरे़ खुन्छिॽ साहाॽ, हे़क्क्याङ् स्वाःत्ताङ् सुरुत्याङ् के़जाबाहाॽरे़ खुन्छिॽ थिन्दाङ् सायोबोराहाॽ! खे़ङ्हाॽरे़ यहवे दाङ्बे़न् मे़नाॽरुआङ् वाॽरो, खे़ङ्हाॽरे़ इस्राइलबा सेसेबे़न् कुनामे़न्छाॽ मे़मे़त्तुरो हे़क्क्याङ् एःक्मे़मे़त्तुआङ् मे़वाॽरो॥
Piblisite