नहुम 2:1 - लिम्बु1 निनबेए, खे़ने़ॽ के़निङ्मि थिक् खे़ने़ॽ के़दक्ले़ङ्वाओ तगि फे़न्ल पत्लो॥ खे़ने़ॽ के़जङ्हिम्हाॽ कम्ब्राङ् मे़त्ते़ॽओ, लाम्मिन् नुरिक् ओमे़त्ते़ॽ, फॽइ युप्सिङ्ङे़ॽओ, के़धुम्मिन् लःत्ते़ॽआङ् के़धुम्बा चोःक्सिङ्ङे़ॽओ॥ Gade chapit la |
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
कुसिक्के़लाःक्पा मनाःल्ले़ से़प्माङ्मो कुजा चबा निसुरो, कर कुमिक्सोःल्ले़ साक्मे़न्जाए वाॽरो, इग्र कुवागे़मिःक्पा मनाःल्ले़ से़प्माङ्मो च्वाःत् थुङुबा निसुरो, कर कुमिक्सोःल्ले़ कुवामिआङ् कुजाबोःप्मे़न् हेआङ् पत्लो॥ सियोन कोःक्माल्ले़ कुदक्ले़ङ्वाओ थङ् के़जोःक्पा मे़न्छाम् सुवाङ्लुप्हाॽरे़ खुन्छिॽ मे़क्मा सिमे़न्नाङ् हाबा हे़क्तङ्बाए पोङ्लो॥
कोःक्मा फाङ्जङ्हाॽओ सुनाइङ् के़से़बाहाॽरे़ खुन्छिॽ लाङ्हाॽ साॽरिक् के़घे़म्सिङ्बा चोक्लो, खे़ङ्हाॽरे़ सुनाइङ् इङ्मे़भोसुरो, खे़ङ्हाॽरे़ सनारुङ् उवा मे़जोगुरो॥ खे़ङ्हाॽरे़ से़न्लप् खोमा पाःन्हाॽ उवा मे़जोगुरो, खुने़ॽ सियोनबा मनाहाॽ मे़त्तुसिरो, “खे़निॽ निङ्वाॽफुमाङ्ङिल्ले़ हाङ्युक् चोगुरो॥”