हे़क्केःल्ले़ कुनुप्मो आङ्गाॽ खे़ङ्हाॽ मे़त्तुङ्सिङ्, “ओमे़त्ते़म्मे़ॽ, आनिॽ आक्तङ्बा तुक्खेओ आवाॽ, यरुसले़ःम्मिन् लुःन्दे़आङ् ने़ःॽ, खे़ॽयोबा लाम्धेःप्पाहाॽ मिःल्ले़ खाप्पुथ्यःङ् पोःक्खे़आङ् ने़ःॽ॥ आल्ल, ये़क्यक्कोबा लुङ्धाक्हाॽ याम्मो से़त्तुम्माङ् कुसङ् चोगुम् हे़क्क्याङ् आनिॽ नाधामा मे़बोङ्ने़ल्ल॥”
नहेम्याह 1:3 - लिम्बु3 खे़न् पुङ्लाहिम्लाम्बा के़हिङ्बाआङ् यहुदा ते़ङ्गप्पो के़नुःङ्बा के़भे़म्बा यहुदिहाॽ पयम् यम्बा सिरिङ्ममो मे़ध्ये़आङ् मे़याक्॥ यरुसले़ःम्बा लुङ्धाक्हाॽ लुःन्दे़आङ् ने़ःॽ हे़क्क्याङ् मिःल्ले़ खाप्पुथ्यःङ् पोःक्खे़बा ये़न्नाङ्धो आइन् थारिक् खे़ॽयोबा यम्बा लाम्धेःप्पाहाॽ मे़न्जोःक्के ने़रो फाॽआङ् खे़ङ्हाॽरे़ आङ्गाॽ मे़मे़त्ताङ्॥ Gade chapit la |
नहेम्याह 1:3
33 Referans Kwoze
नाम्धा ले़प्माङ्बा ने़ने़बाओबा यम्बा लाम्धाःप्पोलाम् आङ्गाॽ से़न्दिक् ये़क्यक्लाम्बा लःन्दाङ्॥ योहाङ् ले़प्माङ् आजाजाबा मे़प्मनाबा वाबुन्निन् ले़क्तुङ्ङाङ् आङ्गाॽ ताम् लाप्फेमा यम्बा लाम्धाःत् थारिक् पेगाङ्॥ लाम्मो आङ्गाॽ ये़क्यक्कोबा के़लुःम्बा लुङ्धाक् नु मिःल्ले़ मिधिक्खुबा यम्बा लाम्धेःप्पाहाॽ ओमे़त्तुङ्ङाङ् अक्खे साॽरुङ्॥
“यहुदा ते़ङ्गप्पो आनिगे पेगिगे़ हे़क्क्याङ् पयम् यम्बा निङ्वाॽफुमाङ्ङिल्ले़ कुहिम्मिन् मे़जोगुर मे़यागे़बा निसुम्बे़॥ कन् पाःन्निन् आदाङ्बा पयम् यम्बा हाङ्ङिल्ले़ कुसिङ् के़निःत्तुर के़लॽबा निङ्वाॽ इःत्तुम्बे़॥ यम्बयम्बा लुङ्हाॽ मे़से़त्तुर लुङ्धाक्को पे़रे़म्सिङ्हाॽ मे़याक्तुर मे़यागे़॥ साॽरिक् सिङ्सिङ् ये़क्ये़क्काङ् याःम्बक्किन् पोङ्ल पत् खे़ब्याङ् चक्मे़ल्लॽए तगि पोर पत्॥
यरुसले़ःम्मिल्ले़ कुदुक्खे नु कुलाक्खेबा ये़न्नो उन्छोन् तुमुबा के़रे़क् इमे़ल्लुङ्बा पाःन्हाॽ निङ्वाॽ इःत्तुरो॥ खुने़ॽ कुमनाहाॽ निङ्मिहाॽरे़ खुन्छिॽ हुक्को मे़ध्ये़ःल्ले़, खे़न् के़भाॽबा आत्तिन्नाङ् होःप्ते़रो, खुने़ॽ कुनिङ्मिहाॽरे़ खे़न् ओमे़मे़त्तुरो, हे़क्क्याङ् खे़न् खाप्पुथ्यःङ् पोःक्खे़बाओ किनाःन्दि मे़बिरुरो॥
“मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आक्खेलॽरिक् आङ्गाॽ आसिक् पोःक्मे़न् नु साॽरिक् आयाःक्ले़ॽमान् यरुसले़ःम्बा मनाहाॽरे़ खुन्छिॽ सम्धाङ् थ्ये़आङ् वये़, हे़क्केलॽरिक्के खिनिॽ मिस्र लाजेॽओ के़लासिल्ले़ खे़न् आङ्गाॽ साॽरिक् आसिक् पोःक्मे़न् नु आयाःक्ले़ॽमान् खिनिॽ सम्धाङ् थारो॥ मे़क्मासिमा, किप्मागे़घुबा, माङ्दे साङ्ग्रा नु चे़क्या इङ्दो पाःन्निल्ले़ आप्तिक् चाहाक् के़बोःक्खिॽ॥ हे़क्क्याङ् खिनिॽ आबाङे लाजेन् खिनिॽ याम्मो आभे़ल्ले़आङ् के़न्निसुम्मिन्ॽ॥’
आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ पुबेलाप्सा नाःत्तुङ्सिङ्ॽ हे़क्क्याङ् खाम्बेःक्मोबा के़रे़क् मे़न्छाम् सुवाङ्हाॽरे़ खे़न् मे़निसुआङ् यङ्मा किमाओ मे़धारो॥ फुत्छिङ्ज्याङ् चोगुङ्सिङ्ङाङ् आङ्गाॽ आत्तातान् इमे़न्नि खामे़न्नि खे़ङ्हाॽ पाङ्घुङ्सिङ्ॽ, खे़ङ्हाॽरे़ मे़दुमुबा याक्नाम्मिन् मे़निसुआङ् मनाहाॽ हाब् मे़ले़क्काङ् पगि मे़गिरो॥ मनाहाॽरे़ खे़ङ्हाॽ किनाःन्दि मे़बिरुसि हे़क्क्याङ् खे़ङ्हाॽ मिङ् मे़लोःक्तुसिआङ् माङ्दे साक्मुरा मे़मे़त्तुसिॽ॥
आल्ल आङ्गाॽ आजे़ल्ले़क्सेॽ इक्किन् थे़मा चोगुङ्ॽ, आङ्गाॽ खे़ल्ले़ कुयाःम्बेओ खे़निॽ मे़त्निङ्लो— आङ्गाॽ खे़ॽयो फाङ्मनाआङ् के़बप्पा कुधेःक्माहाॽ हाॽयाक् वयाक् आःक्खुङ्देसुङ्लो, हे़क्क्याङ् खे़न् खाप्पुथ्यःङ् पोङ्लो॥ खे़न् चे़ल्ले़क्सेॽ इक्किन् थेःक्मारे़ लागि से़प्मनाबा लुङ्धाक्हाॽ लुःन्दुङ्देसुङ्लो, खे़म्ब्याङ् खे़न् चे़ल्ले़क्सेॽ इक्किन् चिराक् चिराक् मे़लाःक्तुरो॥
मे़दे़म्सु मे़देॽरुसिआङ् के़वाॽबा यरिक् यहुदिहाॽ बेबिलोन ते़ङ्गपलाम्बा यरुसले़म नु यहुदाओ मे़नुःक्खे़ हे़क्क्याङ् खुन्छिॽ आबाङे ये़क्यक्हाॽओ मे़बे॥ नबुकदनेसर हाङ्ङिल्ले़ ते़म्सु तेॽरुसिबा ये़म्माङ्धो खे़न् ये़म्मो थारिक् खे़ङ्हाॽरे़ खुन्छिॽ हिम्सयङ्हाॽ बेबिलोनओ मे़याःक्ते़आङ् मे़वये़॥
यम्बा लाम्धेःत्हाॽ खाम्बाङ्ङो निमे़रो, खुने़ॽ खे़ल्ले़ कुए़प्माहाॽ यसुआङ् कुम्जिक्मा चोगुरो॥ हाङ्ङिन् नु लाम्लोबाहाॽ वेॽ मे़न्छाम् सुवाङ्हाॽरे़ खुन्छिॽ लुम्मो लाजेॽलाम् मे़लःत्तु मे़देॽरुसिआङ् मे़वाॽरो, हे़क्क्याङ् साम्योथिम् इङ्जाङ्ङिन् मे़न्हुॽरुन्सिन्लो॥ खे़ब्याङ् खे़ल्ले़ कुमाङ्निङ्वाॽपान् के़बाःप्पाहाॽरे़आङ् यहवे दाङ्बे़न्लाम् थे़माआङ् सुफो मे़ङ्घोसुन्लो॥
खे़ङ्हाॽरे़ यहवे दाङ्बे़ल्ले़ कुहिम्मे़न् फुत्लुम् मिमे़धिक्खु मे़देसु हे़क्क्याङ् यरुसले़म ये़क्यक्कोबा लुङ्धाक्किन् मे़लुःन्दु मे़देसु॥ खे़ङ्हाॽरे़ ये़क्यक्कोबा यम्बयम्बा हिम्हाॽ के़रे़क् मिमे़धिक्खु मे़देसु खम्भ्याङ् खे़प्मोबा के़रे़क् कुमे़न् के़घिःक्पा चिगक्वा सामाहाॽ खाप्पुथ्यःङ् मे़जोगु॥
Piblisite