नहेम्याह 1:11 - लिम्बु11 यहवे दाङ्बाए, आङ्गाॽ चोगुङ्बा तुवान् खे़प्से़ॽओ॥ खे़ने़ॽ मिङ्सो इङ्धाङ् पिमा निङ्वाॽ के़जोःक्पा खे़ने़ॽ के़से़वारोबाहाॽरे़ खुनिॽ पेलिओ निङ्वाॽ पिरे़ॽओ॥ आङ्गाॽ आइन् कुलिङ्दो के़त्ताङ्ङे़ॽओ हे़क्क्याङ् हाङ्ङिन् आङ्गाॽ लुङ्माॽ तुक्कार याःन्दे़ॽओ॥” खे़न् ये़न्नो आङ्गाॽ हाङ्ङिल्ले़ कुसेॽजःङ्वा के़दोम्बा लत्थिक् सुहाङ्युक्पा वयाङ्लो॥ Gade chapit la |
नहेम्याह 1:11
27 Referans Kwoze
माङ्हिम्मिन् कम्ब्राङ् मे़प्मारे़ लागि मे़जोगुबा चङ्हिम्मोबा लाम्धेत् हे़क्क्याङ् यम्बा लाम्धेःत्हाॽ चोःक्मा, ये़क्यक्कोबा लुङ्धाक्हाॽ से़प्मा नु आङ्गाॽ आयुङ्मा हिम्मिन् चोःक्मारे़ लागि चाहाब् के़जोःक्पा सिङ्हाॽ पिआर फाॽआङ् हाङ्ङिल्ले़ के़दाम्भुङ् लक्कोबा सुहाङ्युक्पा आसापे़न् इङ्जाङ्-सक् थिक् साप्ताङ् पिराङ्ङे़ॽ॥ आङ्गाॽ नाःक्तुङ्बा के़रे़क् पाःन्हाॽ हाङ्ङिल्ले़ पिराङ् थेआङ्भे़ल्ले़ निङ्वाॽफुमाङ्ङिन् आङ्गाॽनु वये़॥
कन् ए़ज्रान् बेबिलोनलाम् के़भे़म्बा यहवे दाङ्बा इस्राइलबा निङ्वाॽफुमाङ्ङिल्ले़ मोसाःन्लाम् इस्राइलिहाॽ पिरुसिबा साम्योथिम् इङ्जाङ्हाॽ के़रे़क् साम्जिक् निङ्वाॽ के़गप्पा साम्योथिम्साम्बा वये़॥ यहवे दाङ्बा निङ्वाॽफुमाङ्ङिल्ले़ कुहुक्किन् ए़ज्राःल्ले़ कुसम्धाङ् पत्छे़बाल्ले़ चोगुल्ले़ खुने़ॽ नाःक्तुबा के़रे़क् पाःन्हाॽ पयम् हाङ्ङिल्ले़ खुने़ॽ पिरु॥
खम्भ्याङ् यहवे दाङ्बे़न्नु के़गिबाहाॽ ताॽमे़जे़क्खे़, हे़क्क्याङ् यहवे दाङ्बे़ल्ले़ खे़ङ्हाॽरे़ खुन्छिॽ पाःन्निन् सिङ्सिङ् ये़क्ये़क्काङ् खे़प्सु॥ यहवे दाङ्बे़न्नु के़गिबाहाॽ हे़क्क्याङ् खुने़ॽ कुमिङ्ङिन् इङ्धाङ् के़बिबाहाॽरे़ खुन्छिॽ निङ्वाॽसोक् किप्मनाबा साप्लाथःङ्मो खुने़ॽ कुदगिए मे़साप्तु॥
Piblisite